清爽媽媽清爽Baby

依家日日32/33度，囡囡同我都好大汗，
一出門就大汗疊細汗，出完汗身成身笠痴痴！！

我呢D冇工人冇姨姨幫手，乜都一手一腳湊B既媽媽，每日帶返學接放學，左手一個媽媽袋，書包仔，行李，右手抱起阿B，就咁可以行幾條街，32度下咁街，流晒汗！！

想搽爽身粉，但係又怕小朋友吸左！！

見報紙廣告，Biolane出既爽身粉液，
呢幾日仲有折,折左$132,
專登走去沙田新城市萬寧Baby度買,
回家即開來試試

白色液體，淡淡的爽身粉香味，十分討好，最鍾意BB味。

沖完涼抹亁身搽少少在手手腳腳既摺位，輕輕接摩，拍幾下，吸晒變左粉狀，好滑。


唔錯喎，可以同囡囡一齊用。

下水禮

上星期去沙灘，只係玩下沙，
未敢落水，
今個星期去泳池，
情況係點！！

出發之前，囡囡話:去游水，好呀!

去到泳池，行去落水都驁!
不斷話:唔好呀!

好啦!慢慢來啦!先坐在池邊,
眼見我地一個個落水，玩得開心，
佢心郁郁了。

爸爸游左過對面，我把握住好時機，囡囡我地過去同爸爸玩。
於是，成功落水，
之後，仲敢踢腳。

媽媽覺得你好叻，好勇敢呀，
大進步呀。(其實，我党覺得佢好醒，會睇清楚發生乜事先再行動。)


至於我，好耐冇游水，趁機游返，
好爽呀!
爛船仲有三根釘，保都未老，哈哈哈哈哈！

囡囡成功下水，下一步就係學游水，
囡囡你唔洗報班，你有個私人教練，媽媽教游水喇。

趕水尾睇鴨仔

大鴨到港，應承囡囡同佢去睇，
可惜一直有太多太多原因冇去到，
鴨仔星期日要回家，
我地星期六一早0830出發，
爸爸揸車，好快去到，
可能時間早未有太多人，
亦太熱，可以同囡囡拍下照，
大家亦十分禮讓。

至於囡囡，見到隻大鴨就勁開心，
斷話好靚呀，鴨鴨好高好大隻呀。

問佢有幾多隻鴨?
佢話:123456789.....10有好多隻鴨呀!

後話:
其實，我同老公原本可以先去睇鴨，
但慶幸老公同我好一致，
我地既信念一係一家三口都唔去，
一係一齊去。

米米米

呢排煮多左飯，老公又習慣左帶飯，
所以對米既需求大，
所以要揀有質素又價錢合理的，
實在令我頭痛！！

近排發現759都有米賣，
一於買包試下，
越南香米 會員價$37.8／5公斤

打開即煮

米白，外形靚，
最愛真空處理包裝(超越市場果D成日都被整到漏晒氣，走左小昆蟲入去！！)
打開米香飄入鼻

效果唔錯
以後有平米食
慳得一蚊得一蚊

黑雨新煮意

突如其來的一場黑色暴雨，囡囡唔洗返學，
落咁大雨，樓下間超級市場又執左笠，
無可能帶阿女去街市，之前又無買定餸，
只好搵下個雪櫃有乜儲備先，
有半條紅蘿蔔、一盒早兩日買的新鮮粟米、一包肉碎、
一包急凍魚柳丶一個西蘭花丶一碗琴日煲既湯（冰左既）
就係得咁多，可以點煮，夠一家三口晩餐，老公仲可以帶飯呢？

先將一半（即1／4條）紅蘿蔔切片，另一半切粒，
烚一烚D粟米，烚完烚紅蘿蔔粒同片，再烚西蘭花，
再加果碗冰左既湯入去，煲滾就成為一碗美味湯。

跟住將醃左既肉碎炒熟，再加埋粟米紅蘿蔔粒，
炒一炒，又搞掂一個餸。

跟住魚片先醃一醃再煎香，加埋西蘭花同紅蘿蔔片炒一炒，
又搞掂。

兩餸一湯白飯任裝，搞掂一餐，老公聽日有飯帶，
今次大成功。

黑暴蛋糕

今朝一早起來，黑色暴雨，
女女唔洗返學，一定好悶，
諗D活動俾佢玩下先，
不如整蛋糕，找找屋企有D乜野材料，

唔係整難道高的款式，
只係整簡先古力蛋糕，
女女好乖，幫手找工具、準備材料、舖枱
小幫手打蛋、加粉、拌粉、加水一一照辦，
整好出來，露出滿意成功的笑容。

雖然，整完之後間屋又污漕又亂，
但係同女女既感情又增進了一大步，
執屋算什麼。

我要V面!

夏天知不覺就來到，背心、短褲係時候出動了，
當然出動之前要好好修身先啦!
我會多做運動，跑跑步來修身，
每天帶完囡囡返學就去河邊跑番一個鐘，出身汗，人都開心了。
一個月多，成功減去10磅!

但問題來了，體重減了，身修了，但面依然是脹脹的!唉!

幸好，日前穫邀出席Bio-essance的聚會

今次的3位主角

聚會上有blogger即場試用，10分鐘成功瘦面1.5cm,只係一邊面，
即兩邊面可瘦3cm,誇張嗎?羡慕嗎?姊妹們，想知多D嗎?好了唔賣闔子了。

3位主角:

經典升級塑出V輪廓系列
(同之前既分別係，升級蜂王漿與ATP青春緊膚配方)

首光，介紹
深層去角質青春素含蜂王漿及ATP(Deep Exfoliating Gel with Royal Jelly & ATP)

用法簡單，記住乾手乾面，擠DD出來，點點點上面及頸，
輕輕由下而上，由內而外打圈，30秒左石就會軟化舊角質，死皮，
仲有可以缷淡妝架(啱晒我)
揉完，真係白淨左，毛孔細左，
最好既係可以每天使用，可以天天揉，天天去角質。



跟著，就泵出一滴神奇亮膚精華含蜂王漿及ATP(Radiant Youth Essance with Royal Jelly +ATP)
無錯只需要一滴就足夠全個面搽，搽上面有D油，但加以按摩1分鍾，完全吸晒。
呢支含具抗氧功效有95%高純度綠茶精華。

之後，再搽上青春緊膚霜含蜂王漿及ATP(Face Lifting Cream with Royal Jelly & ATP)
面霜透過促進肌膚回氣循環，加速新陳代謝，配合按摩，10分鐘即提升輪廓。
搽上面涼涼地，夏天用一流。


我試用了，每邊面減到0.5cm,琴日同朋友仔食buffet,個個都話我瘦左，好有成功感。