孕媽媽都可安心使用的--Lavera Q10 cream

呢排天氣又凍又乾燥,

加上懷孕令賀爾蒙改變，

令下巴位置不斷出暗瘡，

出暗瘡就更加唔敢亂搽野，

幸好，響呢個時間朋友仔送來一瓶Lavera Q10保濕霜，

由於它是100%天然有機護膚品，所以孕婦可放心使用。



瓶底有一堆數字，相信是有效日期.......

打開蓋，仲有錫紙包住確保衛生.........

打開.......是白色的cream,質地唔笠.......

用手指在皮膚上輕輕拍按，

按摩過程能促進血液循環，使成分有效滲入皮膚。

每日早晚使用，用左兩個星期，暗瘡得到改善。

價錢$199/50ml亦十分合理........

最好係連孕媽媽都可安心使用..........讚呀。

辦年貨........

好快就新年喇.........

今年冇執屋.........乜都冇........

但係點都要辦年貨.........

同上年一樣都係去一田買.......

趁人流唔多時去買.........

你地買左未呀........

準備好個全盒未呀.........

加油喇............

老公生日午餐+晚餐..........

我有左BB之後，因為我唔可以食壽司，所以老公都冇得去.......
佢一定好唔開心，
佢生日........我地一齊自己響屋企整左太卷.......
唔洗擔心清潔問題.......

食飽飽出左去一田行街..............

仲買左今晚既晚餐........

睇下天都未黑就食晚餐喇........

Cheers........

Happy Birthday...........

我整左蘆筍.........有豐富既葉酸........孕婦要食多d呀.........

響一田買只係$25........好抵........

等食中................

生日果個響廚房煮梗晚餐.........

登登..............
有得食喇...............

老公.......煎牛排.....一流............

老公生日蛋糕....

每年老公生日我都會整個蛋糕俾佢,

今年比較特別,係同BB一齊整.......

陀住BB整蛋糕身手無咁敏捷,所以足足整左兩個半鐘........

整既過程都鬧出不少笑話.........

我整個蛋糕材料中需要朱古力,偏偏忘記了買.........><

臨時臨急...........點好.........><

呵呵.........記起早排朋友仔送左盒Royce朱古力俾我..........

一於拆左佢黎整蛋糕..........(呵呵......我真係一個天才.........^^)

之後.........仲有一段小插曲.........

買左個Happy Birthday牌仔.........但係無買朱古力筆........

咁點寫字呀..........

天材真係天才........用牙籤寫字..........

幾經辛苦........終於整好左個蛋糕喇.........

要收埋佢先..........

老公要十二點先放工.........我一定已經瞓到豬咁啦..........

要好好準備.........

門口先貼上一張由本人寫既生日祝福.........

等佢一開門就見到.............

蛋糕一定要收埋響雪櫃..........
點樣可以唔俾佢打開睇左個蛋糕呢.........
貼張告示先.........
(雪櫃內有惡犬.......好人好者都驚啦..........^^)



好保險..........雪櫃內再貼一張..............

成功.........佢真係冇打開..........
(其實我好衰.......果日我專登叫佢幫我買野，
d野一定要放入雪櫃，但係我貼晒告示叫佢唔好雪櫃，
睇下佢會點做..........^^佢原來真係幾乖.........)

老公........Happy Birthday...........

BB同大家say hi......

各位靚姐姐,你地好呀,
我陪住媽咪一齊寫blog已經寫左三個幾月,
媽咪日日寫我就日日響佢個肚裡面陪住佢,
未來既日子我都會陪住媽咪.......
不過媽咪陀住我真係好攰，佢唔可以日日寫喇，
希望各位靚姐姐唔好嬲.........^^

好多人問我係男仔定女仔,
媽咪同爸爸其實無所謂,
係Junior Bread定Mini Jam都無所謂,
佢地成日同我講只要我身體健康就足夠,
上星期媽咪同爸爸帶我去見醫生,
做oscar測試既時候,醫生話我應該係Mini Jam.........
媽咪同爸爸好開心，不過當醫生話我頸皮厚度合格，
佢地先識笑咋.........

果日我仲表演左倒豎蔥俾佢地睇，
佢地又見到我飲胎水，
仲見到我個靚靚側面.......^^
我仲表演左伸懶腰.....
媽咪同爸爸睇到哈哈大笑........

失蹤人口......

近幾個月我都好似失蹤人口咁，唔見左，
我知道你地一定好掛住我......
想知道原因嗎.........??




其實我忍左好耐，好想好想同你地講，
同你地分享我既喜悅..........
講到呢度，相信大家都估到吧..........




係呀，我同包包要踏入人生另一個階段喇..........
係呀，我有咗寶寶喇..........^^




之前佢太細個，怕小氣，今日已經三個月多喇，
可以同大家講喇.........




