許願樹小姐

早幾日聖誕節整左棵聖誕樹先生，
再整左一棵許願樹小姐，
希望新既一年，
人人願望成真........^^

閒遊1881

聖誕節真係普天同慶既日子，度度都會佈置得漂亮，

呢日我地閒遊1881…………

見到好多人影畢業相………
令我記起自己畢業時都曾經勁影過…………

又見到好多美麗既新娘子………
令我記起結婚果時都曾打算去1881影外景，
可惜當時未整好，影出黎可能似地盤………

結婚好似只係昨天既事，好多野仲歷歷在目，

不知不覺已經一年半多喇………
時間過得真係快…………

我的聖誕禮物@Paul & Joe

打開我的聖誕禮物俾大家睇下……

原本係為左睇下佢個Christmas set入去，

set裡面個珠珠胭脂真係好靚........^^

最後無買......><

我只係買左兩樣野，個BA小姐好好人，

送左好多sample俾我……^^

(好過海港城Face果個好多..........)

原本只係想買支under eye concealer……

呢支concealer真係好好用，好薄好貼……
上次圓圓送左一支俾我試用，已經用晒，所以要補充一支……
諗下有幾多化妝品係用完會再買架，呢支真係好……
仲要唔貴$189(我有恆生卡所以有九折…)

小秘密，雖然佢係寫明under eye用，

但係用黎遮暗瘡一流，
近日我大爆瘡都係用佢…………^^

跟住，我就俾呢盒美麗既包裝吸引住我…………
係眼部雙重修護set……

一盒已經有齊日用同夜用………
日用既眼部修護啫喱……22g
啫喱質地清爽迅即滲透肌膚，滋潤緊緻……
(仲可以上妝之後使用………)

夜用既眼部修護霜……20g
是啖啖香橙味架，但不誇張，剛剛好的香味.......
唔好以為霜就會好笠，hehe…好清爽亦客易吸收……
BA小姐話可以搽厚少少當eye mask……
(仲細心地準備了一個細細個刮方便取分量………)

一set 都係$405………
諗都唔諗………
買下她……… ^^
(因為眼睛是靈魂之窗，不可以馬虎………
眼紋出現先處理就太遲喇………..藉得投資………
hehe………分量也不少，應該可以有排用………)

2010我的聖誕禮物

好耐冇買野俾自己喇，
因為無心情………
點解無心情，因為平安夜要考試…………
考完試就成個人輕鬆晒，
終於感覺到聖誕氣氛………

約左老公響旺角等，響朗豪坊等………
又出事喇……
買左一份禮物俾自己…………
Paul & Joe…(明天打開俾大家睇下係乜東東……)

其實我每年都無期待過老公會送什麼禮物俾我，
因為我真係冇乜野想要，
同佢一齊食餐飯都已經好滿足，好開心，
今年，亦不例外，只係想一齊出去行下街……
回家打算瞓既時候，響被窩中………發現………

係Porter International Club 7 Tote Bag………
好大個呀，岩晒我走佬用......正呀........^^
仲要係黑色，帶出街俾佢幫我攞都ok呀………^^
勁開心………

聖誕樹先生

自己整既聖誕樹先生………

特別有意思...........
祝大家聖誕快樂…………

屈臣氏聖誕義賣熊bearbear及月曆

今日返返下工………

收到份禮物，
原來係watsons PR小姐送來的聖誕禮物………

包得好靚喎……
(有讚一讚保良局石硤尾職業服務中心既朋友仔，

你地好叻呀，好專業呀………)

好靚既一對熊仔呀…………

原來呢一對熊仔係同保良局合作義賣既，
依家響屈臣氏$39.9就買到一隻……
買黎做聖誕禮物，真係100%岩晒呀………

聖誕節是一個分享愛，分享開心既日子，

記住同你身邊果個分享喇………

如果聖誕節抽獎禮物仲差小小$………
加多一個月曆就岩岩好喇，$9.9…………慈善月曆黎架………
祝大家善有善報…………

打開………Kay………呀………影得幾靚架………

P.S.仲有好多優惠卷…………^^

最後，祝大家聖誕快樂...........^^

小貼士: 男仕們，可能你已經準備好了聖誕禮物，
但別忘記好快就情人節，買定情人節送都得，得左…

小手作--冷手袋仔

第一次整，每晚放工整一行半行，
整左四日就搞掂.....
好有成功感....

