Neutrogena Hydro Boost Renewal 入秋必備

秋天到......有人會諗起紅葉，有人會諗起中秋節，有人會諗起換季買衫
，而我......則諗起保濕!!!

平日我都成日飲好多水，為身體保水份，但係一轉秋季，皮膚依然好
乾，甚至會出現乾燥細紋、膚色黯沉及毛孔粗大等初期歲月問題，以
前真係唔會㗎，唔認老都唔得喇!

身份由女兒轉為太太再轉為媽媽，就好似由一隻毛毛蟲變成蝴蝶，除
了稱呼上唔同左，心態上亦都轉變咗。
做女時可以去邊就去邊，想做乜就做乜，自由自在，大把時間，每日
可以扮得漂漂亮亮周圍去，沒有什麼要掛在心頭，日日只係想著吃喝
玩樂。
做咗太太，不單要好好照顧老公嘅一日三餐，打理家頭細務，仲要關
心埋老公家。
到做咗媽媽，就全個人一日24小時為咗一個人，掛心的事總是一蘿蘿
，根本更加沒有自己時間，唔好話做mask、做磨砂，有時只係想去沖
個涼、去個廁所都沒有時間，乜都要快快快，不過做媽媽就係咁㗎啦
，只要見到個女健康快樂一天一天長大，作為媽媽嘅已經心滿意足。

點忙都好，基礎護膚一定唔可以偷懶，所以我好鍾意買保濕skin care，
但往往保濕產品就會好油好笠，我真係好怕好怕，因為會出粒粒，之
前曾有前輩告訴我，你想要保濕但一定會出粒粒，如魚同熊掌!!!灰晒
......可唔可以保濕而不出粒粒呀......我想要清爽既保濕精華呀!

今次就試用咗Neutrogena Hydro Boost Renewal

 

水潤度

用手掌緊貼眼睛下方的面部臉頰,慢慢用力向上推,如果臉部缺少水分,會

在顴骨處出現乾紋,數量則會隨著缺水情況的嚴重而增加;反之則水潤度

高。

在手背測試，比較清晰，搽左精華之後乾紋即時減少了很多。

 



清爽度

試用方法:

待肌膚吸收產品後,用面油紙輕印肌膚,再描述臉油面上吸油結果。

一滴油都沒有，我最喜歡，一點也不笠，從此保濕不用再怕出粒粒了

。

吸力速度
試用方法:
展示試用產品過程:取適當分量,將精華在臉上塗開再輕輕按摩至吸收。
我用1泵份量精華，搽全面只需要輕輕按摩2分鐘，已經完全吸收晒。
妝容貼服度
在使用水活新生精華按摩2分鐘後再上妝。
先保濕再上妝真係比較貼臉。

我會將粉底液混合少量水活新生精華,令粉底更加易推，妝容亦更持久
貼服，甚至懶懶的唔上碎粉定妝都可以半天不脫妝(出汗都不會脫妝)，
真係超正，超方便呀。

整體十分滿意Neutrogena Hydro Boost Renewal 可以說是入秋必備產
品。

加上份量亦不少，一支有30ml，一支足夠一個秋季用。

試用產品及產品說明由品牌提供。

請到以下網址了解更多真我大使產品體驗分享
https://www.facebook.com/neutrogenahk/app_224682264383713?Ref=page_internal

 

生日禮物

今年生日正日係星期一,
唔想老公無啦啦又請多日假,
唔想阿囡習慣左少少事就請假唔返學,
所以提早一日慶祝。

我呢D愛花之人,生日最想收花,
真正既愛花之人係唔鐘意收花束架,因為當花採摘就已經失去生命,已經死亡!
我就鐘意收一盆一盆既花,因為只要你悉心種,佢就會再開花,係細水長流,愈種愈有,係長久永恆的意思,而我尤其愛非洲紫羅蘭,家中已經有40-50盆。

生日去劫發場,收獲豐富呀。

Neutrogena 防曬 大比併

朋友成日笑稱我一家三口為Iron Family，因為我地入水能游，出水能行，冬天會去行山、踩單車，夏天就會加埋水上活動，游水、滑水去沙灘更加不能少，加上今年Ironbaby大個左，仲可以去露營，她已經愛上了，差不多每個星期都會去。

