Have a Nice Baby

CafeMom Tickers

2012年8月30日星期四

我囡囡的鞋.......

一歲人仔,已經有咁多對鞋,
係時候,要準備個鞋櫃俾佢..........

2012年8月29日星期三

Hello Kitty 通粉

星期六日時間多一點,
午餐通常煮其他野俾女女食,
今個星期六就食hello kitty 通粉俾佢食,
加左滑滑豆腐同菜心,仲有豬肉........
女女食得好開心...........


2012年8月28日星期二

終於找到全美卸妝水

呢排日日用日立部冰肌機,
但係STEP 1一直都找不到合適的卸妝水,
因為我平時返工只係搽防曬+碎粉,
唔需要用太強勁既卸妝水,
加上我皮膚是混合性,又要清潔又要保濕,
但又懶.........想用一支過可以卸妝又可以保濕功能的,
所以一直都找不到一支合心的...........

今次試下COLLISTAR 睇下效果如何先........
大大支...........400ML........


倒出適量在棉花上,
開日立機 STEP 1

5分鐘.............之後........
(哇......哇........哇.........
孕婦唔好睇..........)
嚇親人.............
又灰又黑..............
救命呀............... 

面上的防曬同碎粉及灰塵死皮,一次過全部走晒出來...........
最重要係...........
呢款卸妝水用完一D都唔乾,
有D卸妝水大強勁,會帶走埋皮膚表面既油脂令皮膚變得乾燥...........

真係好好用...........

2012年8月20日星期一

八月份Glamabox

八月份既內容,

1. Purete 眼唇雙效修護霜
2. Lessonia 高純度保濕因子超微分子原液+收毛孔緊緻面膜
3. Bio-san 全天然消毒劑
4. Perfective Ceuticals 極緻水凝保濕精華 +極緻水凝保濕面霜
5. Kerasys 修護洗髮及護髮素 

2012年8月17日星期五

媽媽的半天假.......(下集)

半天假既上集就係同囡囡去shopping ,
下集就係回家後的忙碌..........

整飯仔......
囡囡一歲多,可以試不同口味既食物,
整飯仔亦都多左嘗試,
今晚趁有少少時間,
整左一個芝士燴菠菜三文魚飯+魚湯.........



佢食到魚味,好心急要我餵快d.........


食完飯仔,我洗完碗,
食水果,今日食啤梨


人仔細細食左半個啤梨.........


跟住我去洗衫..........
洗完出黎.........
攞晒key 同鞋...........
要我同佢去散步............



好啦好啦..........
去超級市場行下啦.........


行完回家又洗面洗手洗腳,
好好瞓..........






2012年8月16日星期四

媽媽的半天假(上集)

請左半天假,
l去左同囡囡shopping
買左全部都係囡囡既食物同東西
揹住囡囡仲可以攞咁多野回家........

2012年8月15日星期三

白母雞廚房隔熱套

用左一日時間黎整架,
整出黎都真係幾可愛,
放學時,已經送左俾囡囡,
最後放在老公的車上,
等囡囡在車上可以玩下.......

2012年8月14日星期二

冇介紹錯呀.......平日用的身體防曬

早排同好友what's app開,話去萬寧買又平又好用既面膜,
佢就介紹我買呢支防曬..........
佢話好少減價,減左$60也不用,
佢仲勁讚好好用.........
好啦,佢咁讚,我沒有一支平日用既身體防曬,
又買一支試下
(同一系列有SPF50既)

回家就即時開出黎試下...........


寫明係面同身體都可以用架.........
說明我懶豬唔打喇........^^
不過事實係.........勁易推開.........搽完唔油唔笠.......
最方便係就咁沖涼就可以,唔洗再用其他東西來洗..............好方便呀........



仲要made in japan.........

在此都要同好朋友講一句謝謝,冇介紹錯呀........




2012年8月13日星期一

保濕同時防曬........Neutrogena Hydro Boost gel

琴日介紹左身體防曬,
今日介紹面部既防曬............


夏天最怕搽完一層又一層.........
笠笠的,未出門口已經想洗面.........
幸好neutrogena 新出左一支有保濕gel成份既防曬..........




相信好多姐妹都試過好多不同既防曬,
係就係可以防曬,
但係皮膚就愈來愈乾,
所以我一向以為可以保濕就不能防曬,
兩者只可選其一............

今日...可以改變喇..........
呢支真係好保濕既防曬..........



搽完再掃上碎粉,就可以輕鬆出門口喇...........
介防曬仲可以做到SPF30PA++........




2012年8月10日星期五

開心網購

自從女兒出世,根本唔會放低佢,
就算放假都會同女兒一齊,
根本就冇機會去行街買衫.........

迷上了網購,
方方便便安在家中,貨物就會送上門來..........

近排發現左一間係免運費的,
但不知道質素如何,
不用運費就可以訂少少來看看.........

今次訂左兩對鞋...........

一星期就寄到了..........


打開一看..........
同相片一樣的.........
著上腳仲好舒服.............




近排仲有70% off .........
快上去睇一睇...........

http://www.asos.com 
上去擇地區為香港佢就會轉為HK$喇..........



2012年8月9日星期四

胃食的小豬


近排,可能轉口感,
十分愛吃麵包,
媽媽叫左個芝士蛋包做早餐,
媽媽將包包放響我面前,忙著為我拍照,
我好想食,
所以就先咬了幾口........


點知俾媽媽影左我個胃食樣.........


2012年8月8日星期三

睇風車不用去南丫島........

N年前同老公去行車公廟,
買左個小甲虫風車,
一直放置在不同的角落,
但一直沒有棄掉它..........


今天.........終於它可以在家中轉轉轉........


