十字繡: 小製作--籃球BB

上星期lunch time行下下見到個set十字繡，
是藍球BB......
包包最愛打籃球，諗都唔諗就買左黎繡，
諗住繡俾包包.....

第一天lunch time既成果............
第二天...........

第三天......已完成大部份喇..........

第四天.........完成.........

只係用左四天lunch time 就完成..........

依家送左俾包包收藏..........

突然愛上...........Clinique

呢日自己一個人放工去左新城市行，
因為d爽膚水同洗面東西都用晒，要買喇，
入左Clinique.....
個BA姐姐好好人幫我做皮膚分析，
原來我係第三類型既皮膚，即係混合偏油....
之後，就幫我用3號爽膚水響右手上抹一抹，
再搽爽膚gel.......
左手無抹爽膚水同樣搽上爽膚gel.....
對比一下真係冇咁吸收........
好呀.....我成日搽完嘢唔吸收架，
原來係面層既死皮阻住晒.......
由於夏天到，BA姐姐話出左支新既爽膚水，
有美白去黃功效.......
心動了........不如馬上行動............
帶晒你地返屋企...........
肌本透白淨膚洗面皂$200(勁大舊，有排用)
肌本透白亮膚水$250
特效爽膚啫喱霜$145/50ml
返屋企立即試用.......
洗面皂......夏天用啱晒......
爽膚啫喱霜真係冇改錯名......好清爽......
最出色係亮膚水........用棉花球抹一抹.........
嘩.......
黃黃黑黑的東東......
我以為第一次用先有呢個效果，
之後用都有......
記起喇，BA姐姐話每日都有死皮，呢d就係喇.........
好嘔心呀........
(真係好想好想影俾你地睇，但係怕你地投訴我.....
所以都係唔好喇........)

試食報告:5 gum

呢排睇電視成日都睇到呢個牌子既廣告，
響廣告宣傳下又吸引了我買黎試下..............

呀.........又一次被廣告騙了，
我只可以話它的薄荷味比平時牌子強烈小小，
嚼好耐都仲有薄荷味...........
但係就貴左少少............

最好笑係某天我響街上聽到兩個學生話可以黃+藍變綠..........
咁勁...........

地球一小時

地球一小時，從過去到未來，將延續下去。地球一小時訂於每年3月的最後一個星期六舉行，提提你，2010年的地球一小時，已定於3月27日星期六全球展開。
加入地球一小時2010熄燈行動，不僅代表你為對抗氣候變化已踏出積極的第一步，日後在日常生活中，你還可以進一步實踐低碳生活。別忘了，每一個生活上的小改變，都能影響我們居住的地球。
你可透過以下方法支持地球一小時2010:
拒絕備用電器
縮短洗澡時間
少用即棄餐具
多菜少肉
在2010年3月27日晚上8時半，把燈熄掉一小時
全球各地10億人支持290萬名香港市民響應世界自然基金舉會發起之地球一小時2009，連同全球各地10億人熄燈一小時。這個簡單又有意義的世界性行動，充分顯示眾人對氣候變化的關注。本會呼籲大家在日常生活中實踐地球一小時精神，以實際行動延續地球一小時的精神。參與地球一小時2010支持地球一小時，我願意馬上行動，實踐低碳生活！

詳情: www.wwf.org.hk/earthhour

試用報告: 水感肌--花蜜面膜

熱左幾日又凍番.......
明明安排了今日做mask咁凍，又想打退堂鼓......
依~~
記起了上次屈臣氏公關小姐送左可以加熱敷面既mask，
可以試下喎.........

首先，做一個深層清潔既程序，
我用左biotherm 既mask，只需要5分鐘，
響呢5分鐘，我去左煲水加熱水感肌面膜.......
洗去biotherm之後，時間剛剛好，面膜暖暖的，可以開始喇。
打開一陣香味，感覺不錯，唔會太強烈，可以接受。
剪裁亦很貼面，不會太大......
精華分量剛剛好.....
最好既係好貼心咁敷面同時可以敷眼，
可以俾我休息下，好好享受做mask既時間，
令我更輕鬆，精華更吸引.......

敷左20分鐘.......
拍拍面，令精華再吸收........
餘下既就用水輕輕抹去........
好保濕喎........
但係有少少笠，比較適合冬天用。

真係唔講唔知，$58/12片，平均每片$4.8.......
咁平!!!!
買多盒俾媽咪，一盒俾奶奶用都好喎.........

防曬用品(shu uemura 泡沫底霜+Anessa)

夏天就黎黎喇，
又係分享下我既防曬東東既時候喇.....
......嘻嘻.......
偷偷講個秘密你地知....
冬天既日子，果醬係唔搽防曬架，
我知道唔好，但係天寒地凍起身返工已經好辛苦，
仲要搽東搽西.......不如俾我瞓多一陣啦........