個個星期都會上山下海同太陽玩遊戲，最重要梗係一支好既防曬啦。

點先為之一支好既防曬，當然防曬功效好重要，但係清爽度對我來說都十分重要架。

來一個小考驗，考考兩支防曬先

產品 A:我一家三口常用的身體防曬產品

產品 B:Neutrogena Beach Defense 輕透無感沙灘防曬乳



A. 防曬能力對比測試 

(1) 防曬力  

測試方法：於膠片上分別定量均勻塗抹 A、B 兩種防曬產品，並放置於紫外線測試卡上；然後將紫外線測試卡及膠片一同放置於紫外光燈下照射15秒，立即拍照紀錄A、 B 透明膠片所覆蓋部分的顏色變化，並鑒定及比較 A、B 兩支產品的防曬力。用紫外光燈下照射後，如紫外線測試卡顏色變化愈深，代表其產品抗紫 外線能力愈低。

產品A:好多地方都變左紫色，即係話好多紫外線都遮唔到。

產品B:有搽既地方都依然係白色無變到紫色，即係話都遮得好好。



(2) 持久度  

測試方法： 將塗抹有防曬產品的透明膠片放回原處，繼續靜置1小時， 用噴霧瓶噴灑少量清水於透明膠片上，模擬沙灘上陽光、海水及汗水的同時分解，測試 A、 B 兩種防曬產品防曬力的持久度。

產品A:依然係好多地方都變左紫色，好多紫外線都遮唔到呀。

產品B:有搽既地方都依然係白色無變到紫色，即係話都遮得好好。

(3) 質地延展性及用量  

測試方法：將相同份量的 A、B 兩種防曬產品應分別用於不同手背上並均勻推開，通過比較防曬產品

產品A:相同分量能夠搽手碗，易推，典型太陽油味，笠，搽完明顯有一層浮面白色，所以平時我唔會攞黎搽面，我怕流白汗(嚇死人咩!)。

產品B:相同分量可以夠搽手碗及前臂，易推易吸收，清爽，IKEA香薰味(正!)

(4) 質地清爽度；在左右手手背上分別均勻塗抹 A、B 兩種防曬產品；將雙手放置於檯面，同時往兩隻手背上倒麵粉；將雙手反轉，任粉狀物自然掉落，再檢視手背上黏著的粉狀物數量，鑒定質地是否黏笠。

產品A:手反轉後，由於防曬產品太黏笠，所以只得少量麵粉掉落。

產品B:手反轉後，由於防曬產品十分清爽，所以差不多全部麵粉亦可掉落。

(5) 耐水性  

測試方法：於分別塗抹了 A、B 防曬產品的兩隻手背上噴灑水珠，檢視水珠在手背上所呈現的狀態。 

產品A:噴水之後，防曬產品溶了及脫落，如果去沙灘沖多幾下咪乜都無晒!而水珠一大片留在手背，耐水性麻麻地

產品B:噴水之後，防曬沒有溶，水珠一點一點停在手背上，耐水性高，防曬產品在肌膚上形成隱形水膜，為皮膚保護屏障加固，減少水分從皮膚揮發出來，降低皮膚水分自然流失率；同時有助預防海水等穿過角質層滲入皮膚，防止海水對肌膚的傷害。即使長時間接觸海水，不僅依然能維持皮膚於健康平衡的狀態，防曬亦能維持效力。

B. Neutrogena Beach Defense 輕透無感沙灘防曬乳用後感：

  首先，她防曬力強、穩定性高。 獨有的 Helioplex®抗陽光分解科技，提升其 photostability(光穩定性)，確保「防禦 UVA 成分」不易被陽光分解，防曬保護比一般沒有 Helioplex®抗陽光分解科技的 產品高（3 倍超越同級 SPF 防曬之效），令防曬效果更持久穩定（5 小時持久穩定 防曬）。含抗海水隱形水膜科技，防止海水對皮膚的傷害。耐水性高（80 分鐘耐水性配方）。 即使長時間接觸海水，依然能維持皮膚於健康平衡的狀態，並讓獨有的 Helioplex® 抗陽光分解科技依然能發揮 3 倍超越同級防曬的效能。加上不含油分及 PABA，質感清爽透薄，不黏膩，更加加分，仲可以直接使用於濕皮膚上，再加上她的清新的香味。

