韓燒

上次同包包兩個人食左35碟壽司之後，

心痕痕又想去食，

點知去到，太多飲等，

心一橫去食韓燒........

五點幾去到，仲未有人.......

七點半前結脹仲有折.........

呵呵...........仲有三文魚...............

點解我地兩個可以食咁多野架...........

家有廚神@雲吞+蘋果批

成日煮真係乜都煮晒，

原本諗住煮水餃，

但係包包打電話回來話包左雲吞.........

煮晒剛剛好二人份量.........

皮薄仲有大大隻蝦..........
仲包得好好唔會散晒.......

讚呀...........

飯後整左一個蘋果批，
第一次整，好彩都幾靚........
切開睇下.......
好香好好味........
好味到兩個人，食晒成個蘋果批........

仲有材料，整左一個番公司俾同事食，

讚不絕口.........

下次家庭聚會一定要整俾家人試一試........

二人世界@BBQ

秋天到喇，

兩口子去左大尾篤追月，

去到時候仲早，太陽剛下山............

準備左好多食物........

台灣黑椒腸、羊啦、牛啦、魚啦、茄子啦、

仲有我醃既咖哩雞翼同蜜汁雞翼......

仲有好好味既菠蘿...........

兩個人食咁多野........

真係誇張.........

呢個黃椒好大個又好靚，

我家包包曾以為係假架........

慢慢燒，慢慢食，

傾下計...........好開心，

好好享受二人世界.........

今次係第一次自己醃雞翼，

都幾好味，下次可以再醃.......

可愛的侄仔

好耐冇post 我可愛的侄仔既相喇，

大個左好多喇，已經八個月喇，21lbs重喇，

抱一陣要休息下，

不過就真係好可愛又醒目，

屋企個個都好錫佢..........

呢張相係中秋節做節果日影架，

姑姑抱抱.......

好鐘意姑姑架........

姑姑一行過我就伸手要佢抱架喇.......^^

仲會好嗲咁既樣......

姑姑就會心都甜晒.......^^

姑丈要番工冇黎食飯啦.......

姑姑send左我張相俾佢，佢都想抱我呀......

中秋節快樂......^^

原本打算中秋節去露營，
可惜擔心會落雨，所以決定唔去......
食飽飽之後去左大尾篤，
哇.....好熱鬧呀.....好多人呀..........
hehe.......我帶左之前整既花燈，show off一下，
一路上好多人讚美...........
仲有人問我響邊度買.....^^

我地一場去到大尾篤又點會就咁行一圈就走............

有少少涼風，行下傾下計.......

不知不覺左一小時，行左四公里....

出左少少汗......正呀....

兩個人兩個轆的故事@探險之夜

呢張夜景係咪好靚呢........

但係背後有一個故事.......

一個兩個人兩個轆既故事...........

話說呢晚........

我同包包食飽飽，就駕住我們的兩個轆去兜風...

根據GPS資料，

由慈雲山有一條路可以回沙田，

單純的我們就開住GPS去遊玩..............

行下行下誤駛入村屋地帶，

村屋........好多狗在吠.......

吠吓吠吓........有幾隻跑了出來........

明白明白..........行錯路了.......

知道知道..........

兩個人兩個轆被5隻發出胡胡聲一路吠既狗圍住，

一向口多多既我被嚇到唔敢出聲，

不斷話對唔住行錯路(狗狗又點會理會....)

小腿感覺到狗吠時噴出的熱氣，

可以想像狗口同我小腿距離有多近.........

真的不敢看.........

白痴的我只係諗好唔好收起對腳，

但係擔心包包會失平衡，

車車就會倒下，到時就麻煩了........

又諗如果被狗咬要打幾多支針..............

響呢個時候.........

第6隻大狗出梗黎，是一隻好大隻黑色的狗......

我同包包講走喇，第6隻狗出緊黎喇...........

包包即時駕車調頭，一支箭，走呀........

6隻狗一直狂追我地，包包一路砍住彎，飛住去，

(包包後來同我講有逃命的感覺)

而我就只好乖乖坐定定.........

唔好添煩添亂.....

終於，走出狗狗的範圍.............

手震震攞GPS出黎.........

係呢條路，

一條全黑(真係伸手不見五指)的路往沙田.........

行唔行..........???

信唔信???

終於.......決定行..........

一條全黑勁落斜的路，只係一路落斜........

但係..........行到落去.........

OH NO.........

係車唔可以再行既路.........

終於走回頭路，行沙田坳道.........回家....

陪我地一齊有驚絛險........

跑到回家的車車...........

回家的感覺真好.........

包包同我一樣，

平生不作心虧事........

不怕黑，怕狗咬.........><

一齊經歷的又多了一點........

