雙職媽付得起的時間

塊面好笠笠........
搽乜都好似唔吸收咁，
係時間要清潔一下........
但係雙職媽媽哪來時間做mask.....
有時間不如俾我瞓多一陣...........

呢支watsons 出既天然骨膠原亮白去角質啫喱

係泵泵設計，感覺乾淨........

透明啫喱狀...........
沒有香味，反而仲好.......^^

用我隻媽媽手，示範一下，

泵少少出黎，
輕輕力捽捽捽.........
灰灰黑黑的老泥，走晒出黎.........

而啫喱就變成了水........
所以不會拉傷皮膚.......
不怕出紋.........
仲好水.........不會乾........

之後再用水仲洗，

皮膚變得白滑了，

之後再搽保養品也特別易吸收.........

成個過程，不用十分鐘......
雙職媽媽付得起的時間..........
方便好用..........
讚........

得得戚戚自己企

老師一早通知，囡囡快可以自己企，
所以呢兩日假，都特別留意，
星期六日特別留意..........
星期日，
見到佢自己扶住床欄自己企起身喇.........

好叻女呀.......
睇下佢個樣幾得戚..........

小白兔枕頭

囡囡開始用枕頭喇，
整左個小白兔枕頭俾佢.........
趁復活節送俾佢.....
即時試用........

Kanebo開心shopping

好耐冇買化妝品...........
因為........真係好少化妝

依家為求方便，只會搽防曬再拍碎粉，
所以依家只會買呢兩皮樣野，
既然只係買兩樣野，就一於買好東西來用..........

LUNASOL呢個牌子未用過，
不如試下.........

終於.........買左
SKIN CONTRAST FACE POWDER $320
我買左02 Natural

因為家中有好多舊粉盒，
所以只買了refill..........

粒子好細，好滑，好貼面.........
容易打造自然妝........

防曬方面
選擇了平時用的

Full Keep base UV
完美修飾定妝底霜 SPF24PA++ 

$280

用之前先搖一搖

有少少顏色，作修飾......

質地薄輕，搽完唔會油笠笠.......
同系列有戶外用既SPF 50 PA+++都係$280
夏天來臨，可以去入番支...........

BTW.........
我入左會，如果買野可以通知我，
我俾個member no 你地呀............


不過，最開心係.............
果日.....我放工去買野，
個sales 姐姐話,其實我d 皮膚幾好，
平時就咁搽防曬拍碎粉出街都可以，
好野.......聽佢咁講我真係唔洗買粉底lu...........

You are the apple of my eye

原本打算只係整一個簡單既蘋果俾囡囡，
但係諗諗下，如果可以切開，都幾得意............
所以就試下整，
完成了........
囡囡暫時只係識到塊葉，
未識切開蘋果..........

我們的寵物

大家好呀.........

星期六日唔洗返學既日子，
通常我會留響屋企...........
唔好以為我留響屋企會好悶，
我屋企有好多寵物架，
等我同大家介紹一下.............

呢隻係我既貓仔........

不過媽咪話佢係貓科動物，係老虎，而不是貓........
佢係我好朋友，我成日同佢玩架，佢會帶我去森林(其實媽咪在講故事.....)

仲有一隻海龜小姐同一隻海龜先生，

我地一齊去深海探險架..........

香橙掛飾

香橙小掛飾，
十字繡的，
非常容易整.......

健康最重要

上星期六，同一班差不多兩年冇見既朋友去食buffet,
差不多個個都生左小朋友........
同大家分享兩個個案，

個案1:

朋友的兒子不幸地有蠶豆症........一世的.......
朋友萬事愛爭，愛認叻........
認為我生的是女兒，自己陀的是兒子，
已經叻過我........
我當然唔會同佢爭.......
我只希望女兒健健康康，做個開心bb........
陀住阿女時，介口介得好清
........

為何我意志如此堅定........
因為我心中只諗到，自己忍一忍口，可以生一個健康BB,
我只係忍口幾個月，而換來既係BB既健康，藉得.......

