新產品試用--Sasatinnie 鮮果系列既水蜜桃角質更新凝膠

首先，多謝sasa送出
Sasatinnie 鮮果系列既水蜜桃角質更新凝膠給我試用。

我是典型混合性皮膚，不容易敏感，
平時只搽防曬再掃上碎粉就返工.....
試用了一次.......

一打開.......
個包裝真係好靚呀，
真係好係水蜜桃........
好得我心.......
(用完個瓶仲可以留黎裝野.....)
打開聞下先.....
微微既桃味，不太過份，好清新.......
質地好似BB食果d蘋果蓉.....

一於試用一下.......
取適量於微濕的掌心，塗上面再按摩......
好簡單既程序......
按下按下.......gel 變成一舊舊灰灰的東西.....
很嘔心........是我的老化角質.......
用水沖一沖，洗乾淨.....
沒有乾燥的感覺.......
好似即時白了...毛孔細了...(有冇咁神奇????)
唔信，找來我家包包再試一次.......
佢真係白左........毛孔細左......
原來老化既角質令我們的膚色變得暗啞.......
之後再搽面霜真的比平時吸收........

好方便只需要一星期用一次就足夠...
(連包包都愛上)......
價錢亦十分吸引..$98/90g

Anpanman 玩具

ok 呢排出左好多麵包玩具........
又破費.........

仲有粒好可愛既糖.....

個玩具我只係開左個盒之後就放好.......
留俾第日我個寶寶玩......^^
我又發夢喇......

Anpanman 毛巾仔

我真係好鍾意麵包超人架，
有幾鍾意.......!!!!!
雖然依家好努力儲錢，但係........一見到靚既麵包東東都會心動心動，
不過都會買一d實用既東東先買........
一直好想好想買條麵包既大毛巾.....
終於俾我買到喇........
(我曾經諗過洗唔洗買多一條黎儲....
但係諗諗下都係唔洗，因為我根本唔捨得用......
可能有寶寶既時候俾寶寶用就捨得....^^)
夏天來了，我鍾意帶一條毛巾出街......
(好環保呀........)
買左兩條........

呢條一面係紗巾........

自家製蛋撻

呢排同包包愛上響屋企整東東，
上次整完蛋糕，今次整蛋撻，
冇諗過一次就成功，
第一set皮太厚，蛋漿太少，
第二set皮太薄......
第三set終於成功喇.......
試過一個人整，好辛苦，好似不斷同我焗爐鬥快咁，
唔好玩.......

不過包包都講得岩，我地好好享受整東東既過程，
係咪成功根本唔緊要.....
咁又係響整既過程，我同包包一路傾計....好似明白佢多左好多咁，
感情亦好左好多......

可愛的BB女

呢一晚要去飲，
買左條裙仔俾朋友個女，
佢個女真係好可愛，
之前仲擔心條裙太細，點知剛剛好......
一家三口幾幸福....

去飲

呢一晚好朋友補擺囍酒，我地兩個支持支持，
我地個飲樣.....
係咪有少少呆呢.....因為我地瞓左半場覺先出黎係咁架喇.......
同新郎影張先........
你睇佢幾開心，不見了眼睛........

Lunch time 小天使.........

公司lunch time有小手作班，
今日行走廊時知道今日有班，
但我冇報名，但係同事好好，
叫我一齊上堂，
所以我就有機會學整小天使喇......
好開心，原來都幾容易整，
最難係串針.........

五月聚會@Pokkka cafe

五月份既聚會又黎喇.......
今次去左愉景新城既Pokka Cafe.......
睇下家言妹妹個兒童餐幾豐富.......
我都想叫一個呀.......^^
睇下我地食乜東東....
不過我發現每次食乜都不是重要，
最重要係出黎傾下計，見下大家......

每次都令家嗚哥哥瘋狂既芒果雪山.......

兩個冇嘢玩，玩自拍.....^^

好精靈的大肚婆daidai.....

乖左好多既家言..........

勁搞笑.....

最後來一張合照........

