麵包超人食物碟

行過太子的東西貿易.......
見到呢個食物碟，其實想買好耐.........

今日再次見到.........
$108..........買左.........
真係好靚.........

滑嘟嘟@ROSKEN 洛士徤分享報告

囡囡一向有少少濕疹仔，
一到轉天氣，腳仔就會鞋鞋的，
仲記得佢細個既時間，因為濕疹仔而要去睇醫生！！
醫生話好多BB都有濕疹，如果處理得好,不會成為大人濕疹呢，
作為媽媽就要勤力幫BB保濕，
因為BB既皮膚好幼嫩，要好好強化，
由厎做好，令皮膚一日一日好起來啦!

醫生說的也有道理，眼見朋友有濕疹實是痛苦，
我唔想BB要受呢D苦，
所以每天幫BB沖完涼都一定一定要搽lotion,
一般BB lotion夏天用還可以,但呢排天氣又凍又乾燥,
皮膚好快就會變得乾乾的!!

要再加強保濕先得！！！

呢支係ROSKEN洛士健Repair皮膚修護糸列，專為乾燥及敏感肌膚使用

啱曬BB幼嫰既皮膚，

媽媽身先士卒先試用搽上手，

沒有味道（讚呀，沒添加香味）

質地好水潤，

搽完好似有一層膜包住咁（細看一下，原來成份含有Dimethicone,在肌膚表面形成保護層並注入水分同時防止水分流失)

依家每日同BB沖完涼都會同BB搽，搽左幾日對腳仔滑番曬。

每次同佢搽完我都會搽下自己對手

哈哈，仲好啱我，因為含有橄榄油精華，抗氧化。

由來仲有75毫升、250毫升、375毫升及500毫升，

實太好用了，

買支細既放手袋，
買支大既放公司，
買支中送媽媽一支孝敬奶奶，一支送朋友.............
總之一家大小人人都合用...... 希望個個都滑嘟嘟手，滑嘟嘟腳。

心太淡

好耐好耐冇寫blog,因為我又「被」調職了， 一年內「被」調職三次，由原本熱愛呢間公司， 一直淡，到依家只為五斗米，不會投放一點感情， 不會做多一點，亦不會做少一點。 到底是我失敗還是公司失敗，我也懶得理會! 工作上,我不能控制，只能接受， 苦!! 女兒一天—天的長大，需要多些時間陪陪她， 傾傾心事，說說故事，自己時間又少了。 為了食得健康一點，慳多一點，愛上做飯盒給老公同自己， 時間又少了—點。 就係咁冇曬時間… 但未來既日子，我要好好善用—日24小時，努力分享生活點滴。

I can share.........

成日教個女 I can share......
今次織既作品，原本打算俾自己用，
點知織完出黎........
可以同個女一齊用.........

有手尾的小寶寶

響屋企，悶悶地俾左盒腊筆囡囡畫，

15支攞晒出黎畫，
心諗一陣有排執.........
點知，玩左一陣，囡囡居然自己一支一支執番，
一支一支放番入盒.......
噢..........好乖好有手尾呀........
我也按不住讚她一下，再親她一下。

自己的事自己做

每天返學都要帶很多東西，

又水樽又尿片，
又衫又褲，仲有外套同手冊，
囡囡都要幫幫手，
好有成功感......
笑咪咪.........

古靈精怪小寶寶

古靈精怪小寶寶，

呢個小寶.........
最心甜............
呢日扮小BB學抬頭.......(仲會捉實拳頭扮肉緊.......)

之後叫佢俾媽咪影張靚相..........

佢就擺呢個樣.........
玩野.........

中秋節賞月去

中秋節食飽飯仔,就出去賞月..........

去左邊......
沙田柚認得嗎........

沙田中央公園.......

一去到心急要落地玩........

但係俾媽咪捉住影相........

我的花燈.......

玩了半晚，回家好好瞓。

洛神花蜜同蜜餞...

行街市見呢排d洛神花好靚，

所以買左一斤，有55朵，
洗乾淨，切埋個花芯，
風乾24小時，
就可以入樽，
好似浸四季桔咁，
一層糖一層洛神花，
就可以了，
在頂加了少少蜜糖，
另外，再加左梅子粉........ 
就可以放左雪櫃浸十四日。

就成為洛神花蜜同蜜餞喇.....


