開心BB

阿女幾開心,笑晒口,
因為佢知道準備沖白白......

我的最愛......

媽媽第一次一個人帶女兒出街

阿女不知不覺一個多月大,
每次出街總是MAMA同PAPA一齊出，
今次MAMA決定一個人同女出街，目的係接PAPA放工，
其實只係十五分鐘既路程，
只係想試一試，慢慢可以去遠一點.......

MAMA幫BB著好靚裙仔，餵左奶，就出發喇....

PAPA一落車見到他的最愛(已經不是我了.....><)開心到飛起...

我們最愛搽咀咀

唔知道大家是否相信遺傳?
又是否相信胎教?
我都唔知係遺傳家胎教,
總之我係一個不論春夏秋冬都要搽潤唇膏既人.......

日前發現我阿女都好愛搽咀咀架,
每次同佢搽咀佢都會笑架......
最兩個就係我們的最愛.........
左面既係我既右面既就係阿女既..........

打在女身痛在娘心........

阿女一個月大要去檢查同打針喇......
呢日一早就同阿女出發,
因為知道要打針之前一晚已經好緊張...(係我倆公婆好緊張....)
一去到先磅重.....
出世時3.5kg,一個月4.19kg..
重左0.69kg(醫生話重0.5kg已合格),阿女好叻呀,冇浪費pa ma既努力....
阿女係standard 中50%.....即係中間size..................^^

而頭圍亦都係50%....^^好標準呀.....

跟住就去打針喇....
真係唔做過父母真係唔明白咩野係打左女身痛在娘心......
我地倆公婆見阿女要打針，好似仲慘過自己打針....
一個驚到唔敢睇(但又要睇............見到姑娘整喊阿女就嗶實姑娘--呢個人不是我....)
另一個就睇到眼紅紅(好似拮左佢一針咁.....)
而阿女就好叻只係喊左一聲就冇事.......

我的名字............

各位你地好呀......
我叫婥瑩呀,大家多多指教呀............^^
我個名係爸爸好耐好耐之前有一晚失眠既時候諗架....
當時仲未有我佢一早已經諗左架喇.....

人生第一場interview

依家d小朋友真係辛苦,
好似我阿女,人仔細細岩岩滿月就已經要參加人生第一場interview,
呢場interview早在半年前已經準備,
當時阿女仲響個肚裡面,只得三個月大......
幸好阿女interview 又好合作....
順利完成......

老公廚神@肉醬意粉

生左阿B日日都忙忙碌碌,
幸好有老公幫手,
日子才過我容易一點..................
仲整左意粉俾我食.....
多謝你.....

轉晒圈

阿b成日瞓到轉晒圈..................

去街街.......

做左宅女二十幾日，終於可以去樓下食個早餐喇......
素顏媽媽出發喇.....
(唔化妝樣是有一點衰，但係真係好開心)

大家估下我生左阿B之後重左幾多......

早晨呀........

由於阿b未戎夜奶,所以我朝朝都等天光.....

美人魚BB

不知不覺已經22日喇.......

仲未好習慣...因為太忙太忙喇...................
日日只係瞓得幾個鐘,瞓著都唔係好深層的瞓(個心好醒)
阿B一有少少動靜就會9秒9彈起......
不過幸好換來阿B已信任,只要我抱住佢佢就會定晒......^^
亦多謝老公不斷響背後支持,
有時真係好辛苦好攰既時候,幫我做晒d野(沖涼,換片,掃風,煮飯,清潔,烚奶樽,什麼都做晒....)



餵人奶真係好辛苦架.....
上星期先塞左一次,琴日又塞左.....
發冷發燒........今日好好多喇.......
不過見到隻小豬食得咁開心,再辛苦到值得...................






老公最鐘意整古個女..................
送上兩款美人魚同大家分享.....^^
20110806

20110808

wk 39 醫院檢查.........

wk 39 到醫院檢查一整天.
醫生泱定明天幫我穿水催生，
所以黃昏時份放我回家沖涼洗頭執行李，
明天早上九時再回醫院.......
所以果晚同老公去左apm吃一過豐富的晚餐.......
食飽飽回家.....
沖完涼洗完頭，埶好行李，諗下明天既野，
不知不覺瞓左喇........

半夜三點幾，突然感覺到一個破裂聲.....
跟住有一d水滲出........
衫時只以為是小小心秘物,去廁所清理.....(分量不少......><)
爬上床諗住再瞓.....再來一次有水滲出，今次分量更加多......
未去到廁所已經滲到出黎.....
阿B想早少少見我........
好吧.......收拾行李去醫院吧........
半夜三更去找的士，原來真係幾難，
仲有拒載情況......火火火......
(唔好以為大肚婆肚又痛記得你車牌呀，我仲記得架...)
於是叫老公一個人行去折的士，再回來兜我，
咁先可以順利去到醫院，
好彩架的士早一分鐘咋，因為一落的士，d羊水又再次湧出.......

小公主出世喇....

小公主出世喇.........
由於一直太忙碌,一直未有時間公佈小公主出世既消息...

我地已經返左屋企喇......^^