但係天氣回暖.......太陽開始強烈.......
所以依家日日都要搽防曬.........

多謝圓圓既介紹呢隻shu uemura 泡沫底霜，
真係超好用，好貼面，好薄，搽完好清爽，唔會笠，
仲有少少色(我果支係自然杏色，另外，仲有一款係粉紅色)，
搽完佢加上少少碎粉就可以返工，
控油效果亦十分出色，返工成日都唔會泛油光.......
仲有SPF30+++.......平日用已經好足夠。

至於........同陽光玩遊戲既時候，
我就鐘意用Anessa 呢支金色既防曬，
SPF50+++，我已經用左三支，
又初初出到依家已經改良了不少，
依家比初初出既時間清爽了，
我上次去Cebu都係用佢，
行山又係用佢.......真係好好用.......

我找到我的Mr. Right防曬喇........

OK換 winnie the pooh

OK又出左新東東，又係儲滿100Fun就可能換.......
終於換到一隻.......
其實.....又唔係勁鐘意Pooh.....
如果係麵包超人我一定會癲左........

大埔至粉嶺經大刀岃

過去一段日子果醬總是小病連大病，
成日病身體十分孱弱，
包包成日擔心我如果真係有左寶寶，
身子如此孱弱對寶寶同我都唔好，
所以佢決定要帶我去做運動，
等我身體健康，就算有左寶寶都陀得冇咁辛苦.....
他真是用心良苦.........

呢日佢要返工，但係響返工之前陪我去行山........
出發之前當然要食早餐啦.......
你睇小蜜蜂同佢一齊都好專心.......睇乜呀.....
原來係睇卡通片....
好喇.......唔好睇電視喇.........

坐完小巴再轉巴士，終於到左起點喇，
起點就響嘉道理農場對面........
今次由大埔行去粉嶺經大刀岃.......

一起步........上斜+樓梯......
幾經辛苦.....終於到第一個山頂....

仲有漫漫長路........
幸好有你不離不棄的陪伴.......

又上左一個山頂......
飲啖水.......又再行.......

風景好美...

太熱太曬.......成身汗....

大地在我腳下了...
因為呢度海拔566米...........

行呀行呀.......
上山上山.......
終於落山喇.......

落山落得多........
我腳震....

行下行下無啦啦有一段花叢......

知不覺行左三小時三十五分鐘，
中途冇休息太耐，只係飲下水.....
包包話我比相像中叻，
佢以為我要行四小時，點知行得快左.......

(你地估下包包平時行幾耐......

佢三小時就可以完成喇.......)

70歲生日版維他奶

維他奶七十歲生日，
為慶祝，所以出左一批不同既盒盒，
見價錢同平時一樣，
lunch time同好友一齊去入貨.............
買左十七盒.........
真係傻傻地........
不過人生找到一個會同你傻既朋友仔，真係難得......
睇黎我同佢lunch time 出去就黎要帶個背囊才可以......

我們的卡通公仔

久唔久都會整吓我地既卡通公仔，
次次都係整包包整得好似，
自己就真係唔係好似........
睇下今次又如何......
天氣轉左，衣服都要轉喇........
怕凍的果醬要加條頸巾.......
包包要加件薄風褸.....
我們都愛穿白色tee.....

夏天......包包最愛背心........

最愛駕電單車帶我周圍去....

試用報告：水感肌--多效神仙水

仲記得N年前，
SK-U已經用舖天蓋地既方式宣傳她們的神仙水幾好幾好.........
於是去專門店買左一支價值不菲的神仙水俾媽媽作為生日禮物，
媽媽收到真係好開心，當晚就試用......
翌日大清早........就被媽媽投訴........
佢話搽完又痕又紅又腫........
相信是敏感...........
於是果支價值不菲既神仙水就黎左我手上.......
幸好我沒有敏感，
但係點用好呢.........當爽膚水.......太笠......
當精華.........拍極都唔吸.........
最後......係用棉花吸神仙水再敷面，才勉強將它用晒........
自從呢件事，真係有一段時間怕左「神仙水」呢三個字..........

今次試左呢支神仙水........
打開係透明的，
依........味道比潔面液好好多，
淡淡的香味，感覺幾好........
洗完面，取出小量，放掌心，拍上面.........
感覺好清爽，沒有笠笠沒吸收的感覺，
好快吸晒.........
緊緻感覺不明顯，但保濕效果十分出色..........
以一支$58既神仙水這是不錯的選擇...........

試用報告：水感肌--多效潔面液

首先多謝Watson送出水感肌系列的東西俾我地試........
當中有一支叫多效潔面液既東東最吸引我，
洗面膏洗面奶就用得多，
潔面液是什麼東東??真係未試過........
好.......立即開左黎試試先........
打開.....原來潔面液係透明既，無洗面膏同洗面奶咁「杰」，
所以倒出黎既時候要小心，唔好倒太多，五毫子份量已經足夠，
(味道不太重，但係有d似洗潔精味，不太吸引...)
加水起泡，真係比洗面膏容易起泡，
泡沫分量亦比較多比較細，
用泡泡按摩面再洗淨就可以喇........

