蕾絲蛋糕裙

蕾絲蛋糕裙製作過程大披露，
先準備一件乜都冇既衫仔，
今次揀左一件body .......

(當然仲要準備蕾絲啦)


跟住就用水消筆畫上記號，

之後就可以一層一層縫上蕾絲，
一層一層縫上，要平均的打摺，
不能全部都係摺，亦不能全部冇摺，
要平均就是有一點難...........

一不小心........
流血了......

不過見你著上時，

媽媽又會啟動消除痛楚的機能.......
痛..........沒有呀......

懶惰之過....

老公成日懶虫，

有時真係會黑面對佢，
不過今次改變方法..........
同佢畫個公仔，
等佢仲敢唔敢再偷懶..........

2012年生日禮物

今年既生日禮物............
係老公親手整既真皮銀包............

不善整小手作既佢居然會自己整個錢包俾我..........
好感動呀...........

真係好鐘意呀.........

囡囡的第一份功課

囡囡既第一份功課，

美其名囡囡的功課咪即係媽咪做功課..........

係母親節既功課，
題目係: 母親的擁抱.....
我找來囡囡由出世至現在不同時既的擁抱相片，
用電話既apps 砌埋一齊........

可以交功課..........^^
hehe.........老師仲擇左我地出黎仲貼堂呀.........

(P.S. : 看我......由瘦變肥的過程.....)

MY LuxBOX May 2012

五月份轉左盒......

轉左四方形粉紅色.......

..

打開看一看........
幾豐富.........
幾好喎...........

新玩伴.......襪仔公仔

將襪仔公仔送左俾囡囡，

佢原來好欣賞媽媽既手作架........
你睇笑到幾開心，
仲捉住唔放.........
(爸爸都話佢好鐘意，平時俾公仔佢三秒就丟左，
襪仔公仔就捉得實實.........)

襪仔變公仔

每個BB一定會試過遺失一隻襪仔，

另一隻留響度著又唔係，
唔知道做乜好，
不如將佢整左公仔，
俾BB玩，
打算一段日子整一隻，
腳仔一日一日長，
公仔又一日一日大，
儲著儲著，等BB大個睇返都幾得意。

想唔想幫BB整個公仔呢......
可以send email (ms.jam@hotmail.com)俾我

健康小食三兄弟

桂格新出左呢三兄弟，

分別係蜜糖果仁、朱古力及提子燕麥曲奇.............

一盒六小包，每小包有三塊........

睇睇成份先.........

而我就最鐘意提子.........
因為...........
1. 口感豐富d...........岩晒我口痕想過下口心引既時候........
2.熱量最低........岩晒我........我肥得很..........
3. 紫色包裝........^^


買齊三款放響公司，
早餐、下午茶及零食首選............

(hehe.......我放左一包響手袋,以備不時之需......)

是日甜品--黑白配

難得可以多少少時間，(因為老公響屋企，可以幫手睇住小豬)
可以整甜品食...........
整左芝麻糊+白芝麻湯圓........
唔知道係咪太耐冇食，
好好味呀............
(人就係咁架喇，係要久唔久食就覺得特別好食.........)

粉紅色線披肩

粉紅色線披肩，
夏天出入冷氣地方必備，
我放響手袋，有冷氣時攞住BB用，方便又好用，
因為係線料，所以仲好輕，
不過就因為它是曲曲線，所以好難勾.........

想帶它回家嗎?密切留意我的網上商店......

20120505舅父仔大日子

我舅父仔終於大個仔喇，
結婚喇...........
我一家一早就去到為佢打氣...........
不過我地又被騙了........
10點幾去到，一對新人12點幾1點先到..........

早知響屋企瞓多一陣先出黎啦.............

囡囡心諗「難得爸爸著恤衫，好靚仔呀」

搞掂上午既野，我地先回家休息一陣，

其實只係俾BB瞓一陣，
我地準備晚餐俾BB.........

一轉眼，已經去左小白鷺喇...........

媽媽悉心安排下，我地全家都有紫色.......

多高貴呀.......

媽咪靚靚紫色裙，

爸爸換左淺紫色恤衫，

而我呢，就係媽咪整既紫色髮夾。

注冊之後，舅母表演了豎琴俾我地聽，好動聽呀.........

天氣太熱了，我地要找個地方坐下.........

點知..........
一坐底，一班哥哥姐姐走來要同我同媽咪影相.......
一時之間，我們變成了米奇老鼠.........

晚宴上，我們跟隨大隊去敬酒，

哥哥姐姐再一次圍住我地，
先是握手.........
再來相機電話.......影相........
媽咪又要追趕敬酒隊伍..........
場面就好似歌星開演唱會咁...........

哥哥姐姐叔叔姨姨公公婆婆大讚我叻女唔怕醜......