大埔墟街市美食

上星期帶你地去左海防道街市，

今日就帶你地去大埔墟街市.........

2樓有間小店，有記.........賣小食.......

種類唔多，但係要排隊，
就知道好勁..........
買左.............$17

等我逐一介紹.........

馬拉盞$5/2個........
(其實，有馬拉糕架，不過c6話想試馬拉盞......)
熱熱的........好香........

芝麻棵........
熱熱的........

其實成舊都係芝麻粉糰+小小花生.........
不過好特別,平時無食過...........

登登............主角出場.........
砵仔糕.......仲要係黃色多豆...........
熱熱的............唔太甜.......
口感比平時食既林.........唔知係咪因為熱呢.........
總之一句好好味..........

下次大家行過都要去試下...........

海防道街市美食

兩個最鐘意周圍去飲飲食食，
呢日就出左去尖沙咀睇戲.......
睇完戲就去左海防道街市找美食............
等我幫手賣廣告先...........
就係呢間喇...........

叫左一個雞翼豬扒鳥冬.........
烏冬先到.........看似平平無奇，但係出奇好味..........
豬扒............好入味.............一d都唔鞋..........讚.........
雞翼.........好味到忘記了影相........

我知道海防道街市仲有好多出名美食........
但係每次只可食一款........
其他的下次再去..........
希望呢d咁香港特色既街市可以一直keep住.........

聖誕禮物

每一年買聖誕禮物我都會好用心去諗，
要買一份佢想買而又一直無買既東西為禮物，
想佢打開禮物既時候係100%開心...........

同佢一齊已經九年幾，每年總有幾多野想送.......


今年..........買左呢對青BB既籃球鞋..........

原因係.......
1. 佢勁愛打籃球.......
2. 過去一年多都無買過籃球鞋...........
3. 隻色好少有............(唔係佢打籃球咁勁都唔敢著咁誇張既顏色)
4. 個款好靚.........(靚到連傻豹都要試下.........)

5. 網面設計，打波唔會焗腳.........

6. 最緊要係佢好鍾意........

已經提早送左俾佢.........

十字繡--小貓咪小袋

又有新作喇，

繡呢d袋仔真係好有滿足感架。

燕窩精華搽上身……

一轉秋冬天，天氣乾燥皮膚就會好乾……rurururu………
天氣凍，沖涼水溫就調高幾度，皮膚更乾……rururu………
rurururu………直至出現血痕先收手………
後悔太遲………血痕已出現………
趁未去到呢個地步，趁早出手……

多謝屈臣氏既公關小姐送我一支燕窩精華+輔酶Q10身體潤膚乳俾我……
燕窩食得多，搽上身都係第一次……

擠左少少出黎試，質地係白色cream狀，無加入香味…….讚……

真係好滋潤，仲好快就吸收晒，
真係潤而不膩……….
不論秋冬天用又得連夏天用都得，得左……….讚……

別以為用燕窩搽身一定好貴……..
呢支300g只係$49.9……….
(仲有美白同抗氧化功效tim……..)

小小貼士，沖完涼用毛巾印一印皮膚表面既水，
趁仲有少少水響皮膚表面既時候搽，效果仲好…………

添丁醋排骨

添丁醋........用黎整排骨.........

好好味......酸酸地.............^^

我的作品--格仔小兔仔.......

之前整左一隻兔仔，

送俾戰亂國家既小朋友，
今次整左一隻是俾我家幸福的小朋友.......

廖生勁鍾意，我一路整佢已經不斷問係咪整俾佢既.......

傻佬.......當然是你的......唔係整俾邊個喎.....

蝦膠釀豆腐

日日食肉真係好悶，

久唔久我就會煮下豆腐........