仲引得家中的小公主眼定定望住.......咔咔大笑........


睇風車不用去南丫島了.......
來我家就可以了........





2012年8月7日星期二

十字繡生日蛋糕

囡囡的老師好錫好錫囡囡,
趁佢生日整左個生日蛋糕俾佢,
佢收到好開心呀.......

2012年8月6日星期一

第二十屆國際嬰兒、兒童用品博覽

去年岩岩生完阿女,坐月中去唔到既BB展,
今年一早已經講定要去,
老公問我有乜要買...........

其實冇,不過情義結,一定要去行下,
攞sample...........尿片公司、奶粉公司年中賺我唔少,
難得有機會一定要吸番佢...........

趁星期五lunch time 人流應該不多時去沖一轉.............

先看看收獲..........
行左一個小時多...........
也算豐富吧........


太亂,看不清........!!

有一大堆環保袋........


尿片墊、書本、file、
仲有我好鐘意既ABC Poster(祈待左好耐都未有公司寄俾我........)


扇......兩大把........


食物類.......我最鐘意......
米糊粉、蘋果手指餅、蘋果汁......
(仲有一支大紅袍烏龍.........俾我飲左)


搽面搽身的.........


玩具......相架...


尿片....只得L碼,想攞定XL都唔得..........


口水肩+紙巾+紗巾+濕紙巾....
好喇,排得整齊大家睇下........



好了.......我買左既係.......
兩支潔膚水...........
一支BB沐浴液.......
+
一包嬰兒專用清潔棉

總結: 我原來好大力......
一個人搬左咁多野回來........

我絕對贊成朋友所講,一個人去可以排乜就乜,
睇乜就乜,點行都得,
唔洗俾人XYZ.........^^




觀課日

囡囡返左咁耐學,第一次觀課(因為第一次撞岩佢打針,所以冇去)
今日請左一日假,所以好輕鬆咁餵左BB食早奶,
慢手慢腳出門口,點知又坐返平時架巴士........
好早去到......8點未夠........
所以同囡囡去左麥當奴慢慢食早餐

再坐左一陣,
之後行過超級市場,開左喎,又唔多人又大間,
所以同囡囡去坐車仔.........
你睇幾開心........
行左一陣就帶佢返學校,我想睇平時既佢,
所以專登俾佢返左學校先。

戴住口罩鞋套入去課室,
佢一眼已經認出係我,不過我想睇佢平時在學校情況,
所以我唔理佢,
唔理佢,佢又自己去玩............
囡囡好乖呀,原來響學校唔會同人爭野玩,
人地黎爭佢既佢就放低俾人地玩.........
不過原來,佢返學都好忙,
一去到已經在玩小玩具,
老師拿兜兜出來就會收玩具,
收好玩具大個小朋友就會飲水,細個小朋友可以再玩一陣,
之後就過來一齊睇布書,輪住去食生果蓉,
囡囡食得好叻,四五口已經食晒...........
之後就收布書,
玩沙除,又玩波波,拍拍拍........
之後就開始食飯時間,
囡囡黎到呢個時間已經好眼瞓,
一路食一路瞓,
對大眼睛,愈來愈細,去到飲湯時,已經超眼瞓,
老師話佢好乖就算眼瞓都會晒先瞓...........
今次亦不例外,
食飽飽就瞓左........

老師抱佢去床仔瞓豬仔,
蓋好被子.........
不知不覺,原來我都企左兩個鐘都要走喇...........




2012年8月3日星期五

夏日救命水

夏天太陽伯伯好勤力,日日曬曬曬, 
作為一個在職媽媽,
lunch time 總是忙不停,
每天總要去街市走一轉,
為女兒張羅東張羅西..........

有時我真係以為自己會中暑.........

其實以一個小時既午餐時間,總是快快步去快快步回來,
回到公司總是大汗疊細汗,
酷熱天氣警報之下,

返到公司真係好想飲杯凍野..........
以降一降溫.......

.........噢............PR小姐送來救命水................

係O.N.E.既Cocount Water............純椰青水............



..
熱到死死下,快d倒杯出黎飲下先.............
我就黎暈喇.........


好香椰青味........原來係用左Tetra Pack 技術包裝,保存椰青既香味及營養。


椰青水既好處
快速補水+滋潤皮膚(岩我.......岩岩響街蒸完,成個人裡裡外外都冇晒水.........)
低卡.........(個女一歲多我仲未減番d磅數出黎.......係時候要找幫手喇.........)


由即日起陸續於部份惠康、ThreeSixty、MARKET PLACE by Jasons、
Sogo 銅鑼灣店、吉之島(康山店及黃埔店)、UNY生活創庫太吉城店及一田百貨沙田店有售。

原來今年7月先在香港推出,唔怪得我呢個超級市場精都未見過啦。
下次去入番幾包,放響公司先得.........
 



2012年8月2日星期四

囡囡生日禮物@十字繡身高尺

未有囡囡時已經開始整,
陀住時唔敢整,
所以到囡囡六個月大時先再開工,
終於趕及囡囡生日前完成........

希望囡囡快高長大,身體健康...............

2012年8月1日星期三

又平又好用的面膜

女人真的不可以懶,
再靚既女人,不保養,就會變成黃面婆.........
我原本已經不是一個美人,皮膚又唔好,如果再加埋懶惰唔好好保養,
真係唔敢想像............
湊女不是一個藉口,總要找點時間來保養一下...........


好朋友一而再再而三地介紹呢款面膜..........
呢排萬寧買兩件仲要有拆,
真係抵上加抵呀..........

所以一口氣買左兩盒面膜再加兩盒眼膜,
仲要再送一張$50 copon.........
下星期用........