下水禮

上星期去沙灘，只係玩下沙，
未敢落水，
今個星期去泳池，
情況係點！！

出發之前，囡囡話:去游水，好呀!

去到泳池，行去落水都驁!
不斷話:唔好呀!

好啦!慢慢來啦!先坐在池邊,
眼見我地一個個落水，玩得開心，
佢心郁郁了。

爸爸游左過對面，我把握住好時機，囡囡我地過去同爸爸玩。
於是，成功落水，
之後，仲敢踢腳。

媽媽覺得你好叻，好勇敢呀，
大進步呀。(其實，我党覺得佢好醒，會睇清楚發生乜事先再行動。)


至於我，好耐冇游水，趁機游返，
好爽呀!
爛船仲有三根釘，保都未老，哈哈哈哈哈！

囡囡成功下水，下一步就係學游水，
囡囡你唔洗報班，你有個私人教練，媽媽教游水喇。

趕水尾睇鴨仔

大鴨到港，應承囡囡同佢去睇，
可惜一直有太多太多原因冇去到，
鴨仔星期日要回家，
我地星期六一早0830出發，
爸爸揸車，好快去到，
可能時間早未有太多人，
亦太熱，可以同囡囡拍下照，
大家亦十分禮讓。

至於囡囡，見到隻大鴨就勁開心，
斷話好靚呀，鴨鴨好高好大隻呀。

問佢有幾多隻鴨?
佢話:123456789.....10有好多隻鴨呀!

後話:
其實，我同老公原本可以先去睇鴨，
但慶幸老公同我好一致，
我地既信念一係一家三口都唔去，
一係一齊去。