毛毛布買左一段時間......
一直冇時間整......
因為手藝未熟，怕浪費了毛毛布......
聖誕節就到...
一於整左佢黎送俾好友 ........
佢收到好鐘意........
Have a Nice Baby
2011年12月26日星期一
Seba Med 嬰兒潤膚乳
天氣轉凍，亦到乾燥起來，
我囡囡對腳仔都好乾燥，
不得了，
即係話平時用開既lotion 唔足夠，
所以即刻去一田買左支Seba Med 嬰兒潤膚乳，
味道清香，
Seba 信心既保證，
可放心使用.......
2011年12月25日星期日
為善事，有力出力.......
聖誕節到了,
祝大家聖誕快樂,
身體健康.......
點先可以得到真正既快樂呢......
有人會shopping.......
而我選擇左做善事,
做善事有錢出錢.......我冇錢，
只好有力出力，
叫我去起橋起路我真係唔得........
我最叻就係整小手作.......
巧合之下，俾我知道左呢個活動，
活動名稱: wrapped with Love
織布塊黎整百家被俾香港或者其他地方既小朋友，
唔知可以整幾多塊8"x8"既布片呢??
最後，我織左九塊布片
希望每一個小朋友有一個溫暖又開心既聖誕節.......
2011年12月23日星期五
消滅Panda eyes大作戰...
日前參加左GoodSkin Labs 既活動,
帶左佢地第二好賣既產品回家.........
無錯就係呢款喇........EYLIPLEX-2
集結124種護膚成分,
分開日用同夜用配方,
日間是速效啫哩,夜間是長效修護精華.......
不論日夜配方質地都十分清爽......
不過用既時候要留意，用手指輕輕拍拍拍....
直至吸收晒為止.....
千祈唔好推喎.......
日間即時緊緻提升肌膚，
夜間淡化黑眼圈，減少細紋..........
仲可以刺激製造天然骨膠原，令肌膚回復飽滿.......
臨床測試使用4星期，20%顯示有效減退黑眼圈.......
多吸引呀.......
所以我keep住日日夜夜用，
希望可以消滅我對貓眼..........(係熊貓眼...........)
你有興趣嗎......??去Sasa睇下啦.......
2011年12月22日星期四
愛上網購@GAP
生左囡囡冇時間去行街,
想買野只好網購........
呢日我又購左喇.......
今次係囡囡既.......
係一件底面兩著既外套仔.....
好靚呀......
$179
有興趣可以去以下網址:
2011年12月21日星期三
2011年12月20日星期二
2011年12月19日星期一
媽媽唔開心呀.......
早上媽媽要聽talk, 所以我要返學，
中午返左屋企瞓左一陣就要出門口，
同女麻女麻做冬.......
去酒樓食，酒樓好嘈，我瞓唔到覺，
直至回程巴士上我先瞓，所以星期日我好唔開心，
成日喊.......媽媽都好唔開心............
2011年12月16日星期五
人人都要有一支既潤唇膏
呢排天氣凍凍凍得很.........
天氣一凍我就會懶起來.........
但係再懶，我都唔會唔搽潤唇膏，
因為唔搽個唇裂開會流血........會好痛又醜樣......
不能不能.........
最近發現左屈臣氏出左芝麻街潤唇膏.........$19.9
好靚呀.....
未搽，只係見到都開心呀......
係檸檬味架.......好fresh呀......
芝麻街系列有三款架仲有士多啤梨味同蘋果及桃子味..........
無理由自己有支咁靚既潤唇膏，
老公冇份........但係又無理由買支芝麻街俾佢架.........
幸好..........有男士保濕潤唇膏........$21.9
一人一支唔洗打交喇..........
睇下背面有EXP Date 架........
原來仲有一支BB膠原蛋白潤唇膏($27.9)......下次試下先......
HANSKIN Super Light Touch BB Cream
平日唔化妝就跑返工，
有時望鏡見到自己個樣，真係一嚇親既效果.......
但係唔想搽粉底，只係想面色好d.......