媽媽同我都多謝哥哥姐姐既讚賞.........

我就最多謝媽媽爸爸全日抱住我....保護我.....
帶我四圍去大開眼界。

BB 購物展

五月4-6日響會展有個BB購物展，
講到明係購物展，
即係賣野多，
有兩張免費門票，
就趁lunch time 去睇下啦.............
(又唔食lunch 喇!!!!!!!!!)

行左一個鐘，收獲如下...........
冇野好買，場內話減價既野仲貴過出面........
冇野好派，我都叫早到...........好多禮物都派晒...........

打開睇下有乜...........

好彩灣仔返工，
咪真係車錢都賺唔番..........
我期待8月的大展..........

大埔海濱公園放波波

星期六，難得爸爸媽媽一齊放假.......
早上天陰陰，我地下午先出動.........
去大埔海濱公園，
呢個公園我地成日去，
因為近近地又有位泊車，
天氣熱，媽媽怕我出汗之後會笠笠，
所以成日都帶備噴噴水俾我.........

去到公園........
坐坐草地，吹下波波..........

仲有..........最鐘意..........

玩到天黑都不想走............

轉去兒童遊樂場玩..........
耐心等待中...........

等到喇.........
第一次玩韆鞦的小豬............
小豬真係似足我，個人穩震到爆.........
一放落去，足到實一實!!!!!!!!

三週年

不知不覺三週年.........
上午先帶左囡囡去返學，
我地就去拍拖食早餐，
再去睇早場..........睇左復仇者聯盟..........
好好睇呀.........

之後就去接返囡囡放學，

去清水灣玩玩水..........

玩玩沙...........

開心既一日...........

回程響車上，再次重溫我們的主題曲...........
回憶返三年前..........
原來一個用心打造既婚禮真係會記足一世架...........


hehe..........終於再有勇氣穿背心短褲出街喇.......
件花花背心勁鐘意呀..........
係ebase 買架(收得好埋架，好似仲有綠色架)............

只係$90..........

唯一無二雙面口水肩

帶小豬出街總是大包小包的，
有時出街要食野又要準備膠面的口水肩，
帶得野多就覺得自己似駱駝，
帶小左到要用時冇得用又麻煩........
hehe..........
我整左一個雙面口水肩，
帶一個出街就方便好多，
要食野時可以用膠面，平時就可以用毛巾果面............
方便............
我要整多幾個先得............

忙裡偷閒@蕾絲粉紅小鳥頸鏈

我成日都話放假忙過平時返工.........

趁住小豬大豬食飽飽，
而我又執好間屋，煲落湯，準備好小豬下餐既食物，
忙裡偷閒整整小手作.........

找出一排蕾絲.......
一些粉紅小鳥及小花花，
仲有一排大小珠仔..........

串串串..........
完成了..........
試下先.........

都幾好.........好唔係我平時整既style..........
不過用黎襯背心仔都幾好.........

試試下..........小豬瞓醒了.........
眼睛望住頸鏈.........
好啦.......俾係試下啦............

哈哈...........下次媽咪有時間整一條細迷版俾你好嗎............

小魚散子包

呢排真係勁爰整小手作，
勁愛程度，大約有10級，
有時快手可以一日有一個完成品，
自己好滿足...........囡囡又開心...........

有時諗，
其實整小手怍就好似人生，
整手作冇人教你先縫邊part先，
人生路亦一樣，冇人教你點行，
只係自己慢慢一步一步行，
小步小步的，行錯左可以行返轉頭，手作做錯了可以拆.........
慢慢行得多就知道邊度要小心行，邊度要小心整.......

又買鞋..........

哈哈.............
我真係好鐘意買鞋..........
呢日放工..........揹住個囡囡...........
大圍轉車...........又出事了.............

買左兩對，訂左一對............

我冇乜高跟鞋.............
買一對看門口............

dirty pink ............易襯之選............

平底灰色鞋..........返工之選.........

就係呢對要訂....
一見已經好鐘意，
要訂都好..........我等..........

粉紅閃閃閃.........好靚之選.........

英文字

整左好耐先整得晒，
因為太多太多不同既小手作想整，
整下呢份又整下果份，
所以份份都整左一半.........
呢排改變一下，一份一份完成了，
進度快左好多.............

今次完成了.......
A-Z.......
大楷小楷用同一種色，
以方便囡囡配對.......
不過相信好快就會唔見.......
但不用怕.........我仲有材料可以再整..........

白母雞+小黃雞搖鈴

手痕痕，好想整小手作，
整左兩個小搖鈴，
接放學時俾囡囡.........
先俾左個小黃雞佢，佢已經好鐘意揸得好實，

左火車，俾埋隻白色雞佢，
佢開心到偷笑............
見到佢咁鐘意，我都好開心............