婆婆勁買BB衫........

大家睇下....... BB既婆婆(即我阿媽)買左幾多BB衫........ 呢度只係少部份，仲有d冬天既我未攞番屋企............ 驚大家睇得唔清楚......... 有外套啦，夾衣啦，仲有和尚袍.........

排出黎睇下.......

真係乜野款都有.........

BB你真係好幸福，個個都好錫你........

organia 產品試用@ VivoPlus

首先,多謝VivoPlus送贈新產品俾我試用。 今次試用既是Organia 系列的東西.... 日本大地震之後，很多人都擔心日本的出品， 既然擔心，何不轉用其他國家的產品......... Organia是韓國出品 呢盒是牛奶護膚精華潔面乳 包裝好靚....... 寫滿韓文......我老公話唔講真係好似食物包裝.........^^ 打開........ 哇.......分量不少呀......180g........(有排用........^^) 藉得一讚，全系列都有保護鍚紙，確保清潔衛生....... 質地是白色cream狀的........ 味道較濃，但可以接受...... 加少少水就可以輕鬆起泡， 泡沫分量不多，但足夠， 洗面後，沒有乾燥感，一年四季用都岩....... 原來佢含有天然有機牛奶精華，洗面同時淨化嫩膚.......... 價錢.........只係$39.9......有如此質素，是一個不錯的選擇。 跟住，另一產品就係 香薰精華潤膚露及護手霜套裝 包裝盒同牛奶護膚精華潔面乳差不多..... 都係好靚........... 150g......... 質地是白色cream 有濃郁香味， 皮膚容易吸收，潤而不膩.......讚 原來呢支含天然有樽精華，具深層滋潤作用，有效舒緩肌膚乾裂。) 跟住介紹呢支就勁喇......... 就係呢一set當中既護手霜........... 大家睇下佢既質地先...... 似唔似平時用開既消毒酒精搓手液......... (我曾一度以為公關小姐俾錯左野我試.........>< 再問之後先知原來真係hand cream 黎架) 真係好清爽，以後搽左hand cream都不怕滑來滑去了....... 男仕一定很愛很愛..........

價錢.......$79.9.......送禮自用都好抵........

姊妹們留意，以上好東西只在VivoPlus有得賣架咋，

可以去以下網址(http://vivoplus.com.hk/stores.php)睇下邊間近你啦......

仲有.......逢星期二、三及四仲有不同優惠架.......大家唔好錯過喇.........

五分鐘早餐@自家製漢堡飽........

又係五分鐘早餐時間.........
今次整左漢堡飽.......
當然不及m記既美味.......
不過都有好多材料架.......
老公返黎叮一叮就可以食........

唔知係咪我好彩,老公對食真係冇要求,
只要係食得落肚既佢都會食,
所以令我好放擔嘗試整野食.......

快高長大的花花

今日是一個重要既日子，
就係我屋企既花花換盆既大日子.......
老公好錫佢種既日本森樹，由BB開始種.......
由拍拖到依家......搬家時第一種要帶走既就係呢盆植物.......
搬左黎呢間屋，已經換左一次盆，
但係近排，老公話森機好似唔開心，
要幫佢換個一個大盆.......
之前去花墟，老公好細心擇左好耐買左個盆........
今日......就係換盆既大日子喇.........
老公親手幫佢換架.........
同場加映......
紅寶石......
(剛回來時得9cm 高，依家已經12cm 喇)

羅漢松
(剛回來時4cm ,依家5cm 喇)

長春滕.....

影結婚相時作為頭飾，

依家愈來愈高，係咁往上爬，

好似想爬到天花板好滿足.........

BB禮物.....老行家燕王官燕

一向都有食開燕窩，
係阿媽燉既，佢燉俾我我咪食，唔燉咪唔食果種，
但係依家陀住個B，想生一個健健康康肥肥白白既BB，
所以呢日放工專登去左老行家買燕窩........

買左兩瓶，有一攞現貨一瓶遲d先攞..........
今次買既係燕王官燕無糖......
其實無糖既入口真係冇咁好味，
不過平時已經吸收好多糖份，可以減就盡減，
護士姐姐教架，要少糖少鹽少油呀.........

我同老公講：「 一瓶可以食一個月，咁BB都係幾個月就出世啦，
都唔係好貴......」
點知老公話：「出左世都要食.......」
(我以為佢話BB出左世要俾BB食)
我話：「佢咁細個唔食得架........」
老公話：「唔係BB呀，係你呀，你生佢，俾佢吸晒d好野，你要補充番架.......」
嘩.........個心即刻暖晒.........
原來佢唔係淨係掛住個BB架，個心仲有我架..........

偷閒下午茶@Italian Tomato Cafe

Italian Tomato Cafe.....仲記得好耐好耐之前，我地拍拖既時間，
什麼紀念日，什麼情人節同聖誕節，
總之所有慶祝既時候都會黎Italian .......
因為當時佢有buffet........
我地兩個人可以食，
五六件蛋糕+四五碟意粉+一兩個pizza+幾杯野飲.......
回大本.........
依家佢冇左buffet覺得好唔抵...........

