眼明手快訓練班!

自從生左囡囡我就好似參加左一個訓練班，訓練左兩年多，
依家我真係身手敏捷左，手腳協調左，一眼關七，
腦筋轉多左，仲眼明手快左!

可能做阿媽就係咁，不論你之後擁有乜野學位，乜野証書都好,
做阿媽就係一切從新學習。

次次同囡囡出去食飯都唔會坐定定，
今次睇中個牙簽筒!!

影完呢張相

一手掃過去，說時遲哪時快，
個牙簽筒連筒帶牙簽快要跌落枱，
左手攬住個囡，右手快手一接........只捉住晒D牙簽，
牙簽筒跌左落去！！對腳一夾，哈哈，小腿夾住個牙簽筒，
牙簽筒同牙簽都安全了。