突然肚餓--炒飯

呢日明明同包包食左晚餐先回家，
睇睇下電視佢又餓，
所以我又要找一找有乜嘢東東可以煮...
今次找到冷飯，
一於整炒飯俾佢食.......

薯仔炆牛仔骨

今次整左薯仔炆牛仔骨.....好味道....

我試味都添飯...........呵呵.......

實在太好味，所以聽日一齊帶飯.......

油麻地金城粉麵

以前同包包做同事既時間，因為公司響油麻地，
我地成日都會黎呢間店食lunch 架，
因為又平又好食，
我地轉左工，結左婚就冇再去食.......
今次專程去食......
都係咁好味...........
有老火湯.......
(包包平時唔鍾意西洋菜架，但係呢間既西洋菜湯佢就好鍾意飲........)

我次次都食雲吞麵.....

包包次次都叫呢個........ 福建炒飯

十字繡麵包超人

上次整果個麵包超人掛響背囊，
某天發現不見了，
可能行街果時跌左啦，
所以快快整番一個.........

Laneige Hydra Solution Mask

又係介紹好東西既時間喇，
果日行街入左Laneige，個姐姐好好人，
原本冇諗住買嘢，不過俾佢既誠意感動了.......
好喇，睇下買左乜東東先，
呢個新款既mask真係好抵又好用，
有幾抵........$580/16片，平均一片$37....
買左回家......立即試左片.......
mask分開上下兩片，所以分外貼面，
呢排天氣好乾燥，敷左15分鐘，
面上仲有好多精華未吸晒......
又係拍拍拍拍.......吸晒.........好水潤.......
呢隻面膜既賣點之一係勁多精華液，一片有20ml，
所以面膜袋內仲有好多，多到我連頸、手手腳腳都搽晒.....
仲有個姐姐真係好好人，送左好多東東俾我試......

乖巧的小寶寶

呢日一家人去哥哥家探8日大既小侄仔，
這小粉糰真可愛，
大嫂說平日他一肚餓就會放聲大哭，
今日見到咁多人反而安安靜靜，
仲俾姑姐抱抱，
寶寶，你好乖呀.......

Anpanman 電話

OK呢排出左好多麵包超人的東東，

真係.........幸好今次大出血的不是我，

而是好朋友，今次佢買左一部電話，俾個仔.......

真係太靚喇，我打劫黎影相............

個盒都已經好靚.........

打開睇下.............

真係不得了............

相機同電話........

包包的生日蛋糕

呢個生日蛋糕真係來得不容易，
lunch time 去買東東，打算趁包包不在家的晚上慢慢整，
等21/01晚給他一個驚喜，
點知!!!!!!lunch time之後勁頭痛，
頭痛到想嘔，一直忍住，
地鐵....火車....馬鐵....忍...忍...忍....
要嘔，回家才嘔....唔可以失禮架.....
但係仲有材料未買.....
去超級市場一定有既.....吓...居然冇....
去街市一定有......吓...都冇.....
我就黎要嘔喇.....
唔買齊材料點整呀.....最後響屋企樓下超級市場找到....
快快快...回家.....
即刻沖入廁所.....
嘔完舒服好多喇.....
開始整蛋糕喇.....
整到一半又再次唔舒服....
原來係因為整蛋糕途中我試吃了一匙果醬，
嘔晒出黎先舒服....
好喇...終於整起個蛋糕喇，
放左入雪櫃，打算今晚12:00先俾佢，
點知佢開雪櫃.....破壞晒我既計劃.....
幸好未完全整好....
希望佢今晚睇到會開心啦.........

Anpanman 相機

真係好靚，響OK買的.......

打尖打尖.....侄仔出世喇....

大哥個仔出世喇，
比預產期早左幾日，
呢個寶寶真係好乖巧，
出世第二日我同老公去醫院睇佢，
不知不覺睇左兩個鐘，
兩個鐘都冇大聲哭泣，
只係因為肚仔餓細細聲哭了兩次......
睇到我地倆口子心郁郁.........
寶寶，希望你快高長大，身體健康....