初初陀B真係好辛苦，又暈又嘔.........
成個人好似無晒動力咁............
日日只係想瞓..........




好喇，日後可以同大家分享番之前既經歷喇........^^


......


知道大家好掛住我,


送大家一張大肚照,以解掛念之苦.......^^(wk12)

侄仔生日會

不知不覺侄仔已經一歲喇，

搞左一個小小生日會..........

睇下真係大個仔喇............

好開心呀.........

開心到飛起.............

已經26磅喇，要抱佢真係要好好練習一下.........

仲有好多好多朋友仔黎一齊慶祝.........

仲有好多好多禮物............

會展展覽有感

響灣仔返工既我經常被會展既expo影響，
成日塞到條天橋行都行唔到，
俾條生路行下都唔得.........

有時諗諗下expo...........
就好似我既人生路.........

細個既時候再人多擠迫總會去過美食節同動漫節
(年輕既時候總是吃喝玩樂........)
.
.
大個d就去書展
(人長大了點，先知道知識既重要.........)
.
.
跟住就去家居展
(辛辛苦苦儲錢，終於買左樓.........)
.
.
跟住就去睇婚紗展
(打算結婚喇..........)
.
.
跟住會係點呢??
係再之吃喝玩樂.........
定係買多層樓呢...........
定係仲有其他出路呢.............

好緊張呀.........

今天.........是一天緊張的日子，
好姊妹們，請為我打氣為我加油。

Laneige Satin Finish Loose Power Natural Beige 2

買左好耐好耐架喇..........

只係用左一次咁多...........

點解.............因為唔好用..........

買既時候..........俾佢漂亮既外表同好幼既質地吸引住..........

買左番去..........

朝早用左未到lunch time 已經出晒油..........

最後，都係要買多一盒Biotherm用..........><

試用報告: MIOGGI夜間能量再生面膜

買左一段日子既MIOGGI夜間能量再生面膜

好懶呀，自己去呢度睇啦.....

http://www.mioggi.com/cgi-bin/index.asp?lang=ch&url=product_view&product=69

呢排天氣凍到咁，冇心機搽咁多野.......

早d爬上被窩中才正確..............

但是要整暖個被窩點都需要一d時間，

響呢個時候，通常我都會好內疚冇搽面，

咁乾都唔搽面.........作死咩.........

所以.........我就會放呢支響床邊，等我可以臨瞓時搽一搽.........

質地是透明啫喱狀.......

搽上面好快就吸收晒，唔知係咪因為我太乾呢........

我買果時帶一個舊既mask瓶去加$180就有，

所以超抵，個BA小姐仲好好人送左支細細既生命水俾我試呀。

樂敦c3

出左新野........

我又要試一試.............

好鐘意佢透明瓶，

可能睇清楚裡面有冇奇怪東西............^^

哇............超勁既設計呀.........
不過我用左咁耐未試過咁放個盒..........

用後感，眼睛真係冇咁乾喎，

好似潤d。

不過價錢就貴少少咁多啦，

下次都會買既。

蘋果雪梨茶

呢排天氣勁乾燥，老公又成日打邊爐，

今日煲左蘋果雪梨茶俾佢.........

潤一潤.........

(我老公好尖咀架，唔係種種湯水都飲架，

佢阿媽煲湯係直情一啖都唔肯飲，

要照顧呢個大少爺真係用左我唔少心血.........)

幸運水晶球

幸運水晶球，

希望人人都找到幸運，找到快樂............

每年公司都會去老人院探公公婆婆，

今年將會在農曆新年前去探訪，

應一應節，

整左個紅色版幸運水晶球給他們，

希望他們身體健康，心想事成。

芝士白汁長通粉.......

彷彿我成日都

食..............食..............食...............

今日又整左芝士白汁粟米長通粉...........

所有材料都是老公的最愛..........

其實，睇住佢好開心咁食野，

我已經好滿足............

2011年........第一餐

新一年既第一餐，

第一次整蛋包飯..........

仲整左咖哩豬頸肉..........
人長大了，唔想再出去同人迫，
平平靜靜兩個人響屋企食餐飯，
已經好滿足.......

閒遊大埔火車博物館

趁天氣好出去行下，
去左大埔既火車博物館

拍拖時去過一次，覺得影相好靚既地方，
咁多年之後再去，老公的攝影技術進步了不少，
而我亦胖了不少.........

幸福的象徵吧............

每次黎火車博物館，我總記起好多年前，

E臣同sa既一套戲--藍寶石的夜空，
拍攝場地就係火車博物館，好感動既一套戲............

好想再睇一次.............

最近...........九姑娘同劉醒都有一場響呢度拍架..........

同你一齊行下影下又一天，唔需要洗好多錢，

只需要平安與健康一直到老就足夠--平淡是福........