新鞋仔

復活節假期有四日,第一日就去左阿媽屋企食lunch ,

食飽飽休息一陣老公放工就黎接我去行街街,

去左H&M行.....

人山人海呀,

d貨散到一地都係........

之前上網睇到佢出左對新鞋,

諗住去睇下有冇運氣見到啦.......

響臨出門口位置對到有兩對,其中一對是我個碼,

咁好彩.......

一於帶佢返屋企........

真係好舒服架,因為佢係用有機棉造既........

鞋頭個花花剛好遮到腳趾,

岩晒我呢d又要露又要遮既人.......

最開心係.......我老公話我好耐冇買野,好乖,所以佢送俾我......

我們的家

不知不覺同你走左一起已經快十年喇,

十年......我地有一個自己既家喇.........

一個好溫暖既家.......

不論響出面發生什麼事,跑回家總有人支持,

總有人愛既家.........

呢個家好快就會添多一個成員喇,

會變成更加熱鬧,更加開心..........

好期待.........

開到瘋了

呢棵花開得真係好誇張,

開到成個花球咁.........

希望夏天佢都可以頂得住啦,

因為呢種花好怕熱,熱少少又會唔開心..........

煮得好快的一餐......

未有BB之前煮飯真係好快手，

依家有左BB就變得手慢腳慢，

次次都要煮到八點先有得食.......

今次出奇地快手........

七點半已經可以開飯.......

讚下自己先得.......

煮左.......

薑汁炒芥蘭苗 好高葉酸架...... 仲整左一個中式豬扒.......

d汁好好味，可以撈好多碗飯........

仲蒸左滑滑水蛋........

不過有人太餓未影已經食左喇........

滿滿的 task

依家逢星期六下午要上BB堂, 一共要上九堂,不知不覺已經上左五堂喇, 所以星期六既活動都幾密........... 好似呢日,上完堂去左Chicco換禮物, 又係BB會既禮物,係BB shampoo.......... 跟住路過未買洗衣液同洗奶樽液, 各買一樽先.......

仲有本雜誌又係免費既...........

幸好呢日老公同我一齊,

所有task都完成了........

辛苦佢搬晒d野...........

新作品--坡肩

開始要執屋喇,

找到一個冷,悶悶地不如鈎一條坡肩,

好簡單只需要不斷重覆八行一個花,最尾加花邊就可以,

用左四晚,每晚一個鐘就可以完成.........

惠氏--孕婦奶粉

一向都有飲奶既習慣，

懷孕期間亦很愛， 惠氏公司送左幾罐孕婦奶粉俾我， 趁假日在家就開黎飲下.........

跟指示加三匙奶粉落溫水中..........

(三匙.........她的匙真係唔細........)

攪攪攪...........攪來攪去都溶唔晒........><

算啦........照飲..........

好甜呀..........

我都係平日飲番紙盒奶，

星期六日放假響屋企先飲呢果喇..........

BB最愛的餅餅

我個BB真係好咀叼架，

平時已經日日要我食一個橙.......

最鐘意食魚魚.......

連朝早食兩塊壓胃既餅餅都好有要求架.........

初初買夾心餅食，佢可以幫我嘔晒出黎........

之後買消化餅食，情況好少少，久唔久嘔啦.......

跟住買M&S既杏仁餅，一次都冇嘔，勁鐘意食.........

成筒食晒叫papa再買，papa買左薑餅，都一樣愛吃........... 無所謂啦，BB鐘意食就可以啦............

第一次勾BB鞋子

天氣開始溫暖起來，Papa又係時候出外活動喇，

一早就出左去wakeboard，

我留左家中， 可以安靜的收拾下BB既衫仔，同用品，

不知不覺BB既東西已經放滿一個櫃，

不過好似仲有野未買齊.....

執野既同時，搵到個冷喎..........

不如試下鉤對鞋仔吖，

未試過鉤鞋仔既我謄粗粗又試一試.......

居然成功了.........

不時不食@粟米

不時不食，琴日行過街市，

哇，d粟米好靚好新鮮又大粒，

仲好平，十蚊三支，

老公是一個粟米狂，買三支返屋企，

只需要洗一洗，再烚一烚，就可以食，

真係好鮮甜，有高纖維，有益有益.........

我同ed mama私會呀........

哇......BB又有禮物喇，多謝ed mama.......

好靚呀，個set乜都有........好齊全架..........

另外仲有一張被仔.......

跟住我地就一齊去左shopping........

收獲好豐富呀............

小雞行李牌........

OK 出既儲fun fun，真係好衰架，久唔久又出d可愛野..... 今次係小雞..........已經成巧換左兩支小雞筆， 點知又出左行李牌....... 幸好.....你幫我換了， 呢日放工拖住疲倦既身體回家，響信箱內發現它， 開心晒.......... 邊個你咁好............咪就係我地既ed mama....... 多謝你........... 唔知道，OK 幾時會出麵包超人既東西呢，等左好耐喇..........

24 wk 沙田一日遊

個人重左好多，行得好慢，

但係又唔可以唔郁，

趁老公放假天氣又好，一於出去行下，

當做下運動，

行下都係響屋企附近行，

沙田公園.........

行下下，

哇，人山人海.........

不來有展覽，好多三眼仔呀........

不過實在太多人喇，

小朋友在跑來跑去，我驚過佢地.....

影左一張相，即走........

返到屋企，對腳好攰好攰，好眼瞓...........

原來行下行下行左五個鐘.........

日式芝士蛋糕

手痕痕又想整蛋糕， 今次整左日式芝士蛋糕， 原來好易整.....以後唔洗買喇.......... 切開睇下......... 雪凍食仲好味呀...........

23 wk 喇....

不知不覺已經23wk........

已經過左一大半喇......

好耐冇post 相俾大家睇,

呢日就係準備去醫院上堂,

響屋企樓下公園仔影左張相.........

重左10lb喇.........

BB保品--OMEGA 3

有左BB之後,要omega 3.......
因為當中成份對胎兒的視力發展,腦功能和心臟健康非常重要.
好大瓶.........
仲好大粒......
一日一粒..........

BB你要健健康康呀..........^^

好好增進知識.........

平日唔多去圖書館既我, 因自知知識貧乏,要好好去增進一下了, 借來幾本圖書回家好好溫習......... 由細到大自知不是一個聰明人， 但勝在勤力.......... 好吧，就趁未上堂之前好好備課， 以免上堂時一頭霧水........ 好好溫習........... 第一本..... Hello Kitty 新手媽媽懷孕育兒全書.......... 我先被她美麗的外表吸引住........... 再細看內容都很好，仲要係新書........... 借回家睇下先...........

第二本........新手父母不可不知的育嬰常識

荷花出版的............

圖文併列......

學到不少..........

第三本..........

湊大BB1

(呢本文字多，不過亦獲益良多..........)

BB被仔

開始買BB野，被仔係一個重要既一環，

BB日日都要蓋，要買一張靚靚既.......

呢日終於就買左一張好靚既被仔.....

底面唔同花架......

可以方便襯衫........痴線媽媽.......

不過質地真係好好........

可能大家將會成日見到呢張被.........