佐敦澳洲牛奶公司

好耐冇去過食喇，同包包去食，真係好滿足呀.......
叉燒湯意.......
厚厚的多士+滑滑的炒蛋.......
真係不得了.......

果日仲響附近見到周潤發呀......

蜜蜜燒雞脾仔

今日焗左雞脾仔，
仲有蟹蓋.......
呢個係早餐黎架.....我真係想瘦都難......>0<

大食鬼大戰明將壽司

呢日同包包去左西九龍中心對面既明將壽司，
我地坐order枱.......
嘩........最鍾意食三文魚.....

睇下.......好新鮮呀..........

估下我地兩個人食左幾多碟壽司.......

答案係........25碟壽司+1碟啫喱.......

荃新天地之WARAKU

呢日包包要去荃灣打波，佢想我陪佢，好啦，好耐冇陪佢就陪下佢啦，
未食早午餐，所以先去食東東，去左荃新天地WARAKU食lunch ，
我地一人叫左一個鐵板餐.......
睇下有乜東東食，
首先來了一個沙律，真係好新鮮，沙律汁又好好味，好開胃......

跟住跟餐有一杯嘢飲......
我叫左芒果汁......包包叫左Calpis......
我地都覺得貨不對辦......

跟住.......包包.....好多蒜呀.....(好開心.........)
但係原來只係第一片........only...(好失望......)

睇下環境.......都幾好架，唔係好多人，
一路食一路傾計，都幾舒服.......

依.....話咁快.......我個鐵板餐到喇.......
煙都冇.......好失望......

食飽飽.......
玩下先.......
我已經傻左.......

好彩，仲有你同我一齊傻........

結帳，$150兩個人既午餐........

wakeboard 板黎左我屋企

呢日放工回家........
wakeboard 黎左我屋企.......
包包今個夏天尾愛上了wakeboard......
夏天每個星期都會約朋友去玩，
直至冬天來臨，依然繼續wake......
無論幾多度都下水wake wake......wake........
真係服左佢地..........

第一個十字繡口水肩(兩隻小鳥)

第一個十字繡口水肩終於送出喇，
呢個BB真係好可愛，佢就係我好朋友Michelle個細仔喇，
你睇佢笑得幾可愛，佢一定係一個開心BB，
希望BB身體健康，快高長大......
我叫左Michelle 影多d相，等我第日懷孕既時候可以日日睇佢d相，
生個BB好似佢咁可愛........呵呵...........

鈎頸巾

公司搞左個鈎頸巾班，
我原本係一d都不懂鈎，
上左一堂已經可以成功鈎一條頸巾喇，
上左兩堂學左三款喇，
原來鈎嘢真係幾好玩，
所以一口氣鈎左三條，呢三條都會送去老人院俾公公婆婆，
希望佢地收到唔會嫌棄我手功唔好啦，
亦希望將我既小小溫暖同佢地一齊分享........

好笑到暈的夢

如果你地返工時睇，千萬要忍住唔好笑出聲呀!!!!!!

老公同我投訴，佢話我琴晚發開口夢......
哦.......我好少架喎......
吖.......我記起喇.....
我記起琴晚個夢喇.....
話說夢中我著拖鞋型既涼鞋去街，
行下行下有個女子同我講：「嘩，你對腳有白內障呀！」
我：「吓，腳都有白內障？」
女子：「係呀，你個腳板底有兩個白色，咪就係白內障攞。」
我(大驚)：「咁點好呀？」
女子：「唔洗驚，用刀仔片左面果層白色就得，就冇事。」
我(疑惑)：「真係得......」
(夢中都o咀........)

蜜桃黃椒炒雞柳+美極瑤柱炒生菜

今日煮左蜜桃黃椒炒雞柳.......
我覺得好好味........
另外，整左一個美極瑤柱炒生菜.......

