Have a Nice Baby

CafeMom Tickers

2011年6月30日星期四

洗BB衫

BB d 衫仔同毛巾紗巾都係我洗,
一來老公返工已經好辛苦,
既然我仲有能力就唔好再要加重佢工作量啦,
有時間不如休息下,
但係佢三番四次要求我俾佢幫手,
好啦,一於俾佢幫下手,
唔幫由自可,一幫手先知原來佢好開心架....

原來.....佢真係好錫囡囡.....
希望老公唔係三分鐘熱度,
第日bb出世之後都咁主動幫手啦.....

2011年6月29日星期三

可樂炆排骨.....

其實我真係幾唔鐘意出街食.......
趁星期六日個人有少少電,
去左樓下超級市場買餸.....煮d簡單野.......
今次試左整可樂炆排骨.......
煮左成個鐘可樂味已經冇晒.......
排骨可能太瘦有一點鞋.......
反而d紅蘿蔔好好味.......


2011年6月28日星期二

摸到你隻腳板仔......

今朝瞓瞓下....
BB如常地又叫我起身,
用腳仔頂我個肚....
我摸一摸,
哇........好明顯係一隻腳板仔.....
細細的......好感動.......
BB你要乖乖地留多幾星期響mami肚裡面,
食多d野呀......

2011年6月27日星期一

一個月.......

不知不覺仲有一個月.......
不過近日心情開始緊張.....好似仲有好多野未準備好咁......

可能我已經重左好多,
成日都好攰.....好想瞓......
星期六日假期通常都係瞓瞓瞓,
起身食少少野又再瞓......
好似一頭豬.......

2011年6月24日星期五

老公的獎牌.......

奶奶搬屋,搵到老公既一堆獎杯同獎牌........
佢好似當垃圾咁堆埋一起.......
可能真係太多不懂珍惜........
可憐我由細到大都冇一個........><
真係大開眼界.........




2011年6月23日星期四

終於可以食芝麻糊喇.......

不知不覺已經34wk幾喇,
可以食芝麻糊喇,
雖然只可以食熱的,但已經好開心喇.......
因為太太太耐唔可以食,
有得食已經好滿足喇.......

上星期去左檢查,醫生話BB已經調左頭喇......^^

2011年6月22日星期三

口啖啖零食@無花果.......

天氣愈來愈熱,冇晒胃口喇,
行過公司附近Vole.....
見到呢個零食.......
紫色包裝已經好吸引喇........
$29.9.....
買一包試下.......
冇提子乾咁甜.....
不過我都限制住自己唔好一次過食晒........

2011年6月21日星期二

老公送的禮物

老公呢日送左份禮物俾我........
大家一齊估下係乜東東.......

佢專登去位元堂買既.......
係白蓮鬚呀......
因為差不多係時間要去胎毒喇,
所以佢專登早少少去買左回來,到時可以煲俾我飲喎......
多謝老公......

2011年6月20日星期一

換窗簾?!

呢日響屋企開始洗BB衫......
原來BB真係好多衫仔.......
我先洗左d細件既衫仔咋,
已經好多好多........
成個窗都掛滿晒.....
好似換左窗簾咁......

遲d仲要洗其實野......好忙喇........




不過忙得好開心,好期待BB著住呢d衫仔.......

2011年6月17日星期五

自家種菜菜.....

一碟蒜頭炒白菜都post ,
你地係咪以為我痴左線,
其實.......佢一d都唔簡單架........
佢係我一手一腳種出黎架........

2011年6月16日星期四

蕃薯戚風........

成日見人地整不同味道既戚風蛋糕,
我又要試整,一於試整蕃薯戚風........
味道不錯呀.........

2011年6月15日星期三

專為暗瘡肌膚而設的睡眠面膜

市面上不同牌子都會出sleeping mask.......
效果通常都係保濕為主..................

但甚少見到專為暗瘡肌膚......
終於......發現了.........

NANOSYS 淨肌舒緩睡眠面膜 $235/100ml



細心地.........衛生有保證......


是透明啫喱........無加入香味.......


搽上面好light....好水.......好快吸收晒.......


成份有效抑菌及舒緩泛紅現象........


仲有控油效果架......... 仲可以一物二用......


平日爽膚後當面霜使用,或者搽多少少當sleeping mask 用(每星期2一3次)


自從上次試過NANOSYS Bio-Gentle Pelling GAUZE Kit 柔和紅酒去角質套裝 之後,


再加上今次,產品真係好有驚喜,價錢又合理,對NANOSYS既產品真係愈來愈有信心.......

2011年6月14日星期二

椰汁饅頭

蛋糕整得多,今次試整椰汁饅頭....
由於選用左無漂白過既麵粉,所以整出黎既饅頭是少少黃的,不過比較健康。
唔好問我份量,因為我是胡亂整出來既,
見太多水份就加麵粉,加左幾多自己都唔係好知道.......
總於,整出來可以入口啦........

2011年6月13日星期一

令炎夏醒一醒神的潔面泡泡

呢個夏天唔知道係咪因為陀住BB覺得特別熬熱,
日日放工都成面笠晒,成面又油又汗仲有好多灰塵....
好想即時洗過面,清爽一下........

sukin 既天然有機潔面泡沫..... $95/250ml

有機產品,不含色素,
沒有加添香味,香味是來自成份中的香薰油,
啖啖的香味,令精神為之一振.....正..................
只需泵一下, 只需要加少少水就可以輕易起泡,
份量足量洗面加頸.......

溫和地將化妝及油垢一一清潔,一點也不乾燥,一年四季都合用.....

