春到福來

五星期零一日!!
可以做D乜，我就整左個中國剪紙春到福來俾我老豆!
老豆每年都會四出張羅靚揮春，
有呢幅就唔洗咁辛苦四圍年年揾啦!

媽媽制髮夾

囡囡以前返嬰園不可紥辮夾夾，
因為怕小朋友覺得得意而拉扯，
會痛會受傷，
但返左N班大個女喇,每朝都紥辮返學，
呢個貪靚囡日日都要自己揀髮飾。

今日半夜無聊一口氣整左8個髮夾俾佢，等佢慢慢揀:

紫色雪紡卷卷髮夾(之前收埋既雪紡布碎卷埋就成了!)

木兔仔(不知何年何月從哪得來的木兔仔，在背後加多髮夾，完成，順利成為女兒的大愛!)

Kitty貓系(好耐之前買既kitty貓絲帶，卷兩卷即成!)

海洋系(我自己都好鐘意

Pink pink kitty 貓

紅色簡單蝴蝶結(唔知何時在禮物包裝上拆下來的絲帶，一直覺得不長不短，某日放上手剛好結一個雙層蝴蝶結!)

Sakura Pudding@Milk Top

去完沙灘，又不至於太熱，去左屯門市廣場，
老公湊住囡囡，我去行街，
行左一轉滿載而歸，收獲全部係囡囡既，
Hallmark 3條裙+1條褲,cck既1件衫，
亦不能冷落兩父女，
行過Milk Top見到新出既Sakura Pudding(櫻花味)
淡粉紅色，我已經被吸引住!

買左套票換左一杯上車一家三口一人一口分享，好甜蜜！！
北海道牛奶製造，好滑好香牛奶味，真係好好味，下次再換杯乜味道好呢?

試玩舊咖啡灣

早前因為女兒學校有教師導向日所以放假一天，咁啱老公放假，
雖然個天陰陰，但係都去沙灘玩下，
作最壞打算咪大了走番上車回程，
有小朋友有架車真係方便好多，
一來去多好多地方，見多D識多D，
二來唔洗舟車勞頓咁辛苦，
三來屋企人多，什麽家庭聚會，我哥弟三架車一齊出坐滿晒，方便過坐的士。


好了說回我們的行程，
之前一日我已經準備好食物，
所以一早起身換衫可以出發，
平日去閔清水灣，但係今次想轉一轉地點，
去屯門舊咖啡灣，
小朋友去到唔理咁多即玩沙

之後，同我講:媽咪，冇水!

當日浪好大

我呢D有沙灘大浪恐懼症既人唔敢落水!

囡囡評語:D沙好粗，拮腳仔，好大浪，水污漕漕呀，
去返上次果個沙灘啦!
ok，阿媽明白了！！

校園生活

返左預備班快1個月，每日返學放學都會同老師傾幾句，
睇下囡囡返學既情況，星期五老師仲主動打電話俾家長詳談，
老師辛苦你了!
1個月過去，囡囡大概已經適應校園生活，
每天準時起身，飲奶，刷牙，洗面，玩一陣玩具，
換校服，自己著襪著鞋返學，
感恩她十分愛返學，我唔期望佢好叻，我只希望她愛學習！

她的學校安排左好多室外活動，好讓小朋友可以跑下跳下，
今日就見一邊操場放置了4個大大小小既泳池，

而另一邊就放左吹泡泡既用品。

放學了，囡囡同我講:呢度吹泡泡。小咀嘟起，吹！！
甜死我了，笑死我了，可愛到咁，媽媽錫到你暈，
媽媽太愛你了。為左你放棄份工，我太願意了，
我可以日日夜夜對住你，教你，我會好好珍惜。

Hallmark一年一度活動

Hallmark一年一度既活動，穿出你愛心 童裝舊換新(其實舊年都知道，不過一直冇時間去)

今年把握機會去走一轉，
先準備左囡囡幾件舊衫，因為小朋友大得快，
D衫仔好新淨已穿下了，
掉左好浪費，依家囉去指定Hallmark可以當$100,

即係加少少$就可以換過件新衫，
而件舊衫就會捐俾救世軍，
真係一舉幾得呀！！

我換左4件俾囡囡，只係補番$500即係一件平均百幾蚊。

你地都快D行動喇!

眼明手快訓練班!

自從生左囡囡我就好似參加左一個訓練班，訓練左兩年多，
依家我真係身手敏捷左，手腳協調左，一眼關七，
腦筋轉多左，仲眼明手快左!

可能做阿媽就係咁，不論你之後擁有乜野學位，乜野証書都好,
做阿媽就係一切從新學習。

次次同囡囡出去食飯都唔會坐定定，
今次睇中個牙簽筒!!