呢日行過...........
有下午茶喎，
可以一試.........
叫左一個意粉............

一個pizza........

加兩杯野飲...........

total........$100.......
始終不及buffet時抵吃...........

diy 早餐

老公要番通宵喇，知道佢放工回來一定好眼瞓......
佢肚餓就瞓唔著既，唔想佢成日食公仔麵........唔健康......
所以比平時早左五分鐘起身，
整定個早餐(雞蛋三文治 + 牛奶麥皮)俾佢番黎食，
而我又可以帶一set番公司食...........

大家都可以有一個豐富既早餐又健康......
其實另一方面，我地在慳錢呀........
兩個人都出去食早餐，每人$20*2=$40.......
我呢個早餐二人份量都只係$15.........慳唔少呀.......^^

BB會禮物

之前入左好既BB會開始寄禮物黎喇..........

BB保品--Materna

決定要BB之後就要開始食葉酸保充劑,
因為葉酸水平要keep響身體內先至有用架,
所以一般來說要三個月前食先得架,
我就係剛好食夠三個月就有左BB..........

證實真係有左BB之後,就食多左一種......

惠氏既 Materna

詳細資料可以去官方網睇

http://www.wyethmama.com.hk/$$wyethmama.html?menu_id=67&menu_item_id=7

個樣係咁架.........

真係幾大粒.........

一日一粒.............

不過為左BB值得既............

一田BB展收獲....

之前買左四個大奶樽，

想買多兩個細樽先夠，

所以趁BB展最尾幾日，去買多兩個細樽，

好喇，奶樽就準備好喇.......

Puccho 層層疊

OK呢排又換公仔筆,
差不多日日都去行下........
呢日收獲係.........Puccho既層層疊.........

平時我唔鐘意玩層層疊,因為我太差喇,

成日都輸,唔好玩.........

不過呢個好平只係$34.9........又好靚,

買番去玩下都好..............

登登..........等我同大家介紹.......呢個就係我師傅喇...........

輸左............

果晚食左咩，有人話已經唔記得因為掛住玩...........

Paul & Joe 15 th anniversary special issue

好少一日出兩篇.........
但是她實在太美了，要儘快同大家分享.........
是今朝響OK敗的,
size :32cm X 47cm X13cm
夠晒大........

Clinique 送的免費eye mask

Clinique寄左張卡黎，

哇......有一對免費eye mask送喎，

放工路過就去換..........

姐姐好好人唔sale野就送左俾我喇，

已經成為習慣地問，孕婦可以用嗎，

可以架，孕媽媽又可以試下喇..........

問題天天都多的準媽媽必讀

之前入左美素佳兒既媽媽會，
寄左呢本書俾我，
孕媽媽最常問的254個Q&A
岩晒我啦，可以好好增進知識..........

有營養飲食、日常生活、孕期健康、孕期疾病及分娩前後

內容都好豐富架，

真係乜野都搵到............

幫我解開不少心結..........

日本大地震及海嘯.....

上星期五日本發生大地震，根住仲有海嘯發生，
當日午飯時間之後返到公司，
睇住個電視真係呆左，真係好勁，
有一刻真係希望全世界只睇梗戲，而不是事實，
上天點解要咁對人類呀，
點解又有天災.....
係咪人類唔乖，要罰佢地......
點解要罰咁重呀........

放工番屋企，由於老公之前果晚番通宵，剛剛瞓醒，
未知道發生地震，開電視一睇......呆左..........

晚上我發左一個夢.........
夢見我一家去露營，突然地震海嘯.......
個巨浪已經可以睇到，我想抱住BB走，
老公話點夠個浪快吖，
叫我同BB一齊入個營幕內，
之後我地一齊入左去，佢拉好個營，
大家一齊平瞓在營內，
將背囊放響我同佢頭上面，叫我抱實BB，
佢話一陣巨浪一沖過黎由於我地個營好輕一定會浮響水面，
好大風可能會吹左我地上天，有可能會撞到硬物，
所以一定要用背囊放響頭部保護頭部，
根住個巨浪真係沖過黎，佢大字型咁頂住個營以免個營沖散，
根住我地真係被吹左上天........過左一陣我地又去番海面，
飄下飄下終於去番陸地........個營救左我地一命............

大家有冇諗過....如果香港地震海嘯，

大家會點呢........

如果番番下工.........咁又去邊搵番屋企人呢........

希望唔好再有天災喇.......

媽媽破財記

今次又到媽媽出血........
今次買左一set三件既衫仔，
外套是白色軟棉棉既衫仔..........
仲有一件紅色花花白色底既底衫，
仲有一條黑色褲仔.......

真係好靚........

三件一齊著又得，分開著又得，得左........

爸爸破財記

唔好成日話我先會破財呀，今次破財買衫俾BB既係爸爸呀.........
響chickeeduck買的......
不過呢兩件又真係幾靚既.......

