情人節禮物

一早都估到自己悄人節冇禮物，
所以我一早已經買左盒糖俾自己.......

肚痾.....

新年時，小豬轉左2號奶粉，肚仔唔適應，

所以肚痾，一日六七次，
接放學時老師話佢痾到patpat 紅晒，
一放佢坐就喊..........相信佢一定好痛喇，
所以接左放學即刻帶佢去睇醫生，
醫生開左藥俾佢食，
而爸爸原本返梗工都即時攞假回來陪我地.........

我偷偷試過d藥水係甜架，
不過BB都不太願意飲，
但我好彩我一個人都可以餵藥水，小豬都叫做乖。

如果媽咪可以代替你病就好喇.....

小豬唔好再病喇..........

拆左個玩具

玩到拆左個玩具落黎......

拆左又貼返上去又再拆.......
如事者七八次.......
好鐘意呢個玩具.........

情傾沖繩黑糖奶茶

我是一個不折不扣既奶茶精，
如果呢個世界上有奶茶精靈我一定有份，
之前陀住小豬戎得十分清，
奶茶都冇飲一啖........
依家.....終於可以大飲特飲喇............

行過屋企樓下既華潤超級市場..........俾我搵到好野.........

沖繩黑糖奶茶..........
$39.9/10包
即刻買盒(最後一盒.........)

回家即試............
哇.........勁好味呀..........
好香既黑糖味呀.........
聽說黑糖比較有益呢..........

下次見減價一定要入貨............

雜誌送衫

買雜誌送東西已經興左一段日子，
所以送袋已經吸引唔到我喇，
我要d實用既東西.........
久不久行過OK, 7-11都會留意下有乜好東西........

呢日俾我發現左本日本版既Elle........$100
送Tee喎........

買左回家.......
件Tee出奇地靚料.........
仲要係米白色.........

書包都排隊

一家三口各人都要返工返學，
日日放工放學回來總會將書包放好，
好讓明天出門時不用四圍搵........
算是一家人的好習慣吧.........

乖巧的女兒

每個媽媽一定都會覺得,

自己既小朋友係最乖最靚最叻最聽話，
總之就係最好架啦,
而我亦不例外，
瑩B真係好乖巧架，
唔好睇佢人仔細細，六個幾月大，
次次我接佢放學，坐地鐵火車人多既地方，
不論天氣多冷，多眼瞓.......
佢就會伸出佢既小手捉實我個手袋，
彷彿怕小偷，偷走媽媽的東西，
而右手就會圍住我，好似怕人地撞倒我咁.......
傻豬仔，媽媽怕人撞倒你多d呀........

其實小B呀，媽媽覺得你好乖呀，
希望你大個女都係咁錫媽咪..........

好似樣

個女真係同我好似樣，

兩張相咁併埋好搞笑.......

Huggies 半歲禮物

不知不覺囡囡半歲喇，huggies 送左禮物俾囡囡.......

要去佐敦攞.....

仲有coupon .......

多謝Huggies......

DIY 口水肩

囡囡依家食奶好鐘意攞走墊住既毛巾仔........

咁好容易整濕件衫........

開始要用口水肩喇..........



執屋既時候找到幾件唔到既衫，

材材剪剪再整埋佢........

搞掂.......

其實好易整，只要有心機個個都整到.......

無氈無線 神仙難變@birthday cake

年年老公生日都會親手整個蛋糕俾佢，
上年陀住小豬好辛苦都有整俾佢，

話說我老公生日果日佢要返工，
一早問左佢.......佢話係呀果日響屋企架......
咁無理由當住佢面整蛋糕架.........
冇晒驚喜啦.........
所以今年破例，唔整喇............

但係原來果日佢返晏，
即係話下午仲有大把時間可以整........

但係我冇買材料.........
天氣又凍，難得有一日留響屋企，等小豬瞓下啦........
今次真係無氈無線，神仙難變喇.......

搵下屋企有d乜野可以整......
什麼都沒有......
有既都已經過晒期啦.......我地已經好耐冇整蛋糕喇.........

終於找到幾盒啫喱粉.........
一於整個啫喱蛋糕啦.........

有蛋糕.....冇Happy Birthday好似差少少喎........
好彩有幾粒朱古力響屋企,溶左佢先，左手抱住囡囡，右手揸筷子寫.......
ok .......
等佢放工回來可以送喇........

晴晴姐姐.....

爸爸媽媽既朋友仔個囡囡(晴晴姐姐)黎探我，

姐姐大過我16日.......

一齊坐坐食飯飯.......(飲奶奶......先岩......)

好開心.........

情人節.........

情人節.........
對我來說什麼節目都沒有太大感覺，
因為我地一來唔會出去食大餐，
二來亦不會買禮物........

今年........
同往年一樣沒有慶祝,沒有禮物.........
老公要返工，
我一個人去接囡囡回家.......
沖涼,食奶中渡過..............

Lunch time 老公同我去左飲茶
當係慶祝活動吧........

要知道我老公平時係唔會黎搵我架......

除左臨放產假之前......

由於佢今朝先話俾我知黎找我，

而我臨時亦準備左禮物俾佢........

係餅餅小食.......

 

準備參加舅父仔婚禮

舅父仔五月結婚.........

媽媽諗左好耐買乜野裙仔俾我去參加婚禮..........

新年前........年二十九去辦年貨既時候......

響mothercare 見到呢條裙.........


跟住要諗下襯乜野鞋仔先..........

BB的BB領

前年已經買左條BB領俾自己，

真係幾好用架，

BB又點可以冇BB領呢，

整左條俾BB........

岩身......

似到咁.........

好多人都話阿B似我.........

咁........到底有幾似呢.........



呢晚餵梗奶.........

爸爸在打掃，所以我將對腳放上梳化.........

好自然地對腳..........

睇下個女..........完全一樣..........

學晒我........

一次又一次都係你!!

支粉底用晒喇......

雖然我唔係成日化妝，

但係都要有一支看門口........



用完一支又買一支既就係佢.......

又平又好用.......

又薄又貼........



價錢只係$208.........好合理.........

要讚一讚屈臣氏......

因為我響沙田屈臣氏買既......

點知買左返屋企先知道買錯色，

我攞返去灣仔屈臣氏換........

屈臣氏姐姐好好人.......完全冇問題話換就換....讚呀............

咬咬咬........

細個既時候只可以睇住個公仔，

大個少少就伸手去足住公仔隻腳，

依家..........可以轉身用口咬住公仔隻手喇........

好兇猛呀.........



我咬我咬....我咬咬咬...............


近日仲識玩搵媽咪，


搵到媽咪我會開心笑..........

笑到卡卡聲..........



有時媽咪隻手唔夠長摸唔到我，我仲會伸長手仔摸佢.......

年初三掃街

每年新年期間深水埗有好多小販檔，

上年陀住瑩B有得睇冇得食，

今年年初一初二都落雨又凍冇去.............



年初三天氣好少少，一於出去..........

今年可以安坐爸爸車內等食........

太幸福了..........



食左腸粉，魚蛋，油渣麵，豆腐花........

大滿足.........回家去.........