影完呢張相

一手掃過去，說時遲哪時快，
個牙簽筒連筒帶牙簽快要跌落枱，
左手攬住個囡，右手快手一接........只捉住晒D牙簽，
牙簽筒跌左落去！！對腳一夾，哈哈，小腿夾住個牙簽筒，
牙簽筒同牙簽都安全了。

好地方！

由細到大都沒有為囡囡安排什麼playgroup，
我認為人生每一刻都是學習，
多出去走走，眼睛多看,耳朵多聽，
學習不同既野，勝過返playgroup。

囡囡放左學，見藍天白雲，一於出去沙灘玩下，
帶理午餐,出發。

囡囡一上車就瞓，難為我全程抱住佢，好彩老公手車一流，
不至太辛苦。

一向左開清水灣，不過水質麻麻，沙又粗，
老公建議去銀線灣睇下。
去到哇!！

好靚呀!

水清

沙幼

設施好，沖水地方有十幾二十個，更衣室又乾淨！！

不得了，我已愛上了。

不過都有D缺點，
車位好少!!
冇公共車輛到!!
冇樹蔭!!(好彩果日下畫先出發，去到食完野已經冇咁晒!)

如事者,我地玩左3個鐘，走人，囡囡上車又瞓!
去到白沙灣附近對面線好塞車,
原來有二三十隻大小牛在馬路上散步回家，車龍一路塞到西貢市中心!!

大工程進度@week 4

知不覺第4星期了，
今個星期進度良好，
要keep 住先得!

食譜分享:兒童版迷你冬瓜盅

呢排天氣頁係熱得很！！！要吃冬瓜消暑！
咁啱行過超級市場，$12/2個迷你冬瓜，買回家同囡囡一齊整冬瓜盅，
有得玩又有得食，仲可以親子時間一番。

材料:冬瓜一個，瑤柱少許(先浸淋)，瘦肉少許(先用少少鹽醃)，
蟹棒少許，粟米少許，紅蘿蔔少許。

程序:
先在冬瓜頂切一刀，去冬瓜瓣及種子。

將材料加上冬瓜入，加入瑤柱水。

(真係好簡單，囡囡玩到好開心。

第二日又話要整俾爸爸食。)

隔水蒸45分鐘，即可。

貼士:樣樣材料都少少加埋也不少。

學用筷子

小朋友真係好奇怪，學野成日都係突然學識，
我完全冇諗過佢兩歲多少少已經學用筷子。

做阿媽幾時都要有兩手準備，咁啱呢排有睇，
正在格價中，去過花園街、玩具店、荷花、千色、一田，
原來最平係萬寕，真係估唔到!

在林林種種的筷子中，囡囡自己揀左bear bear熊 $33

返學一星期報告

不知不覺囡囡返學一星期了，
呢一個星期每日只返一小時， 好讓小朋友慢慢適應離開爸媽，返學去。 

第一二日父母(其中一人陪同)上課， 因為囡囡比較聽我話，所以第一天由我陪，

第一天無驚無喊，只安靜坐著觀察其他同學及老師(我都話佢係觀察型!)

第二天由爸爸陪返，無問題，放學老師話佢乖仲送左set套杯俾佢。 

第三天,自己返學喇,無問題，老師話:佢會主動同其他小朋友玩玩具，玩完仲會執玩具。好叻呀! 

第四天，自己返學，老師話:入校門時因為見另一個小朋友喊，所以佢眼紅紅，但無喊出來。 

因為囡囡讀預備班，其實係mix九月升K班既小朋友一齊上堂,哥哥姐姐好好會主動拖住囡囡，照顧佢，抵讚！ 其實，陪上堂除左可以令小朋友適應返學，我亦放過每一刻，留意k班小朋友，呢班小朋友真係好乖巧，上課時個個坐定定，出操場玩個個又好活潑，明顯地已經成功學習到control自己，而自理亦錯，可以自己去廁所，個個戒晒片，主動有禮，有幾個男仔仲主動走黎同我傾計，對答如流，咬字清晰，而女孩子亦不會公主上身，讚呀! 老師，姐姐有愛心，校長，每日返學放學總會在大堂等候，說:早晨/Byebye！ 

睇左一個鐘，我好開心，因為真係無揀錯學校。

開學喇!

囡囡兩歲喇，踏入人生另一階段，返N班喇，
第一天返學，由家長陪同，返一小時，
試試情況，囡囡全程冇喊冇縷，好乖聽老師指示，
真係叻女，連老師都讚佢叻，
可能佢由細在嬰園長大,訓練有素，什麼都不怕，
勇敢面對！嬰園出品，必屬佳品!

