黑雨新煮意

突如其來的一場黑色暴雨，囡囡唔洗返學，
落咁大雨，樓下間超級市場又執左笠，
無可能帶阿女去街市，之前又無買定餸，
只好搵下個雪櫃有乜儲備先，
有半條紅蘿蔔、一盒早兩日買的新鮮粟米、一包肉碎、
一包急凍魚柳丶一個西蘭花丶一碗琴日煲既湯（冰左既）
就係得咁多，可以點煮，夠一家三口晩餐，老公仲可以帶飯呢？

先將一半（即1／4條）紅蘿蔔切片，另一半切粒，
烚一烚D粟米，烚完烚紅蘿蔔粒同片，再烚西蘭花，
再加果碗冰左既湯入去，煲滾就成為一碗美味湯。

跟住將醃左既肉碎炒熟，再加埋粟米紅蘿蔔粒，
炒一炒，又搞掂一個餸。

跟住魚片先醃一醃再煎香，加埋西蘭花同紅蘿蔔片炒一炒，
又搞掂。

兩餸一湯白飯任裝，搞掂一餐，老公聽日有飯帶，
今次大成功。