年初一許個願

今年好開心，大年初一，一家三口可以瞓到自然醒....
囡囡同我地拜年........(今年真係好溫暖，看......我地一家三口都可以短袖衫出動)

 

 

拜完年，可以出發去玩喇，去邊玩，去大埔林村許願樹

 

當日可能大家去晒拜年，所以人流不太多，我地架車都可以泊入去林村停車場........

泊入去仲有風車同兩份寶碟送.......

哈哈........

 

幫囡囡許願，我拋左兩次就已經成功掛左上樹，老公都估唔到...........

 

仲去左玩板畫印刷，我地呢一家三口可能實在太搞笑，搞到主辨單位的攝影師偷偷地偷拍我地。

就係咁玩左成個下午，阿女玩到散左，一上車就瞓左。晚上仲同一大班朋友去左深水埗掃街。

 

 

 

 

 



間屋暖笠笠小方法

天氣突然凍起來，作為一個盡責的媽媽，一個合格的老婆，真的要做一些事令家中大小兩豬起身時暖笠笠，瞓覺時又溫溫暖暖。我唔鐘意用暖風機，因為會好乾燥，大小兩豬會皮膚辛苦。

我會一早起來，煲湯，一來為的是令間屋暖笠笠，二來有湯飲，一舉兩得。

跟住，我煮定早餐，等佢地起身，食個熱早餐先出門，身體暖笠笠就算出面凍都

冇咁辛苦。

 

小豬午睡時，我會沖涼，因為沖涼的蒸氣亦是一個令間屋暖的方便之一，

有時我沖完小豬又未瞓我會趁間沖涼房仲係熱熱地會快手幫小豬沖埋，咁就冇咁凍，

又會洗定d奶樽，當囡囡沖涼之前先開機，利用蒸氣暖屋。

 

希望呢d小分享可以幫到大家.........

 

 

 

 

行年宵

今年真係好誇張，行左四次年宵，
可能因為心情好，天氣又好，溫溫暖暖的感受特別好，同埋想囡囡感受一下新年氣氛。

年宵剛開始時，我地趁住人流未太多，去左旺角花墟年宵市場....



仲買左隻又平又靚既鴨仔俾女女.......$20





 

　



第二個去行既係荃灣年宵市場，因為囡囡今日好乖女幫手大掃除，所以送她一個她喜愛的長頸鹿氣球以示鼓勵。($20，但有d開價好誇張一樣的氣球，$108......)

囡囡開始放假，不想她整天在家中，決定早dd食飯，

之後同囡囡拍拖去沙田年宵場行。

見佢自己行足全程，送了她一個長頸鹿公仔，毛毛好滑.......

(雖然睇落公仔好乾淨，但係所有公仔買左回家都要洗，

洗乾淨先可以俾囡囡玩，當然平時都要洗。)



 

 

不知不覺去到年三十晚，一家三口吃過團年飯之後就瞓左，03起身再出發去行夜年宵，今次真係第一次行夜年宵，以前後生都冇行過，居然生左阿女先去行.........

收獲豐富.......

囡囡米奇老鼠星星氣球$10, 兩盆蝴蝶蘭$50......

 



再見奶粉荒

近日坊間不少傳聞話新年聖誕農曆新年前後會爆奶粉荒，
叫媽媽們去儲定d奶粉，好讓小朋友有奶粉食。

大人冇米食可以食麵包可以食麵，可以食其他嘢，

但係小朋友冇奶食可以食乜，初生嬰兒就更加..........慘!!!!

今次好榮幸由惠氏營養品邀請出席參觀他們的倉庫好讓大家了解一下奶粉儲備.......

【是次活動是由惠氏營養品邀請出席】

就等我帶大家去破解惠氏營養焱品有奶粉荒之迷...........



惠氏營養品的產品直接由廠房運送抵港，開貨櫃門，滿滿的排住奶粉....

工人先進行核對文件

再用車一板一板...(一板有720罐)奶粉去上架

儲備十分充足，成個惠氏營養品貨倉整整齊齊的滿滿是奶粉，
(喜出望外既係估唔到貨倉都咁乾淨整齊)

他們十分有系統的，

由訂貨列收貨及存貨到送貨，都有多次核對過程，非常有系統。

亦有四大措施確保供應

1. 預留充足存貨俾本地小朋友，當日有幸睇到呢個倉，真係滿滿的......

2. 零售商向他們訂貨不設限額。

3. 零售商於指定訂貨時間前向惠氏營養品確認訂可於下一個工作天送到。

4. 他們設有銷售團隊及獨立巡查團隊，走訪各大零售點，主動跟進存貨量。

我地仲有幸參觀左為香港小朋友預留奶粉的奶粉倉滿滿的

了解左之後，真係安心晒，至少唔洗擔心個女冇奶食........