我地BB個名

雖然暫時仲未知道幾時先至會生真正既廖小B，
但係琴晚老公同我講已經諗左我地個仔同個女個名....
已經真係好開心.......
原來因為早兩日佢失眠時諗出黎架....

試用報告：水感肌綠崗二世子雪山收孔水

首先，要多謝屈臣氏經圓圓小姐俾呢支收孔水我試用。

水感肌綠崗二世子雪山收孔水......
我鼻既左右既毛孔都幾大，之前用左好多方法都冇法改善，
回家立即試用，收孔水既用法係就咁倒出適量收孔水，拍上面，
收孔水質地比平時用開既爽膚水杰，
所以唔可以立即吸收晒，我會拍多幾下等皮膚慢慢吸收，
吸晒之後，好滑，毛孔好似真的收細了，皮膚好似真的緊緻了......

試用報告：AkashiACELLIXIER TIME TURNER

TIME TURNER ........
呢兩個字實在太太太...........吸引喇......
時光可以倒流.......好呀....可以倒流幾多都好呀.......
流晒口水.....
取回家一於立即試下個NF3 Lifting Cleaning Cream先....
平時都係用起泡既洗面用品，
今次呢個係唔起泡的......
係白色既cream，味道係......冇乜味喎...
洗完真係好乾淨，但係又唔會好乾，
啱晒冬天乾燥既日子用，真係......溫和潔淨 柔和細緻

跟住再試用NF3 Lifting Day Gel.....
賣點係.......增強承托 提升輪廓
好就等我試一試先.....
透明的......
味道...又係冇味道喎.....
搽上面.....依有少少難吸收，但係按摩幾下就可以完全吸收晒，
仲好滑tim......又幾好喎......
咁......早上要再早少少起身才可以...
希望用多幾日真係可能提升輪廓啦.....

試用報告:6 Days Beauty面膜

早幾日睇報紙，當時已經心動，
今次可以試用，真係好開心.......

取了回家已經急不及待要開黎用.....
每次去買面膜我總是得三分鐘熱度，用得兩三次，總是放在一邊.......
今次呢個已經排好晒次序，好似有一對隱形手每天引領我去做面膜咁!!!!

值得一讚既係用了掛耳式設計，令面膜超級貼面，感覺好好........
而味道亦是啖啖的.......
精華液既分量亦足夠，敷完按摩一陣才可以完全吸收.........

至於是否真的緊緻了，真係不得而知，
但係就明顯第二日上妝比平日貼面。

我非常欣賞呢個牌子沒有華麗的包裝亦沒有找來什麼明星賣廣告、做代言人.......
只是實實在在的，價錢亦十分合理，令用家受惠，真係抵讚。

唯一缺點係，包裝盒上沒有寫面膜要敷幾多分鐘，
左找右找之下終於在面膜袋上找到，呢一點可以改善。

聖誕禮物—廖小B

登....登.......登....登..........
等我同大家介紹，呢個就係廖小B喇，
係包包公司100周年出既紀念熊仔，
包包訂了一隻俾我，原本作為聖誕禮物之一，
可惜聖誕都未到，遲了但勁開心....
佢真係好可愛....

美好回憶之聖誕節愉景灣一日遊

知道包包聖誕日放假可以陪我實在太開心喇，
一早已經安排了—日遊俾包包，
希望佢開開心心....
睇下我地既行程先.....
由於之前果晚玩得太夜，所以俾佢瞓晏少少........
出發去東涌食個lunch 先，之後就坐巴士入去愉景灣，
大約20分鐘就到，
由於時間仲早，行左碼頭..影下相....
睇下包包既作品先.....

跟住就行回市中心喇.......

之後就去左買小食，等日落....

一定有人問，點解要響呢度等日落....
日落之後.......沙灘上出現了......

一個一個心心呀........
亦是我今次安排行程的重點.....

其實我都偶有佳作架...........