自己整蝦膠，雖然麻煩，

但真你好味好多..........

愛心湯湯........

好想飲蕃茄湯，
但係日日放工行回家已經想瞓，
無氣力去煲湯.......
苦肉計........同老公講，
hehe.......成功...........

佢話明天番工前煲俾我飲.......
好野.......

放工回家真係見到煲湯，
雖然佢唔識整到蕃茄變醬，

但係都煲左兩個鐘架，
好有心呀......

多謝老公呀......^^

第一件毛衣

日日放工回家吃飽就織織織.........
終於完成喇，
第一件100%自己織既衫...........
自己好滿意，不過仲有改善空間........

背面.......

海港城聖誕樹.......

呢日我又被c6點去攞野.........
行過海港城門口........

哇..........好靚呀.......
響手袋找出小相機

(痴線架，日日都帶住部相機...........)
影影影............

好大棵紫色既聖誕樹呀..........
好高呀..........
海港城既入口........
都好靚...........
好似個大大大蛋糕呀..........
最後..........望過對面已經著晒喇........
姊妹們，係時候出去影靚相喇.........

真係好後悔無帶部大機去影..........

K11聖誕佈置.........

早幾日放工行過K11.......
金光閃閃........嘔.......汗.........

但是金色始終不是我杯茶..........
最難頂係有一棵金既聖誕樹.......

太俗氣了........><

我的獎牌........

好多年前，第一次上老公屋企……
發現佢有好多好多獎牌，
金牌、銅牌……乜牌都有，
獎杯又有好多，
正常人會放得好好，好珍貴咁放入櫃，
佢多到周圍放，一桶桶咁放……
我真係好羨慕，

因為…由細到大我都冇呢d獎牌一個都冇…………
拍拖之後佢攞到既獎牌都送晒俾我………

都收左唔少喇......

今日我又收到一個喇，
係佢公司既籃球比賽，佢攞左季軍………

多謝你...........

聖誕佈置........

好快就到聖誕節喇，

大家都係時候買野佈置下屋企同公司喇........

我買左呢個，細細個排響梳化隔離既燈下面.......

好靚.......

呢個野$10........

尖沙咀蘭芳園

去蘭芳園吃通常吃什麼...............
有冇試過据扒.........

呢日我家的包包太肚餓........

要据一個西冷先安落..........

首先黎左一個湯........

好蕃茄呀.......岩晒我......

哇............ok啦，唔好要求咁高啦..........$62

講時講我地次次都坐呢個門口位.........

新城市廣場@Snowy Starlight Garden

知道有個好鍾意影相既媽媽坐月中，

唔可以周圍去，一定好悶..........

今日等我帶你去睇下聖誕佈置啦........

聖誕節好快就到喇，
周圍都佈置得靚靚，近近地去左新城市廣場…………
有一個Snowy Starlight Garden………

夜晚影.........好靚.............
必影出入口位……….
等我真人示範啦............

都係冇我企響度好d............^^

真係幾靚，可能因為我心情靚啦………
不過假日關係太多人喇，
我地決定平日再去一次………可以勁影………

Joey Yung Concert Number6

琴晚去左睇容祖兒演唱會，
對於演唱會呢樣野，我冇要求，

基本上有得睇咪睇，無得睇都無問題，
今次都係前日先知道有得睇，
放工去食左少少野就出發去……
之前都冇留意原來係坐A行……
去到先知原來係坐第一行……
真係第一次………

帶你地去睇下d靚衫………
一出場………..哇……好瘦呀…………

跟住就換左呢件旋轉木馬裙……
好靚呀好鍾意呢條呀………

拆左個旋轉木馬就會係咁………

跟住就係呢件白色毛毛……
我覺得好似一隻大白熊…..
不過之後除左面果件就好sex………

紅色長裙……..個V好deep……
無佢咁瘦都著得唔靚……

一場勁舞………

最後，握手位……
佢同我握手呀………
仲企響我面前唱歌呀…………
彩虹長裙………
差不多23:30完場……