現今當父母真係好多嘢要擔心，擔心少一樣得一樣.......

其實，揀奶粉俾女女飲，我會先揀老字號既奶粉公司，太新既始終驚....

惠氏是一個不錯的選擇，
同埋陀住囡囡既時候已經飲惠氏媽媽奶同埋日日都有食Materna,
(原來仲出左惠氏媽媽藻油DHA)

你看Cyrene肥肥白白眼仔碌碌就知道係好嘢..........

講左咁耐係時候沖支奶俾阿女嘆下........

媽媽們，可以上www.wyethnutrition.hk/trial 登記換購試用裝

 【禮物由惠氏營養品提供】。

給自己的聖誕禮物@ Paul & Joe

說我是一個Paul & Joe 迷也不會錯，愛上她已好一段日子，現在由面油紙到身體頭髮噴霧都係用她，愛她的橙花香味，新鮮而不造作，更愛她高貴而華麗的包裝，用完之後我會留番個樽同瓶裝其他東西。

 

 

每年聖誕節我都會買禮物俾自己，今年我買左Paul & Joe 既東西。

 

 

由陀住囡囡開始已經是一個素顏媽媽，

一來唔想化妝品俾囡囡幼滑BB皮膚掂到化妝品以免引起敏感，

二來我呢d落手落腳湊小朋友既媽媽跟本冇時間去化妝，

三來為自己，等皮膚多d吸空氣，皮膚自然好。

粉底真係一年一樽，平日好少用，但總要有一樽看門口....

平日用開她的防曬02號，

姐姐好好人已經幫我找到Light Cream Foundations 30號粉底，

顏色啱晒.......正

仲好水潤好貼面......

仲有SPF15 PA++.......又可以懶d唔洗另外搽防曬了.......

 

之後，仲買左Moisturizing Facial Mask深層保濕面膜，

 

 

問心生左個女之後真係冇晒自己時間，

莫講話面膜，真係連去廁所都冇時間去，沖涼都係5分鐘內完成，

屋企仲有好多好多之前買左未用既Paper Mask，

點解仲買Mask，原因好簡單，就係........

呢個Mask只需要3-5分鐘就完成，我通常瞓之前搽左呢個mask之後再去執下東西，

5分鐘之後用紙巾抹去(不用洗)，再搽番平時既爽膚水等等就可以，係咪好方便呢。

 

 

 

後話: 個sale 姐姐好好人，佢送左包Facial Gommage俾我試用，一試就愛上了，因為磨面只需耍20秒，磨完白左仲好滑好滑，下次我要帶呢支回家。
Paul & Joe 既野都係Made in Japan ,質數有保証，可放心使用。

 

救我一命潔膚液

老公同囡囡D皮膚是乾燥型，一到秋冬天就會按不住會抓抓抓........

老公大人都可以控制到，但囡囡只是個小朋友，你叫佢唔好抓真係有一定困難。

好抓抓抓就抓到皮膚又鞋又紅又腫，仲會損.......

阿媽心都痛埋.......

一定要諗下方法先得.....

 

行過萬寧見到呢支曼秀雷敦出既安膚康溫和潔膚乳

 

 

 

老牌子有信心，加上寫到明嬰幼兒長者都可以

 

阿媽當然要身先士卒試用一下先啦，

沒有香味，

低泡沬無皂配方

 

不過又沖得好乾淨，不會滑滑的。

 

自己用完，十分滿意，

可以俾囡囡試用喇，

用左一個星期，明顯改善左乾燥情況，

腳仔再次回覆滑滑腳，

媽媽再次笑起來了。

 

原來平時用好多泡沬既沐浴液會將皮膚天然皮脂也過度帶走，皮膚就會變得乾燥，

平時夏天天氣冇咁乾燥就冇問題，但秋冬天天氣乾燥，皮膚就會明顯乾燥起來了。

新城市廣場睇燈飾

兩歲多既小朋友對聖誕節感到高興，
呢日放左學去接爸爸放工，順路去新城市廣場的空中花園睇燈飾，
今年燈飾好靚呀，人流亦不算太多，天氣未凍，可以慢慢影相。

小豬仔話:媽咪，好似星星咁。

 

大家來估下呢個小豬咩事咁開心?

 

 

 

原來係佢揹左佢既最愛Elmo袋仔出黎，

個袋仔既size啱晒佢，可以斜揹又可以手挽，

出街之前叫佢自己執d需要用既東西入去，可一步一步教佢自己負責任。

 

囡囡有時出街玩左一日車程上，小睡一會，

她會將小袋放左我的大脾上當作一個小枕頭安睡一會，

個袋仔質地好柔軟不用擔心鞋到個小臉蛋。

 

個袋仔響Bossini有得賣，快d去買個俾你既小寶寶啦。