媽媽好幫手 沖涼貼紙

女兒開始大個女，開始搞東搞西，連沖涼都冇時停，
係呀，我個女識企我已經棄用BB沖涼盆，
一來方便D，二來慳水D，三來佢覺得自己大個女，叻D喎!(個浴盆已經送左俾人，佢話小BB先用盆冲涼!!)

點可以令佢乖乖地專心沖涼呢?

法寶在此
Aeon $12店買的

一包15張貼紙

囡囡乖既時候我會送貼紙俾佢
送俾佢佢自己貼上牆

沖涼時可以睇，一來可以成功吸引住，望住連頭髮都洗得乾淨晒，
二來可以認下動物，

用熱水沖個貼紙，下面既日文就會透出來。

好了，下次見到D好野再同大家分享。

Gap收獲(上集)

呢排好多店分開始減價，
又係入貨既時候，
今日先同大家分享一下Gap的收獲 
朋友仔通Gap promotion 7折，
沙田有間，趁有時間，去睇下先
可能當日時間上，未有太多人，
可輕鬆shopping! 

收獲分享

米白背心裙$148
(清新的one piece 米白裙有少少lace 點綴， 襯不同顏色的外套，有不同的感覺，易襯之選，買左兩歲碼，今年少少鬆!) 

藍白間條背心裙$98
(上身是藍色背心，下身是藍白間條，強烈的海洋風，好想去海邊逛。 都係買左2歲碼，呢件fit!)

拖鞋Tee $48(買左3歲碼，鬆DD) 

帆船Tee $48(2歲碼，fit)

Birthday Tee $48 (呢件係送給另一小朋友的生日禮物)

幾件tee都好特別

結帳:$390

今次分享住咁多先！

回憶

7月尾嬰園舉行畢業禮，意味住嬰園生活要畫上完美的。了 時間真係過得快，回憶起，她開學，彷彿只是昨天的事，不久將要畢業了!實是不捨得，回想自己都幾好野，呢兩年，無論冬天、夏天、晴天、陰天定下雨天，總之天天都會帶囡囡返學，之後再返工，灣仔返工，17:18準時收工，飛跑到學校接放學，真係身體差D，少D藝力，少D泊力都唔得！ 以為就咁完成，no la！ 我老公返shift，接左囡囡揹住回家(日日如事!) 之後，幫囡囡沖涼,佢細個時要搬個BB浴盆+埋水出廳冲,仲要煮BB飯，搞掂佢已經8點，幸好囡囡都乖，食完飯自己床玩，玩一陣自己瞓，我可以冲涼執野!執完已經攰死，飯都唔食! 回想呢兩年就係咁過左! 辛苦辛苦很辛苦，但係辛苦得來可以陪住囡囡，辛苦都是甜的， 能親眼見到她第一次轉身，第一次爬，第一次企,第一次行......我都好感恩！ 我辛苦，只因我願意付出，我付出，所以我有合理收獲，每天對孩子付出的汗水，孩子會知道媽多愛她，所以老師常說:瑩很聰明懂事。可能她生長於平凡中產小康之家，無姐姐洗，乜都係爸媽一手一腳搞掂，唔會指意人，所以她的自理能力好好，1歲已自己用杯飲水，自己食飯，次次出街食飯總有人問我，佢幾多歲會自己食。

Ikea肉丸日

星期六，一早出左囡囡在嬰園最後一次家長日，
望住囡囡張成績表，差不多全A，心中很感動，
感動因她是個樂於學習，自發學習的小孩。

見完家長，我地去左沙田Ikea，因為今日肉丸半價，
可以食肉丸，又可以俾囡囡行下，玩下。
行到去餐廳，只見長長人龍，原來他們在排隊買急凍肉丸!
當時11:30，職員話:12:30架車先到，仲要落貨，我地排得咁尾，買唔到多!
於是，放棄啦!

堂食啦!堂食都要排隊，於是分頭行事，我帶住囡囡等位，
老公排隊買肉丸，
好彩等左陣就有位，安頓好囡囡，老公就回來，
只係$9.5有10粒肉丸，老公買有30粒+1杯汽水。

食完再買多30粒外賣留今晚，同明天晚餐，好抵呀!

食飽再行，行到門口，又見有條小人龍，叫老公排住先，
我去八下，原來派食凍肉丸籌，但要4點後先有得囉，
無問題啦，我地又取了籌!

回家休息一陣，冲埋涼，食埋飯先再揸車過來，
真係不用排隊，肉丸在等你，終於買左4包，$150，好彩今朝冇等。

今日是肉丸日!

清爽媽媽清爽Baby

依家日日32/33度，囡囡同我都好大汗，
一出門就大汗疊細汗，出完汗身成身笠痴痴！！

我呢D冇工人冇姨姨幫手，乜都一手一腳湊B既媽媽，每日帶返學接放學，左手一個媽媽袋，書包仔，行李，右手抱起阿B，就咁可以行幾條街，32度下咁街，流晒汗！！

想搽爽身粉，但係又怕小朋友吸左！！

見報紙廣告，Biolane出既爽身粉液，
呢幾日仲有折,折左$132,
專登走去沙田新城市萬寧Baby度買,
回家即開來試試

白色液體，淡淡的爽身粉香味，十分討好，最鍾意BB味。

沖完涼抹亁身搽少少在手手腳腳既摺位，輕輕接摩，拍幾下，吸晒變左粉狀，好滑。


唔錯喎，可以同囡囡一齊用。

下水禮

上星期去沙灘，只係玩下沙，
未敢落水，
今個星期去泳池，
情況係點！！

出發之前，囡囡話:去游水，好呀!

去到泳池，行去落水都驁!
不斷話:唔好呀!

好啦!慢慢來啦!先坐在池邊,
眼見我地一個個落水，玩得開心，
佢心郁郁了。

爸爸游左過對面，我把握住好時機，囡囡我地過去同爸爸玩。
於是，成功落水，
之後，仲敢踢腳。

媽媽覺得你好叻，好勇敢呀，
大進步呀。(其實，我党覺得佢好醒，會睇清楚發生乜事先再行動。)


至於我，好耐冇游水，趁機游返，
好爽呀!
爛船仲有三根釘，保都未老，哈哈哈哈哈！

囡囡成功下水，下一步就係學游水，
囡囡你唔洗報班，你有個私人教練，媽媽教游水喇。

趕水尾睇鴨仔

大鴨到港，應承囡囡同佢去睇，
可惜一直有太多太多原因冇去到，
鴨仔星期日要回家，
我地星期六一早0830出發，
爸爸揸車，好快去到，
可能時間早未有太多人，
亦太熱，可以同囡囡拍下照，
大家亦十分禮讓。

至於囡囡，見到隻大鴨就勁開心，
斷話好靚呀，鴨鴨好高好大隻呀。

問佢有幾多隻鴨?
佢話:123456789.....10有好多隻鴨呀!

後話:
其實，我同老公原本可以先去睇鴨，
但慶幸老公同我好一致，
我地既信念一係一家三口都唔去，
一係一齊去。