(雖然，蠶豆症係遺傳既........
但係朋友陀B時一d都唔介口，
依家BB食人奶，佢仲飲凍檸茶，阿B唔肯瞓，瞓15分鐘又醒，醒左佢又俾1oz 奶佢，
如事者，一個鐘餵幾次........真係自己攞黎架.....)


個案2:

朋友既BB原本遲過我阿女出世，
最後早產好多，仲早過我三星期，
朋友好努力湊，終於都快追到正常，
不過就不懂企，一企響度時會跳下跳下，
腳踭唔掂地........要去睇醫生............
(我奶奶成日話，我阿B如果早過佢出世就好啦，可以做姐姐........
我話佢，早有乜好呀，早產呀.........早產出黎為乜呀,真係痴痴地線。
(當時仲係大肚既我對住個肚講，阿B唔洗心急呀)
最後阿B39週出世，乖女..................


有感而發.......
乜都假，健康最重要............

愛看書的小寶

小豬好鐘意呢本布布書，
有幾鐘意，
睇下張相先..........

本書明明響床出面,佢睇到之後，用佢既方法攞佢出黎，
攞左出黎之後就好安落咁睇書.........

新髮型

天氣開始熱喇，

囡囡成日成頭汗，
瞓覺時頭髮整到面痕痕，成日用手抓，
怕佢整損面仔,
所以叫御用髮型師幫佢理一理髮..........
清爽晒..........
好似男仔呀.........

換季.........

夏天黎喇...........
係時候買定d靚衫喇.........
去年陀住小豬，一件衫都冇買，
反而著舊晒屋企d儲備，
今年可以入貨喇.........
日日都要湊住小豬，
放假又想佢可以休息一下，

可以唔出街都唔出，
等佢可以瞓多d...........

只好上網買衫啦.........
買左幾件.......
同大家分享一下............

藍色小鹿裙
七分袖是薄紗，
可以直接就咁著..........
我覺得闊左少少，
加上belt 條腰再瘦少少..........正...........


裙邊加上假底裙，添上一點活潑.........$169

藍色荷葉袖連身裙
夏天始終連身裙比較方便
藍色一百年都興
加上所滿小兔........大愛
加上小反領作點綴..........
不錯的選擇.........$148

杏色.......小鹿連身裙
杏色已經好百答......
最愛它的袖.........
巧妙地遮住我的肥手臂.........
(仲要送啡色幼belt一條)
 $180

無錯，兩件一樣款，不同色既..........
質地輕輕的,夏天不怕成身汗.........
仲有袖口特別設計,不打底都不怕走光
左右兩邊各有一個小袋.......
$180

分享完畢.....

big shopping@口水肩

囡囡出世到依家只係買左幾個口水肩俾佢，
一直都係用人地二手既，
已經開始難，
因為早排天氣潮濕而發霉，
今次一次過買左24個.........

嘉道理農場一日遊

公司轉左位實在令我好唔開心，

日日返工都好唔開心.........

所以請左一日假，同老公同囡出去散散心.............
我地趁天氣好，去郊外逛逛........
決定去嘉道理農場..........(因為我地一家三口都未去過!!!)
出發前一日打左去同公園講我地會響園內自駕遊，
就可以揸車入去，唔洗辛苦行喇.........

囡囡準備出發喇...........

園內既花花開得好靚，

成棵樹好似只得花沒有葉.........

囡囡都好開心............

扮鬼臉...........

玩左一日， 

響車上，食左支奶奶就瞓左.........

爸爸將車泊埋一邊，等囡囡瞓醒先再繼續行程......

星期六早上

一個星期七日，
我最鐘意星期六，
因為星期六唔洗返工，
星期六聽日仲有一日假..........
星期六唔洗返學，
可以同囡囡玩下.......
呢個星期六早上.........囡囡同我岩岩瞓醒，
拍了張200%全素顏照.........