今次用左薑汁黃糖，驅風........

等我試下好唔好味先，好味就可以整黎送俾一型好姊妹.....

原來洛神花好有益架，

我在維基百科找來的小資料，

玫瑰茄（學名：Hibiscus sabdariffa），又稱洛神花、洛神葵、洛神果、山茄、洛濟葵，是錦葵科木槿屬一年生草本植物或多年生灌木，生長於熱帶和亞熱帶地區，最高可有2-2.5米高。葉片裂成三塊或五塊，8-15厘米長，互生。

玫瑰茄原產於西非、印度，在中國的廣東、廣西、福建、雲南均有分布。其盛產在4月或在8月下旬，成長期大約是4 個月。其花果中富含花青素、果膠、果酸等，其味更是天然芳香、微酸，色澤鮮艷、紅潤細嫩。

玫瑰茄的花含有豐富的維生素C、β-胡蘿蔔素、維他命B1、B2及B等，不但可以促進新陳代謝、緩解身體疲倦、開胃消滯、振奮精神、清涼降火、生津止渴、利尿的功效，對治療心臟病、高血壓、調節血脂，降低血液濃度等更是達到一定的效果，是一種保健食品。可以用來沖泡茶和製作飲料，其味酸。洛神花汁在西北非很流行，但在西歐的市場還是剛起步^[1]。玫瑰茄也可以提取玫瑰茄色素^[2]，用作食品行業的食品添加劑，亦可製成果醋。

親子窗台

女兒很愛在窗台上看街，但家中的窗沒有安窗花，
雖然已經關上窗，但真的有一點危險，
每次都一定要睇住先可看街，
但我十分享受，
因為我每次都會利用呢d 少少時間親子一番，
會好佢傾傾計，親親咀，
頂頂頭，貼貼面，
東南西北，什麼都傾一傾，
久而久之，女兒亦愛上看街時有媽媽陪伴。

看呢日媽媽陪曬腳.......
多溫馨.......
要好好珍惜每一天.........

幸福的女兒

真感恩，我有一個好老公，
他不是一個重男輕女的人，
他真係好錫女兒，
一有時間就會湊女返學放學，
整野食，沖涼一腳踢，
打掃洗衫，粗重的，輕可的........
家中的大事小事也難不到他...........

因沒有人家可以幫手湊女，
所以打從女兒出世第一天，
女兒的起居飲食，
事務大小均由我兩一手包辦，
所有事唔係我做就係佢做，
我地兩個分工合作，努力湊女........

女兒，你真係好幸福。

試左裝片片的另外用途

星期六執屋，
搵到一批試用裝大碼片片.......
乜野牌子都有d..........
岩晒，可以俾囡囡搬來搬去做運動..........

中秋節團圓飯

其實一早已經做左節，

只不過中秋節前一天係假期，
一早我帶囡囡去餸，
回家準備，
叫埋奶奶同姑拉過黎一齊食.......

準備了: 
梅子蒸排骨
涼拌豆腐
蕃茄大蝦
芥蘭炒牛肉
仲有外賣鹽焗雞
朧脷葉桔餅川貝煲瘦肉湯

仲有飯後甜品湯丸

一家人食到lum lum 脷.......
大讚好味道.......

開心死我.......

Zara Baby 褸仔

都話無事出街少破財啦，
去zara 行一轉又買左野喇，
女兒的褸仔.........
雖然之前已經在chicco 買左一件，
但係呢件米白色真係好靚好靚，
好有我的影子感覺..........

除左外型靚，質地亦不錯..........
內埋是絨巾，
保暖一流.........
買左18-24個月..........冬天時合身..........

令人心甜的奶奶

估下這個是什麼東西...........
青青的............有毛毛的.........

是新鮮的羅漢果..........
平時久不久都會煲下羅漢果水飲..........
通常用乾既煲...........
煲出黎甜甜的.........
行過街市見有新鮮既，就買左4個，只係$15

切開四分

煲十分鐘就完成......... 
清清的..........

試下味先.........
甜甜地甘甘地..........

我就一般........
奶奶上開黎，倒左一杯俾佢飲.........
佢大讚好飲，仲飲左兩大杯.........