今個夏天靠晒你喇。

試用產品及產品說明由品牌提供。

請到以下網址了解更多真我大使產品體驗分享

https://www.facebook.com/neutrogenahk/app_224682264383713?Ref=page_internal

露營有感

今次去⛺瞓感觸良多。
瞓醒晏覺3點幾見大小豬仲💤💤,唔好打擾,
自己一個出沙灘玩,玩左十分鐘,突然風雲變色,成個天黑晒,心知不妙,
快快上岸,未上到岸已經聽到廣播話雷暴警告叫大家上水,同埋將會有大雷雨⚡☔,
我想趁浴室未多人快D沖涼,跑🏃過去好了,
一邊沖身🚿(3分鐘),天已經愈來愈黑,風來了,開始下毛毛雨,
心中盤算著,大小豬未起身會唔會聽唔到廣播沒收好東西,沒挷好天幕,沒蓋好帳篷,
又會唔會擔心我而走出來揾我,太危險了!!
想著想著,跑🏃🏃🏃回去營地好了!!!
回到營地,見大果個睡眼惺忪,明顯地啱啱醒,細果個仲瞓梗,
但見到佢地安落晒,突然鬆一口氣,
只懂說:我返左黎喇,我返左黎喇!
之後,果然下了一場好大好大既雨。

幾時開始體能勁左咁多?可以跑🏃晒成個沙灘,而氣不喘,汗不滴!!!
幾時開始咁心思細密?可以諗咁多可能!!!!
幾時開始可以忘記自己?只係記得你!!!
幾時開始見到你開心我就開心?
幾時開始?!?!?!?咪生左你開始。

是你令我身體強壯,身手敏捷,眼觀四面,耳聽八方,一眼關七,心思細密,
將不可能變成可能,力大如牛(揹住個大背囊再抱埋熟睡中的你,加埋成50磅,上車落車行動自如。)
亦都因為你令我們家庭美滿,有你我知足,人生有目標了。
我真的有福氣可以成為你的媽媽,多謝你,未來的日子我願意與你手拖手一齊努力學習,一起向前行。
阿囡,多謝你😘😘

Neutrogena Deep Clean Hydrating Cleansing Oil 大比併

生左阿囡之後，自己時間變得少之有少，但係都要做一個靚媽，化個靚妝同阿囡老公去街，去完街才是忙碌的正式開始，我無工人姐姐，乜都係自己一手一腳搞掂，我已經習慣晒，我通常會快手快腳搞掂自己先再慢慢搞個囡，所以我乜都要快而準，卸妝呢一環我絕不馬虎，市面上有好多好多不同品牌既卸妝油，今日就來一個比拼，從四方面考驗一下佢先，邊款可以又快又乾淨呢?邊款抵用呢?

好了，唔講廢話直接開始

深層卸妝比拼測試





(1)潔淨度

我在手上搽左base，粉底，胭脂，閃閃眼影，唇膏及眼線，之後化妝棉沾上卸妝油A及B，覆蓋在皮膚上，等候15秒，輕輕抹走。

Product A未能撤底卸除閃閃眼影及眼線

Product B 卸妝功效十分明顯，15秒差不多完全可以卸除

接下來用眉粉試下先，同樣輕輕打圈捽

Product A: 捽5-6下才可以全部捽走

Product B: 捽3-4下已經可以全部捽走

(2)乳化度

準備一杯水並滴入一滴潔顏油，若快速擴散成均勻白色乳體，無油水分離，表示乳化效果佳，我用左兩個不同容器做同樣實驗。 

Product A: 明顯地水油分離，底層是透明的水。

Product B: 快速擴散成均勻白色乳體

(3)質地及用量

分別用同等(一泵)分量Product A 及Product B嘗試卸妝

結果: 

Product A: 只能卸左7成既妝，要再泵一下才可全部卸走，即要用多倍分量。

Product B: 一泵分量已經可以卸走所有化妝品，仲好乾淨。

(4)補濕度

用卸妝油在手背卸一次妝

Product A:之後十分乾燥，三角紋出現了。

Product B:之後水份充足，皮膚水潤，沒有三角紋。

睇左咁耐，係咪好心急好想知道Product B到底係乜牌子，好想帶佢返屋企呢......好啦開估喇。

就係呢支Neutrogena新出既 Deep Clean Hydrating Cleansing Oil

真係好好用，只需要一泵分量已經可以輕易卸去頑固既彩妝，用水輕輕一沖，乾淨清爽不殘留，仲好水潤，唔繃緊，好欣賞它哪淡淡的青香，真係一試愛上。

請到以下網址了解更多真我大使產品體驗分享

https://www.facebook.com/neutrogenahk/app_224682264383713?Ref=page_internal