親親大自然@南丫島 Day 1

呢日包包帶我去南丫島玩呀.....
回想....原來我同包包只去過南丫島兩三次.....
所以我地好似小朋友咁未出發先興奮，
兩個分別找了不少資料.....
我地今次住位於洪聖爺灘既浪濤軒，由碼頭行去差不多20分鐘.....
去到由於房間未執好，太熱喇.....
我地就坐響度hea.....睇下報紙，傾下計.....
酒店既員工好好，好主動幫我地影相....

一場黎到南丫島，一定要去探下大風車....
嘩.....見到喇.....

響風車底自拍.....

行左上風車既隔離山頭.....
風車就響我隔離......

再向前行.....
原來另有一番景色......(南丫島電力廠大樓)

跟住山路行，就可以到碼頭.....
當然唔係我帶路.....
我三番四次指錯路....
包包按不住問我有冇方向感.....
呵呵...就係冇攞....如果我樣樣都咁叻幹嗎要嫁你...

差不多係時候去食晚餐....
一早找到資料，
話行去出名阿婆豆腐既路上(大樹下)有一個泰國婆婆的海南雞飯好出名，
個婆婆係泰國人，不懂廣東話及英語。

我是一個海南雞怪....
一去到我已經找到，一定要食要食.....

叫左一個海南雞飯.....

其實一般，不過食得出好新鮮，
婆婆係即場斬雞起肉架....
菠蘿好甜......

仲叫左一個泰式沙律.....
平時食既泰式沙律只係食到辣...
今次呢個可以揀小辣、中辣或者大辣.....
我地叫左小辣.....

酸酸辣辣，好好味.....

另外，仲叫左一杯泰式奶茶.....
好香，原來婆婆話係用茉莉花茶沖架，
n年前去泰國既時候飲過一次泰式奶茶，果陣時果杯真係好難飲，
今次呢杯真係改變晒泰式奶茶響我腦中既印象.....

食到七七八八，婆婆可能見我地兩隻小鬼太可愛喇，
攞左甜品請我地食.....
我唔知道係乜，總之放入口食.....
好好味，裡面係椰絲+花生....

婆婆係一個親切的老人家，
仲教我地好味既泰文....
臨走我要同婆婆合照....

呢間....冇名架，影左個門口，

大家去南丫島一定要去食呀.....
跟住去買宵夜就番酒店喇.....

明天再同大家分享第二日既行程....