哈哈.........真係好開心，
令人心甜的奶奶.........
下次再煲俾佢飲..........

媽媽整的飯衣

囡囡開始學自己餵食，
當然地會整到周圍都係，成衫都係，
所以整左一件飯衣俾佢，
粉紅色圓波波，自己都好滿意。

著上媽媽整既飯衣，真係食飯同飲湯都叻d。

半夜二更薑汁撞奶

星期六晚，就係頂左成個星期，最攰最攰既一晚，
亦都係最唔想瞓既一晚，
因為明知星期日可以休息.........

呢個星期六，我又唔捨得瞓，
半夜三更起身整左碗薑汁撞奶俾自己，
搞下東搞下西，
三點半先再瞓.......

2012提燈節

自從升左班之後，囡囡多左好多活動，

平時放學回家，一食完飯就瞓，再睇下佢本手冊，

哇滿滿的活動時間表，

別以為小朋友返學好輕鬆.........

當然家長六有不少功課要做.......

9月尾中秋節，女兒學校就搞左個提燈節，

每個小朋友要帶一個花燈回校.........

而我亦用屋企既珠仔串左個花燈俾囡囡帶回校參加是次活動，

呢個花燈用左不少心思，

因為怕開左燈會好熱，

特別用了透明度高既珠仔申，花燈唔開既時候都會好閃，
同時亦買了支質素好少少既燈泡.......

另外，花燈俾小朋友玩安全一定跑第一，
珠仔要串得穩固是十分重要既一環，

所以全個花燈只用了兩條魚絲串，讓鬆脫的機會減到最低，

另外，就咁掛住，一定不消3秒就不知飛左個花燈去邊，

所以用串完花燈既魚絲，挷實以固定花燈，

就咁挷上去太肉酸了，

加上金珠遮一遮醜，
成功........


你們看......我女兒在校門外，玩得多高興........

網購的樂趣@GAP

天氣一天一天的涼，係時間買定D冬天衫仔，

大人既可以不用買，因為前年舊年存貨，

但小孩的就不可以不買，去年CY只一個小寶寶，

今年長高長大了不少，去年的今年已不合身了。

剛好收到GAP既及時訊息，

當然第一時間向我的好姊妹發放啦..........

我的好姊妹原來已經準備好了，

仲告訴我買8件65折

終於同同事一齊訂了8件.......

成功取得65折....抵呀.........

依家同大家分享一下收獲...........

甜美公主袖條紋連衣裙 霜狀象牙白 90碼 $199

http://www.gap.hk/product/125722.html

海洋風，是媽媽的最愛，

肩位左右邊都有一粒紐扣，方便穿著，

現在是裙款，明年夏天時應該仲岩，

仲有一條UNDER.....好方便.......

荷葉邊領密致小花長袖上裝 霜狀象牙白 90碼 $179

http://www.gap.hk/product/129562.html

碎花裇衫質地，

反以為好薄，但原來是雙層的，

後面扣，好特別。

夏天返學，因為有開冷氣，所以要帶外套，

這件岩晒..........

風琴褶 彼得潘領長袖上裝 霜狀象牙白 90碼 $99 

http://www.gap.hk/product/130650.html

簡簡單單的白色上衣，

只需要加上任何顏色既褲或裙，已經好靚。

易襯之選。

甜美條紋 褶長袖連體衣 礦金色 90碼 $129

http://www.gap.hk/product/128348.html

冬天總不能少的連體衣，

不怕belly button 偷偷走出來，凍到.......

特別的設計，下身加褲仔或裙仔，

用面果層遮住就冇人知道係連體衣。

簡約純色圓領針織開衫 艷 瑚色90碼 $199

http://www.gap.hk/product/129784.html

針織外套，冬天返學著一流.......

(因為返學外套都好有要求，不可有帽亦不可有拉縺)

自然花朵印花長袖上裝  艷 瑚色 90碼 $99

http://www.gap.hk/product/128996.html

有人問我，我咁愛紫色，是否買俾CY都係紫色為主，

我就不會只單買紫色給她，

我什麼顏色既衫都會買俾佢，

愛她著不同的顏色，

小孩是繽紛的，

是歡樂的..........

哈哈，分享完畢........

下次有好野再燒一燒大家.......