返工既日子果醬只個搽防曬之後再拍上碎粉返工去，
放工回來用卸妝水抹一抹，
今次用呢支潔面液洗面，潔淨度不錯，
沒有乾燥感受，皮膚好似軟滑了，
感覺就係沒有洗面膏既乾巴巴，亦沒有洗面奶的笠笠感，
剛好在中間位置，很不錯。
至於是否真的有緊緻抗氧功效......真係要用耐d先知。
但係以$58/150ml來說已經是一支不錯的潔面液了........
我俾80分，
如果真係要講要改善既地方就可能係香味同個樽
(如果係泵裝會更好，唔洗驚倒得太多出黎)......

Biotherm Skin Vivo Reversive Anti- aging Serum

一向是Biotherm fans的我，睇到出左一條新line .......
基因護膚，睇廣告已經深深被吸引住.......
終於帶了回家........
個BA姐姐教我第一個月用一亳子份量搽，
之後就可以減一半，
但係我已經再三問佢有冇按摩方法架，
佢就話冇架，
點知俾我響leaflet找到兩個按摩手法，
好彩我乖，會睇書.......!!!!!

最後係用積分換了禮物俾老公........

Cafe De Nail

慢手的果醬終於有相片分享喇...........
話說上個月同前個月既約會，我都無出席，
今次放底包包，點都要出席........

一行十幾人一齊嘻嘻哈哈，
食食食........玩玩笑笑，
渡過一個開心既下午，
多謝各位姊妹呀.......
亦多謝老闆維維........^^

車車厘數錶

真係好無聊.....
乜都影......

屋企花花

明明係一盆迷你品種紫羅蘭，
俾我種左兩個月，
同佢換左個大盆，d葉大左，朵花都大左.....

細佬買的東東

細佬上黎屋企食飯......
仲買左東東上黎.......
hehe......好好味呀......^^
多謝細佬........

我一定係傻咗.....

包包勁鍾意打機，一打機就會唔理我，
所以我成日話佢部XBOX係我既仇人，係我既敵人......
但係.......包包打電話俾我話佢買唔到遊戲碟....
放工我居然走去買左個仇人返屋企......
你話我係咪傻咗.....
唔係傻咗就一定係癲咗........

維他奶70歲生日

原來維他奶已經70歲喇，
生日快樂..........

可愛侄仔 Day 50.....

大哥同大嫂去飲，所以帶左BB回娘家，
一早知道呢個消息，
度度都唔去回家同佢玩.......
不知不覺已經50日大喇，
大個左好多，好抱好多喇.......
可惜今次姑丈要返工啦，唔可以抱你.......

包包的禮物

灣仔返工既果醬，
成日都會收到新產品的試用，
包包成日話點解冇佢份，
今次終於有男士專用的東東喇，
帶回家等佢開心吓.....

麻婆豆腐+娃娃菜煮臘腸

呢排冇乜胃口，整左麻婆豆腐，開一開胃........

另外，奶奶上年俾左臘腸我，一次都未食過.........
可想言之我幾唔鍾意食臘腸........

女人街冬蔭湯--泰國食食

去左旺角吃東東，
去左女人街一間叫做「冬蔭湯」食，
叫左杯龍眼水......
生蝦刺身.....

醉貓炒河.......

軟腳蟹生菜包.......

飽就好飽，但係唔係好好味.......

麵包超人地毯

我一向係麵包超人既忠實粉絲，
原本只係打算去行下，點知俾我發現麵包超人地毯....
實在按捺不住.....買了.....
趁新年...屋企打掃得乾乾淨淨.......
舖在地上........
實在太靚喇....

大埔晚餐+甜品

病左幾日，老公陪住我冇出街，
知道佢一定好想出去行下，
瞓醒趁精神少少同佢出去食飯，
去左大埔八號花園附近，原來果面都幾多嘢食，
原本老公想同我去食大餐，但係我真係冇胃口，
反而睇上了這街邊小店，
呢間叫源汁源味........
包包叫左一個肉醬豬頸肉撈公仔麵.....
好香呀.......
我叫左芝士雞扒撈烏冬..........
勁好味........
我自己一個都可以ko.........

食完行過轉角有間甜品店叫Rainbow.......
包包話好出名，成日想同我去食.......
哈哈........沖入去........
叫左一個椰紫湯圓.......

黎喇........

打開睇下......好清香........好潤呀，
啱晒我咳咳咳呀..........

仲有兩款湯圓(我地揀左奶黃同蕃薯)
奶黃...

蕃薯....

我比較鍾意蕃薯........
總括來說呢個甜品真係勁好味........
我已經深深愛上了.....