天氣突然凍起來，作為一個盡責的媽媽，一個合格的老婆，真的要做一些事令家中大小兩豬起身時暖笠笠，瞓覺時又溫溫暖暖。我唔鐘意用暖風機，因為會好乾燥，大小兩豬會皮膚辛苦。
我會一早起來，煲湯，一來為的是令間屋暖笠笠，二來有湯飲，一舉兩得。
跟住，我煮定早餐，等佢地起身，食個熱早餐先出門，身體暖笠笠就算出面凍都
冇咁辛苦。
小豬午睡時，我會沖涼，因為沖涼的蒸氣亦是一個令間屋暖的方便之一，
有時我沖完小豬又未瞓我會趁間沖涼房仲係熱熱地會快手幫小豬沖埋，咁就冇咁凍，
又會洗定d奶樽，當囡囡沖涼之前先開機，利用蒸氣暖屋。
希望呢d小分享可以幫到大家.........
沒有留言:
發佈留言