話咁快放學，
我問囡囡:你返學開唔開心?
囡囡:開心呀,聽日再返吖!
作為阿媽最開心就係聽到個女話開心，你快樂所以我快樂！
希望佢日日都咁愛返學。

食譜分享:粟米雞肉燴Kitty 粉

囡囡兩歲開始進入坐唔定既階段，
食飯坐唔定，有乜辦法吸引佢坐定定自己筆晒碗飯，
一定要出D法寶！！！

今日煮粟米雞肉燴Kitty 粉

材料:粟米2-3湯匙(先用研磨器磨成蓉)，雞肉切絲(如果較細既BB可切蓉)，
Kitty通粉2-3湯匙(是乎食量)(可用普通通粉代替，但囡囡是kitty迷!)，水2-3湯匙，
西蘭花及熟紅蘿蔔少量(裝飾用，冇都得)

做法:
先將通粉+西蘭花烚熟(Kitty粉烚9分鐘)，筆起備用。
粟米蓉+水+雞肉絲慢火煮熟，煮到粟米蓉杰身，可能需要一D時間。
等待中就用花花器整紅蘿蔔花花備用。

粟米蓉杰身後加入通粉撈勻，即可上碗仔，加上裝飾，即可食用。

囡囡見到即刻哇!哇!哇！

10分鐘自己坐定定食晒!

大工程！！

完成左囡囡兩歲既生日禮物，又手痕痕，
今次決定整幅中國味好濃既剪紙俾老豆，
目標係新年前完成，依家睇下進度先。

繡圖！

Week 1

Week 2

Week 3

往後希望一星期post一次俾大家跟進。

降温小法寶

小朋友新陳代謝比成人快，所以體温比成人高，
在家還可以，炎炎夏日，一出門已經成頭汗!

所以我帶囡囡出門總會帶埋呢個法寶

知道是什麼嗎?
放入冷水中，它會吸水

吸到肥嘟嘟

之後，放入防水袋，就可以出發喇!(需要時玀出黎用，涼浸浸!)

可以在行山用品鋪揾到，仲有好多顏色揀，
我就揀左兔仔俾囡囡同自己。

開學準備工夫!

不知不覺囡囡已經兩歲,要離開讀左兩年既嬰園喇!
囡囡係7月B，話係大B又唔係，同1月B拍埋，始終細半年，
Interview時差少少，不過佢都唔差，有3個offer有得揀下，
最後揀左最近屋企(近到馬路都唔洗過！)，
而且我地打算在區內升學，呢間學校在區內數一數二，
三來老師有愛心，四來呢間學校大B細B都收
(我點知，interview時在課室內貼左小朋友D生日月，我見個個月都有，
好平均！(所以媽媽們時時要多留意周圍，一眼關七！)
五來鍾意有室外運動場，雖然唔大，但係有，已經好好，
因為好多幼稚園都冇，我覺得有個運動場小朋友可以多D出外活動，
身體好過成日在室內嘆冷氣。
終合以上各價點，我揀左呢間N班，希望我冇揀錯啦!

一月尾 first interview，二月頭second in，二月尾已經有結果，
收囡囡讀N班，五月已經買校服，書包，交書薄費，5/8星期一開學，
開學之前，媽媽要準備的也不少！！


一早拍定學生相，你知啦，小朋友唔係日日咁合作！！

要買定白色襪，白色底衫，同白鞋
(呢間學校好好，只係得運動服，所以唔洗買黑鞋。另外，我好懶只買同款襪，以免成日要pair up！！)

仲要在校服內一一熨上名貼，以免小朋友換衫時調換了!

(温馨提供:鞋都要熨上名貼，將鞋墊取出，熨在墊上。)
希望我呢個新手媽媽幫到大家，多謝支持，下次再同大家分享！

天天都係運動日

啱啱過去既星期日係全民運動日，大家有冇出去做運動？
計我話天天都可以係運動日。

呢日早左食飯，休息一陣，一家三口去街場打波，
郁下身體跑下，出身汗，爽晒!

第二日去左馬鞍山海旁散步，有海風吹，好舒服。

呢朝同囡囡去買菜，買完，去公園玩下，出身汗。

其實，幾鍾意做運動出身汗既感覺，
我呢個肥C9，就係做運動，成功減左20lb，老實說，做運動減好過搽乜野膏，食乜野藥去減。

至於個女遺傳左我地愛運動既因子，她也很愛做運動。

緊急報告:mothercare 大減價

今日路過沙田mothercare，原本冇諗住買野，
只係入去take a look!

點知減價又買左幾件，又同大家分享下!

灰色長袖連身裙 18-24mth(但size偏大)
今年冬天，囡囡應該啱!
$60

間條牛仔裙 3-4year
明年夏天應該啱!
$85

紫色連身褲 5-6year
平時我怎少買連身褲俾囡，因為去廁所會好麻煩，
但係真係好靚，諗起佢著起個樣,最後，我都決定買。
$97.5

回家先發現，原來係減價再半價，好抵呀!

現場所見仲有好多男仔款，各位媽媽，有時間去逛下，入定貨。