阿女一日一日長,
大個左好多,又重左好多喇.....
依家日日都係我返學同放學,
由於仲未可以打直揹,
所以日日揹到膊頭痛......
終於要貼撒隆適膏貼.......
冰涼感覺......貼左一晚....
第二日好好多喇......
Have a Nice Baby
2011年10月31日星期一
2011年10月28日星期五
2011年10月27日星期四
龍鳳胎?!?!?!?!
好攪笑，某一天，我俾呢張相我的好朋友睇既時候.......
佢居然爆左一句.........
乜你生左對龍鳳胎咩.......
我o了咀.........
我再次澄清......我生果個係女黎架，係一個女........^^
2011年10月26日星期三
攞住毛巾仔......
媽媽帶我返學，
我想試下攞住毛巾仔，
於是媽媽就俾左條毛巾我攞住，
佢叫我揸實唔好跌左，因為佢冇帶咁多條毛巾仔出街，
跌左就冇得抹咀仔，
所以我好努力足住條毛巾仔
(當然媽媽偷偷幫我兜住幾次，如果唔係一早已經跌左.......)
你睇我瞓左都足實攞住毛巾仔架........
2011年10月25日星期二
2011年10月24日星期一
手信篇.......
我好想好想去旅行,
不過囡囡太細個,未可以去旅行住,
等佢大個d先一家三口一齊去........
屋企人就去左旅行,仲買左好多手信番黎俾我地.........
沖繩回來的........
韓國回來的.......
2011年10月21日星期五
Baby多謝你........
呢幾日係咁落雨,我又要帶囡囡返學,
出左門口先發現冇準備一張擋雨既東西,
幸好響手袋搵到塊厚厚地既絲巾,
一直放響手袋都冇用,
岩晒........
多謝baby 為我baby擋雨........
媽媽個手袋真係百寶袋........
2011年10月19日星期三
忙碌的媽媽
作為一個在職媽媽,睇下我放工之後既活動.....
媽媽放工去接我放學，因為學校六點就關門，
所以媽媽放工要即刻走，佢成日話自己「i believe i can fly」
次次媽媽接我放學，我一去到火車站就會乖乖地瞓覺，
可能係因為媽媽揹住我一路行太舒服喇......
我乖乖瞓一陣落車就會醒，
醒左就可以同媽媽玩，
其實媽媽次次見我瞓左都會望住我，仲會笑.....
有時仲會拖住我手仔喃喃自語,話等我大個女拖住手手去行街...
搭火車地鐵好多人,佢都會保護我........
返到屋企媽媽放我響床仔再瞓多一陣，
佢自己就會去沖涼，跟住就暖奶奶，
再同我沖涼，換衫，再餵我食奶奶.....
今晚我食左好耐，所以媽媽幫我換左個奶咀，我先至食得晒d奶奶咋，
唔該媽咪........
我食飽飽，媽媽幫我掃風，再抱住我等我瞓左，
先至放我落床仔，以免我嘔奶，
佢次次抱住我就會幫我搽咀咀同面仔......
佢話如果唔係會乾燥就會痛痛....
到我瞓到好似豬仔咁佢先安心，
輕手輕腳放我落床仔.......
跟住媽媽仲未忙完.....
佢要泵定奶奶俾我下一餐食........
佢通常一路泵奶奶就一路快快地食佢既晚餐，
慳得一分鐘得一分鐘.....
泵完奶奶，再去洗奶樽烚奶樽，執番好間屋，
有時我返學整污漕左d衫衫褲褲佢要洗左佢，
再幫我睇下手冊同執定明天返學既衫同書包仔.........
終於，佢可以休息喇.......
爬上床既時候已經十點幾.......
十二點佢又要起身幫我換片片同餵我食奶奶，
有時我好眼瞓食得好慢.....佢又要慢慢叫我起身食........
搞下搞下都成兩點先再瞓.....
但係佢五點又要再起身梳洗，
再泵定奶奶俾我做早餐，
佢次次都會好安靜，只係開少少燈，因為佢怕整醒我同爸爸，
泵完奶，佢會去換返工衫，
再輕輕抱我去換衫，餵我食奶奶，
等我食飽飽，俾我瞓響床仔休息一下就抱住我出門口........
帶我返學，
之後又要連忙跑住返工，
好彩媽媽老闆好好人好體諒媽媽，媽媽真係已經跑得好快喇........
媽媽就係日日咁樣過日子，(我偷偷地聽到佢話自己兩星期瘦左6磅).....
不過我未聽過佢叫辛苦，
佢成日話只要見到我健健康康，對住佢笑咪咪，
佢再辛苦都會唔記得........
2011年10月18日星期二
不再乾巴巴....GEOAQUA Ultra-Hydrating Toner
天氣一日一日涼......
即係話秋天快到了.........
秋天到即係話......乾燥既日子到喇......
我地呢d在職媽媽，日頭返工忙，放工回家又係另一份工作既開始，
全日忙忙忙.......唔好話扮靚靚，做mask....
有時連基本既護膚工作都做不來.....
只係快手洗個面，是旦搽爽膚水就算.....
瞓多一分鐘得一分鐘......
但係面對乾燥既天然......點好.....
只好搵一支保濕既爽膚水啦......
Pure Beauty溫泉礦物水漾活肌爽膚水
泵兩下響棉花上，再搽上面.......
好水水呀.......好吸收.....唔會只係表面潤，而係吸入皮膚裡.....
用左一個星期，皮膚明顯水潤左，唔再乾巴巴.......
效果拍得住大品牌.......
而價錢只係$89.9......145ml........
好抵用....
同系列仲有眼霜........
有機會我要試用，睇下係咪都一樣咁正先...........
2011年10月17日星期一
2011年10月14日星期五
2011年10月13日星期四
2011年10月12日星期三
又平又好用--pigeon 乳墊
相信好多人都知道太子間日本奶粉響邊度，
一直都以為佢d野貴過出面，估唔到俾我搵到好野，
是餵母乳媽媽既必需品--乳墊......
響萬寧買要$68/40片，
呢包大大包，只係$101.......
平好多........
2011年10月11日星期二
媽媽唔想返工呀.......
BB,
媽媽見到你呢個樣真係唔係好想返工，
不過唔返工又點得吖，
只好出門返工去......
你乖乖地等媽媽放工呀.......
另外，我返左兩星期激減6lbs....
已經回復未有BB之前既體重喇.....
2011年10月10日星期一
早餐食乜好.....
一向坐馬鐵→火車→地鐵返工既我，
今日有老公照顧BB，可以輕鬆少少，
轉左坐巴士→船返工，
仲有時間可以去買個蛋撻先上車.......
個新鮮出爐既蛋撻太熱，要等一等先可以食.......
我成日都話自己好易養架，
早餐只係食個蛋撻已經好滿足......
訂閱：
文章 (Atom)