相信一生一世都會記住呢一日...........^^

中秋節.......月餅山

近年愈來愈多人自己整冰皮月餅，

人人都話好容易，

連我家包包都會整，

我未整過。

今年愈級......

試整日式月餅......

由早上七點整到十二點，
整左75個......

原來做月餅師傅真係好辛苦架.......

有四款.......

祝大家中秋節快樂..........

一肚氣換來的是......

原本琴晚包包的同事去BBQ叫左我一齊去，

真係好開心......

明知道星期四工作比較忙，

為左可以準時收工，

專登早左番工，

希望可以準時收工出席活動，

好努力的做呀做呀......

一路工作十分順利.......

去到五點，心諗可以出席活動.....

可惜壞消息一個接一個........

終於都要留堂，仲要留左好耐堂，

冇得去BBQ.......

勁唔開心...........

一肚氣.......

同事們，你地明明一早已經有野要整點解唔早d整呀......

點解我已經盡左力做好自己你地點解咁架.......

放工回家......

響雪櫃胡亂找東西吃......

坐響sofa上........

響呢個時間......

包包回來.......

仲帶左蕃薯回來給我.........

仲熱熱的一個紫色一個黃色.......

好好味好感動呀..........

最後，我發現我自己是一個幸福的東西.......

好姊妹的大日子

好姊妹結婚既大日子，揾左我同包包幫手......

真難得..........

睇住個好朋友嫁到個好老公，

我都好開心.........

去到教堂喇.........

我同佢都係一個自拍精，

大日子一定要來一個自拍照......

冇難度...........

之後去到酒樓喇.......

場地好靚呀.........

最後祝福他們白頭到老，永結同心............
P.S.實左影左好多相，有興趣既朋友仔可以去我fb睇.........

炒米粉 + 粥

包包有少少作病，

lunch time 走左去買餸......

放工立即跑回家先煲左一個粥.........

跟住再炒左個清清地既米粉........

點知佢同我食晒d野......

仲話自己冇病......

我信架........

珠珠中秋花燈

未串過珠珠，

用左兩個lunch time 就整好。

都幾靚架，

打算中秋節帶佢出街.......

十字繡--愛的宣言

好姐妹明天結婚喇，

佢係一個基督教......

為佢整左一個愛的宣言.......

希望佢地相親相愛.......

白頭到老，永結同心........

Love is patient, Love is kind,

It does not envy, it does not boast,

It is not proud, It is not rude,

It is not self-seeking,

It is not easily angered,

It keeps no record of wrongs.

Love does not delight in evil,

but rejoices with the truth.

Love always protects, always trusts,

always hopes, always perseveres.

明天佢幫佢手做姐妹，

包包就做兄弟......

在此再同佢講一聲........

我愛你.........

天使聚會

有朋自遠方來.......

不亦樂乎...........

天使來港探我地...........

天使真人比上鏡還要瘦還要高........

我地一行八人去左旺角潮樓食晚餐........

傾傾傾.......

傾計多過食野.........

最慘係傾到連心愛既桂花糕都忘了吃........

自拍精又上身........

依仲有一個位喎，

下次你都一齊黎啦，

留番個位俾你........

最後多謝天使既禮物，

多謝愛媽既禮物，

多謝一班好姐妹........

雖然我成日話你地好嘈，但係我愛你地........

千之瀧

屋企樓下有間日本野，
搬左去咁耐都未食過，
呢日同老公一齊去食.........

哇........好味好味...........

不過好貴........唔抵........
所以冇下次........

再次OK Funs @ 三眼仔筆

點解又再換一支三眼呢.......??

因為我隻佬見到鍾意，

所以老婆辛苦儲左100分，

最後都決定換一支俾佢。

雖然我地唔可以成日見，

但係都可以在同一時間用同一支筆，

感覺好浪漫呀.......

尖沙咀老趙

行開尖沙咀去左老趙吃東西..........

由於飽飽地所以只叫了一個三料牛肉粉 $40

及一個蟹肉焗蛋金磚$40
真係超好味呀..........
又話飽飽地，又勁食既情況又出現.........

豬頸肉濕炒烏冬

呢排熱到咁，唔好話叫我煮飯，連食飯都唔想，

所以整左一個簡單既炒烏冬......

濕氈公仔--老虎仔、老鼠仔、小熊......

上次整完企鵝同雞之後，

深深愛上了濕氈，

今之再整多幾個朋友仔俾佢地........

整左一隻可愛既老虎仔......

一隻偷芝士食既老鼠仔.......

仲有一隻呆呆的熊仔........

佢一班小朋友響度傾計..........

佢地個個都好可愛，

一見佢地我就會笑，

所以我帶晒佢地番公司，

等我番工都開心D........

我要日日都開開心心.........