囡囡係7月B，話係大B又唔係，同1月B拍埋，始終細半年，
Interview時差少少，不過佢都唔差，有3個offer有得揀下，
最後揀左最近屋企(近到馬路都唔洗過！)，
而且我地打算在區內升學，呢間學校在區內數一數二，
三來老師有愛心，四來呢間學校大B細B都收
(我點知，interview時在課室內貼左小朋友D生日月，我見個個月都有，
好平均！(所以媽媽們時時要多留意周圍，一眼關七！)
五來鍾意有室外運動場，雖然唔大，但係有，已經好好，
因為好多幼稚園都冇，我覺得有個運動場小朋友可以多D出外活動，
身體好過成日在室內嘆冷氣。
終合以上各價點，我揀左呢間N班，希望我冇揀錯啦!
一月尾 first interview，二月頭second in，二月尾已經有結果，
收囡囡讀N班，五月已經買校服，書包，交書薄費，5/8星期一開學，
開學之前，媽媽要準備的也不少！！
一早拍定學生相，你知啦，小朋友唔係日日咁合作！！
要買定白色襪，白色底衫，同白鞋
(呢間學校好好，只係得運動服，所以唔洗買黑鞋。另外，我好懶只買同款襪，以免成日要pair up！！)
仲要在校服內一一熨上名貼，以免小朋友換衫時調換了!
(温馨提供:鞋都要熨上名貼，將鞋墊取出，熨在墊上。)
希望我呢個新手媽媽幫到大家，多謝支持，下次再同大家分享！
沒有留言:
發佈留言