晚餐及便當--鴛鴦意粉

今日方包返晏，七點幾回家，今次佢叻仔喇，
早早通知我，等我有足夠時間買餸煮....
睇下有乜嘢食先.........
原來係意粉呀.....
睇下有乜嘢材料.......
有黃椒、蛋、帶子、脆皮腸、蟹柳、仲有包包最愛既肥嘟嘟煙肉.....


由於本人比較愛茄汁，所以今晚食既係加茄汁既，
包包聽日個便當就係白汁，因為包包愛白汁.....

依......好似太少菜喇........整左個沙律.....

材料有薯仔、蘋果、生菜、粟米、仲有菠蘿.......

渴睡的我失眠了

平曰勁鐘意瞓覺既我,
今晚已經係連續第二晚失眠喇!!!
我好眼瞓但係瞓唔著,不停響床上滾來滾去,終於整醒左包包,
同包包講….佢居然叫我去煮個早餐就得?!
我當堂o咀!我答佢我唔餓喎!佢話煮完就餓?!
其實你係仲瞓梗定醒左架,點解咁妙問妙答既!!
最後我都係決定起身費事整醒你.沖杯熱利賓立飲寫篇Blog.希望一陣可以瞓到啦。

聖誕假期後遺症

放左連續三日假，今日星期一要返工喇，
之前果晚瞓得唔好，不斷醒下又瞓下，05:15醒過，
諗住未夠鐘起身，可以再瞓一陣……..
點知一起身已經係08:27…….
下……我返08:30喎………
成個人彈起……..
落床…..
包包仲同我講，今日又唔係星期一08:30又點……
下….今日真係星期一呀………
快d起身車我返公司啦…….
立即打電話回公司…….
呵呵………一向同我好夾既好朋友同我一樣唔知醒返工……..
又一次證明我地係好朋友，連唔知醒都一齊，
唔知既人真係以為我地係夾過………

幸好包包今日放假，可以車我返公司咋，
08:30起身，09:00已經回到公司喇………
真係辛苦包包………
唔該晒包包............

沙田強記雞粥

身為一個沙田柚，冇理由連沙田最出名既雞粥都未食過........
今日同包包去左食，

睇下我地叫左乜食先.........
叫左一個蠔仔肉碎粥

再加一個馳名雞粥

再加一個炒麵........

好滿足好飽飽........

聖誕新城市廣場

今日係聖誕節，希望個個都開開心心.......
過一個開心聖誕節，
琴晚平安夜大家去左邊度玩呀......

呢張相係果醬聖誕前趕住去買禮物既時間路過新城市廣場，
影下的..........

硬頸鬼的作品........薑汁燉蛋

果醬就係一個勁硬頸既人，
由於之前失手.....今次又要再試一次，
終於今次成功了........

鹽水雞翼+豉油皇撈麵

呢日日一齊放假，兩口子窩左家中，
連落樓下食東東都不願意，
雪櫃仲有乜嘢可以食呢......
找到雞翼.......
整左一個鹽水雞翼........

仲有豉油皇撈麵.......

開餐喇........

突然考牌.....咖哩魚蛋烏冬加瑞士汁雞翼

方包..........
又次係咁喇，返晏又唔出聲，七點先sms我，
問我食乜野，之後就問我有冇野食，
大佬，你估我係魔術師咩，
我次次都搵下雪櫃有乜食，
真係好救命!!!!!!!!

睇下今次我又整左乜!!!!!

傷心酸辣粉

呢日因為包包要去打波，所以放工去左深水埗匯合，
再一齊去左食嘢，就去左呢間好多人介紹既傷心酸辣粉食.........
叫左兩個套餐........

等食中.........似唔似d小朋友準備考試時既緊張樣，
因為我真係唔係好得辣，所以只叫了BB辣......
包包就叫左小辣.........
好快我既BB辣既酸辣粉已經到喇.....

下.......BB辣都好辣..........

好擔心包包既小辣冷麵........

我既口水雞.........辣...........

包包既肚絲.......

下............
包包既小辣冷麵..................
居然唔係好辣.......

雖然好辣，不過可以接受，下次可以再去.........^^

香橙hand cream

呢個係我新買既hand cream，
其實新hand cream我仲有幾支，
點解仲要買，咪因為一個靚字......
真係好靚.....仲要好平，平時要$4x....
果日樓下屈記平賣，只係$13.9.....
所以買左一個.....^^
試左喇.....搵包包....
淡淡橙色既cream，有淡淡既橙味，
有少少似body shop果隻body cream既味道......
好容易吸收.......不錯不錯，
但係如果要$4x就太貴喇..........

老媽牌愛心燕窩

登.....登....登....登......
等我同大家介紹，
呢瓶並不是老X家既燕窩，
而是本人老媽牌的愛心燕窩........
真材實料架.......
每次回娘家老媽總會為我準備...........
老媽真係好好.........