藍色連身衫仔....
小圓領，小花邊，質地又靚.......
好靚呀.....

裙褲仔......

係咪好靚呢，好有品味呢......
係咪好驚訝點解我老公咁識揀呢........
因為.........係我揀既.......

我變公主，老公變嗲精

我老公平時唔算好嗲又唔係好痴身，
自從有左BB，真係好攰，
日日放工返到屋企就好眼瞓，
通常20:00就會瞓，
留低老公一個俾佢自由活動，有時打機有時睇下電視，
其實佢都明白我真係好攰要瞓覺，
但係另一方面佢又真係好悶。

有一晚我瞓到半夜醒左，去完廁所，
見佢仲響廳打梗機，問佢點解仲唔瞓，
佢眼有淚光地同我講覺得好悶.........
真係好似一個小朋友咁.......
於是我問佢係咪肚仔餓呀，不如我煮d野俾佢食啦，
煮左豉油皇炒麵俾佢食，就係咁簡單佢已經開心晒，
最尾仲整左綠豆沙糖水，
佢就好滿足咁要瞓覺喇，
之前又話自己瞓唔著，根本就係想嗲.........
新一代嗲精呀.........

BB的鞋仔

趁星期六有時間.......
精神好少少.......
響屋企整左對BB鞋俾BB,
第一次整整得唔係好靚，
不過是我送俾BB既心意.......

老公番黎見到,問我可唔可以整一對俾佢喎.....>0<

好友送的禮物

呢日好友帶左個女上黎探我.......
傾左好耐計,仲有禮物同利士俾BB.......
打開睇下......
哇.......好靚靚呀.........
BB一定好鐘意........
多謝ee.......
BB有禮物，我都有.........

新品試用--Collagen 滋養睡眠面膜

首先,多謝屈臣氏PR小姐送贈新出既Collagen 滋養睡眠面膜俾我試用..........

呢排真係好攰，日日放工番到屋企個人好似散左咁........
辛苦辛苦.......><
一來陀BB真係好辛苦，
二來..........唉...........俾個空間我吐苦水..........
我公司個同事成日唔番工.........有幾成日......
就將二月份既情況同大家分享分享，平一平理.......
二月份有二十八日，當中有三日係public holiday，
有七日係day off，個同事再請三日病假，再請左八日半假，
佢二月份就只係番左五日半.......
我做左咁多年工真係好少見有人可以咁，真係服左佢，
我明白佢屋企係出左一點問題，知道會好傷痛，我明白，
但係問題唔可以影響工作架麻，令到我做多左野呀.........><

好了吐完苦水喇.......

就係咁晚晚都好早就瞓.........
瞓之前搽面霜既步驟真係愈簡單愈好........
今日就試下呢個........
質地是透明的啫喱狀........
淡淡的香味........

搽上面涼涼地，夏天用一流，
等待二十分鐘，等睡眠面膜吸收就可以喇，
唔知係咪我太乾燥，不用二十分鐘已經吸晒........
不用過水清洗，即可以去瞓.........
方便好用.......
岩晒我呢d又懶又愛美既人啦........

第二朝，平時乾燥既位置變得水潤，
真係好見效，當然若果效果更明顯就要keep住用喇..........
價錢方面..........$79.9/100克........
keep住用都唔貴........抵.........
原來呢隻睡眠面膜成分中有三大美肌元素包括:
骨膠原、植物透明質酸及尿囊素，
唔怪得效果咁好啦..........


同場試用了total solution repairing & moisturising cream
(天然骨膠原多效修護霜)
淺黃色既cream，質地薄薄的，容易推開，
搽上面後亦容易吸收.......讚........
價錢$99/50克......日用夜用都得得左...........

一年一度渣打馬拉松

比賽當日老公06:20起步，所以要好早就出門口，
為佢整左一個豐富既早餐，送佢出門口.........
一路上網check住佢跑到去邊，
都幾好喎全程都keep住平衡速度，
唔錯呀.......
一路陪住佢直至佢完成賽事，我先再瞓番........

瞓醒......佢回來了...仲買左好好味通粉番黎俾我食..........

仲有好耐冇食既美味菠蘿油...........正呀......

出年帶BB去終點等papa.......

馬拉松前的豐富晚餐

老公跑左兩年馬拉松，今年第三年喇，
頭果兩年我都有陪佢去起點，
去終點等佢，
今年，原本都好想好想去陪佢，
可惜天氣轉凍，陀住小B唔好四圍去喇......
只好響比賽前，為佢準備一餐特別的晚餐........

整左瑞典肉丸.........
加多一個蕃茄醬意大利雲吞(裡面既係芝士菠菜)，
仲要加左少少西蘭花伴碟......
全是對BB有益的東西......

希望老公食得滿足，比賽當日順順利利.........

一田BB展收獲

早排行左一田BB展，

買左一包四個奶樽，

平好多呀，原本要$325,依家$275，抵.........