孕媽媽用什麼都要小心.....
呢支洗面孕媽媽可以安心用喇,
因為不含令肌膚乾燥及繃緊的硫酸月柱酸鈉及有害化學物質。


2011年6月12日星期日

再見喇......早餐A

奶奶要搬屋喇,
佢地住左響果度二十幾年喇,而我同老公既中學亦響附近,
所以呢個社區我都好熟悉,
終於要離開喇,
我最唔捨得係........平台既早餐A........
曾經......為左令他可以多睡一會,我一個人山長水遠走過來,叫個早餐A食住等佢........
曾經......幾多次以早餐A為藉口,其實為左見你......
曾經......
留下太多太多腳印了...........

仲記得你果時入camp既日子,每個星期日晚都響呢間食肆,同你一家食晚餐既日子......
仲記得每一次依依不捨既心情.........
仲記得每次食完飯就要送你去搭巴士camp既心情....

直到結婚後,
唔會再去食早餐,
有時行過會同奶奶一齊去食下午茶.......

呢一日係臨搬屋之前最後一次1食早餐A喇........
依然咁好味........
菠蘿油依然好好味........

再見喇,相信奶奶搬走左,我地都好少機會再專登番去食喇.............
希望你繼續好好過日子........南豐.........再見喇...................




2011年6月10日星期五

BB口水肩

整左個口水肩俾BB.......





2011年6月9日星期四

係時候煲薑醋喇....

不知不覺係時候煲薑醋喇.........
老豆去買左一大蘿大肉薑回來,
由於買回來既薑表面好多泥(老豆話係未被浸過防腐劑既薑先至係咁多泥),
所以佢就幫薑薑洗白白,再風乾.......

我地見到薑既時候已經係白白淨淨.......
我地今日既target係刨晒d薑皮,
因為媽咪打算明天就開始煲薑.........
老公睇到咁多薑真係呆左.........

幸好屋企人多好辦事,
公公、婆婆、大舅父、大舅母、舅父、工人姐姐........
一人刨d.........
終於刨到十點刨晒..........
番到屋企已經十一點.......
好眼瞓........

阿媽同奶奶都會煲薑醋,
唔知道奶奶又會準備煲幾多呢.........??


2011年6月8日星期三

SQUINA C'Bon DR Mild Protect Bases (SQUINA C"BON 白白日霜)

一連兩日,都係介紹C'BON DR既東西........
係Mild Protect Base......中文名係白白日霜
唔知搽左係咪真係會白白所以有呢個中文名.......



係白色的cream...........



SPF28/ PA++平日用已經足夠了,



無香味...................



價錢: $330/30g適中,不太貴.......



不過質地比較笠.....





平時可以當日霜或者base都得,如果同陽光玩遊戲既時候就要2-3個鐘搽一次喇。

同場,仲有一支Step 4 Beauty Oil



睇leaflet好似好萬用喎,搽邊度都得.....



我睇到能防止及去除肚紋,懷孕期應開始使用......(雙眼發光)。

2011年6月7日星期二

溫和的泡泡@SQUINA C'BON DR Mild 洗面泡泡

最近試用左C'BON DR 既Basic care Line當中既Step 2
係Mild Foam
按2下泡泡,用泡泡輕輕按摩,再用清水輕輕一沖,
已經乾淨晒...
仲好保濕一d都唔乾,
原來佢深入毛孔帶走污垢,平衡油脂分泌,保持肌膚天然保護膜,
令肌膚濕潤柔軟。
真係一年四季用都岩。

2011年6月3日星期五

暖奶器

不知不覺,好快BB就出世喇,
要努力準備好喇,
衣食住行樣樣都要準備,
今次是暖奶器........
$280

2011年6月2日星期四

Sogo一肚氣之收獲......Clinique 刨刨粉

上個星期去左Sogo行街,
買左d BB野,仲有買左呢個均可完美礦物粉......
又名刨刨粉.....
但係就換來一肚氣,
事緣當日去感謝日,我明白好多人,
我去到已經示意叫sales姐姐幫我響櫃位內試色,
個sales姐姐又堅持要響人來人往既行人路上幫我試........
我個肚咁大好危險架......完全唔理會我既感受,
好喇,我都算啦,是旦試就買啦,
等佢出張單既時候,我當然地企入佢櫃位等啦,
Sale A叫我企響左邊等,好.......
一分鐘之後,sales B又叫我企去右邊,發晒火啦.......想點呀.......
我以後都唔會再去sogo 既clinique 買野,態度差得很........

好喇......講下盒刨刨粉.........
包裝.......好靚喎.........





打開睇睇...........


有個好有來頭既掃......(有什麼抗菌處理......)




向左轉就會即時刨左新鮮既蜜粉出黎,


即刨即用.......方便




搽上面........


半日真係可以有效令油脂分泌旺盛的部份(即係T字位)減少油光,


令乾燥的部份舒適不繃緊,維持水油平衡。




缺點就係佢果個好有來頭既掃,


係咪抗菌我唔知,不過好拮面就係真既,好粗好鞋.......


仲會脫毛.......


所以最後我都係用番自己既碎粉掃.......








2011年6月1日星期三

應一應節......

不知不覺好快就端午節喇.........
市面上開始浮現好多不同種類既糉子........
我獨愛咸肉.........
滿心歡喜的買左一隻榮華的........


蒸左40分鐘,終於有得食喇...............
其實味道真係好一般,材料又少得可憐,咸蛋同腩肉好似營養不良咁.......
居然要成$28.......
可能樓下粥舖果d仲好食..........
失望.......


無下次.......