激氣......Dove朱古力

激死我喇............
早排響公司樓下間7仔買左呢盒嘢，
開黎食已經覺得唔太好食，
今日終於食到最後一粒，
見個盒咁靚唔好浪費，可以用黎入萬字夾，
就響我搣開張貼紙既時候........
一個驚人既大發現..........
原來係國內版.........吓..............點解要咁..........
我唔係話國內版唔好........但係點解要騙我.........仲要$13-14元.........
如果係國內版我買就冇問題，
問題係依家佢響原本國內版既包裝紙上加貼另一張包裝紙，
咁分明係騙人啦.........
我頓時覺得自己好蠢呀!!!!!!!!
正一衰人........我以後都唔買呢個牌子呀!!!!!!!!!!!
火火火火火火x10000000

冬日暖飲--Starbucks 朱古力

天氣又再次轉凍喇，各位小心呀......
唔好中招呀........
飲杯熱朱古力暖下身.........

一對小雞杯

終於餘下既fun都足夠換多一個杯俾包包，
一人一個......好開心.....

好夜既晚餐--糖醋魚柳、 瑤柱水蛋、 煎薯餅

呢日煮d新餸菜....
包包去左打波........我放工立即回家......
已經好快手，但係都要煮到20:00先有得食.......
唉........真係......唔得咁架....




好喇...睇下食乜嘢......
有煎薯餅，材料有薯仔、粟米、火腿、仲有雞蛋.....
(一路煎一路好香.......)

另一個餸菜係糖醋魚柳.....
嘩........呢個整左好耐!!!!!!
幸好味道還可以，不過自己覺得下次可以改善下....

仲有..由於已經20:00所以心急之下蒸老了既瑤柱水蛋.......汗!!!!!!

麵包超人毛巾仔

呢排返工真係好辛苦，又忙，
呢日行開街.......



居然俾我見到Anpanman毛巾仔，好靚呀.......
一次買左三條.......
條條都咁靚.....



第一條......顏色同質地都好好，所以買多左一條送俾我個好朋友.......



第二條，都好靚，不過是最後一條喇.....

第三條，呢條毛巾係兩層架，買果時唔覺得咁靚，影出黎靚好多......

東亞運動會之籃球賽

難得香港搞東亞運動會，
我地一齊要支持一下，投入一下，
比賽前一天包包才打算去買門票去睇籃球比賽，
可惜當時門票已經賣晒，原本我地已經死心，打算放工回家睇電視直播，
就響呢個時候，包包的朋友仔買左門票但又不能去睇，
所以將門票贈我兩口子，
所以呢日同包包可以去睇現場，真係好開心.......
又係我果句名句啦，「唔期望唔失望」
好喇，依家帶大家一齊去睇比賽......

你睇...我帶左幾多零食入去.....

十字繡--財神八達通套

這個是送俾大哥既.......
財神......
是他的心愛.........呵呵.....
其實係個個都有，佢都要有..........


我大哥好錫我架，所以我都好錫佢.....

包包便當--煎餃+炒麵

包包呢排成日都話要帶飯，而我亦都好樂意去煮，
我通常唔會餐餐都煮飯俾佢帶，
今日就係煎餃同炒麵.......
找到一個格格盒，可以分開，唔洗好似打仗咁........
希望包包食飽飽啦......

大閘蟹

呢日去左人地屋企食大閘蟹，
d 蟹真係好靚，好肥..........

今年大家食左未呀?你地鍾意食公定乸呢?

我就鍾意食乸.......

新花花

好鍾意紫羅蘭，
呢兩盆係之前買架喇，
好特別呀，仲要係細迷品種.......
一盆係粉紅+綠色

另一盆係白色紫色......

兩盆都好靚........

四色vaseline Lip Therapy

響半年前行過龍城買左紅色果一個......
搽左令咀唇有少少紅色，不用再另外搽唇膏已經有自然既紅色，
好潤又加上淡淡既香味，感覺好舒服，
差不多日日都用，
一直好想買齊其餘早三個，
日前行過龍成，已經排梗隊準備俾錢，
突然眼角閃一閃.....
睇到佢地.........


唔理咁多一次買晒......

打開睇下........

老闆的日本手信

老闆早排去日本，
回來買了東東俾我地........
睇下幾靚........
未開已經好開心........

開左係乜....... 嘩.......好靚呀.......雖然唔知道乜嘢味........

另一個係蛋糕，因為太飽，所以未食.......

OK小雞杯

終於換左個杯喇，仲有少少fun，
希望可以換多一隻俾包包啦......

病到五顏六色

作病左幾日，終於病倒了....
咳啦，喉嚨痛啦，鼻水啦........
夜晚瞓著時咳得好厲害，完全瞓唔到，
一瞓唔夠就會頭痛，
星期四返左半日工就要走.....
立即回家瞓一瞓，希望會好少少，
瞓醒真係好少少，
果晚仲要去「寶福山」，
去到整東整西，原本以為可以早少少回來，
但係包包位置十分重要，我們不能早走...
不知不覺已經12:00才回到家.....
又要洗頭又要整火盆.....
真係唔知幾點先停下來....

果晚整左ed 之前介紹既古法止咳法...
希望食完會好少少.....
真係勁難食.....

呢個橙令我諗起細個一件事，話說細個身體勁差，
有一次我病左好耐，老人家唔俾我食生冷嘢，
連橙都唔俾，但我又好想好想食，
結果老豆放個橙落水中加熱，才俾我食，
嘻嘻........老豆好錫我架.......

星期五，一起身.....
咳到聲都沙晒，頭又痛........不得了，鐵人要倒下了.....

終於去左睇醫生，回家食左藥，
係咁瞓.........