BB cream 好說是一個不錯的選擇，
所以問一問好友意見，
好友介紹 HANSKIN佢話呢個牌子幾好，
幾薄貼，而且萬寧有得賣，
我去睇過冇得試上手，佢又好多款都唔知道點揀好，
所以冇買到...........
點知過左幾日，原來響萬寧買任何野+$20就有一支細細支，
可以試下質地都不錯呀.........
又真係幾薄貼，同埋搽上面冇灰白色.......
因為佢有好幾款BB cream ,如果可以試埋其他幾款就知道邊款岩自己.........
(不過佢好似只可以換呢款......)
(不過佢好似只可以換呢款......)
2011年12月15日星期四
GoodSkin Labs 'See Results INSTANTLY' Blogger Event
日前有幸被邀請出席左GoodSkin Labs 'See Results INSTANTLY' Blogger Event,
響尖沙咀既TomoTomo度舉行.......
今日既主角呀..........
主持人先逐一介紹產品......
先是最好賣既........TRI-AKTILINE.......
睇下我條感情線........消失了.....
指骨上的紋紋......不見了......
太神奇吧........唔怪得咁好賣啦.......
好想試.....搽眼下面果條紋......心動了......
第二樣係.....EYLIPLEX-2
分開日用同夜用.....
主持人叫我地用斧口位試下感覺...好清爽呀.........
第三樣係.......SMOOTH-365
一搽即滑.........
最後一樣.......FILEXTRA.......
主席人教左我地提升面頰既按摩手法.......
我試左兩日.........去食飯........姑拉都話我尖左..........
影相出黎都瘦d........
最尾......仲為我地準備左美食.......
多謝你地既邀請，令我過左一個快樂的下午.........
以上產品均可以響SaSa有得賣,有興趣既姐妹可以去睇下.
2011年12月13日星期二
愛心小熊仔
睇一睇日曆，完來仲有兩星期就到聖誕節喇.........
為你的甜心準備左禮物未........
呢日我就收到一份好有意思既禮物，
好想同大家分享一下.........
看似只是一隻平平無其的小熊，
但係其實佢係一隻義賣慈善玩具熊，為聯合國兒童基金會籌款.........
做善事，人都靚d，開心d呀........
係咪好想知響邊度買呢?
響屈臣氏就有得賣.......
快d去睇下啦，
快d去買隻熊仔送俾女朋友/男朋友/大人/細路.........
男女老幼都岩架.............
善有善報呀...........
(P.S. : 大家有冇留意個包裝都好靚......
其實係一家名為華康禮品店(www.wahhong.hk)包裝架，
佢地包得好細心，連針都會受膠紙貼住。讚呀。)
.
2011年12月12日星期一
H&M 眼眼衫.....
上星期,下午有event ,
event 之前約左老公食飯，
行過H&M.....諗住入去行下........
點知又有收獲........
當然唔係我架喇，
係囡囡架........
加條褲仔或者裙仔已經靚晒........
專登買大件既...係2歲既衫仔......
因為囡囡已經有好多細件衫......
2011年12月9日星期五
2011年12月8日星期四
佳善護手膏=BB面霜
早幾日天氣轉冷，又乾燥，
只係一日囡囡已經紅晒面，
好似個紅蘋累果咁.....真係心都痛..........
回家即刻搽平時既面霜都冇用.........
搽凡士林........都唔得........
只好向好友求救.......(好友有兩個活潑小男孩).......
佢叫我試下呢隻.........
佳善護手膏..........
明明係護手膏........BB搽面都可以嗎??
但係望住個小小紅蘋果，只好一試........
媽媽新先事卒......自己試下先...
搽上手,好滑好似有層保護膜包住........
先在囡囡既腳上搽少少試一試....冇敏感冇痕痕，
先敢同佢搽面,
搽左兩日又真係好左好多喎......
我上星期響萬寧買架 , $74.9 (仲送一支50ml可以放手袋)
P.S. 希望幫到各位媽媽.......
訂閱：
文章 (Atom)