三個幾月大既侄仔

不知不覺我侄仔已經三個幾月大架........
呢日母親節大家都返左阿媽屋企.........
包包仲緊張過我，提早左出門.....
主要目的係同BB玩.......
大個仔左好多.......
包包一見到我抱得掂就話要抱要抱.......
佢好搞笑又想抱又要驚........
好喇，抱住俾你玩下先.......
都係姑姐抱我舒服.........

表演食手手........

唔知幾時到我有BB呢........^^

一年喇...

真係不知不覺已經結左婚一年喇，
包包好好專登攞左兩日假陪我，
原本打算出去行下，但係因為母親節，我地邊度都冇去，
留在家中整蛋糕.............
已經好滿足..........
整左幾個蛋糕，當中有一個成為了我們第一年紀念日蛋糕.........
真係有意思，因為係我地一齊整架........

當晚我地倆口子去左新加坡餐廳食晚餐，
唔多人，食得好開心............

希望以後既每一年我地都要咁開心...........

母親節蛋糕......

母親節要同媽媽慶祝又要同奶奶慶祝，
我地倆口子剛愛上整蛋糕，
一於整個蛋糕俾佢地，等佢地開心下，
我地又有得玩下，
星期四已經買齊晒材料，星期六一早就開工，
倆口子整呀整呀，分工合作，一齊努力整.......
第一個整左個Blueberry.......
成功，因為上次包包都係整呢個俾我.......
根住就整一個全新既..........
點知，我地整果個係綠茶mousse紅豆蛋糕，
由三層組成，差不多每一層都有失敗過，
買左既材料差不多用晒.........

幸好我地從每次失敗都學到嘢，
終於整好一個，不過都係失敗之作，
但係冇辦法啦，d材料用晒.........

三層架.......^^

雖整呢兩個蛋糕用左我地好多時間，

但係又因為呢兩個蛋糕我地對左兩日，

傾左兩日計，包包又多左好多地方比我欣賞，佢真係好叻架.......

my breakfast

近日我的包包愛上整蛋糕，
繼上次整生日蛋糕之後，
今次焗清蛋糕，
兩口子飯後就忙忙忙，
傾下計又整下嘢，
叮叮........焗好喇，
熱熱的.....好香喎.......
包包見上次我攞生日蛋糕返公司，同事們都好欣賞，
所以佢整多一個少甜版俾我帶返公司同同事分享.....

Biotherm Skin Vivo

幾日前入左佢既精華，
今日換左佢既晚霜，
可以一齊用.........
佢呢條line真係好清爽..........
正合我心意.......

3D Puzzle

食飽飽，我地就玩3D Puzzle....
買左好耐但一直未開黎玩.......
嘩.......原來幾難架，
兩口子玩左三個鐘........
終於砌好喇.......
砌出黎靚唔靚唔係最重要，
最重要係過程，呢三個鐘大家都放低自己做既嘢，
唔打機、唔十字繡、一齊唔睇電視(只係開住個電視，聽電視)，
傾下計，講下心事，一路砌puzzle，
呢三個鐘真係好有意思，感情增進了不少。

My Birhtday Cake @ 2010

今年係結婚之後第一年既生日，
佢生日冇出去慶祝，我生日亦都冇出去慶祝，
包包一向係一個唔入廚房既人，
我生日佢居然自己煮左大蝦蕃茄意粉 + 煎牛扒俾我食，
仲有一個靚靚生日蛋糕，
真係超開心，開心過出去食大餐呀.......

第三個口金

自從整左第二個口金，就成日心郁郁想整，
但係又有幅大大十字繡未整好，
但係忍唔到.......
點都要整一個.........

試用新產品-- Watsons Man 控油系列

首先多謝Watson PR 小姐 Christy
送出試用新產品-- Watsons Man 控油系列，
我家的包包十分高興，佢話終於有佢份喇....
呵呵....男人總有愛美的時候....
睇下有乜東東先.....

有....
男士控油潔面乳(30ml)
男士控油爽膚水(30ml)
男士控油保濕啫喱(30g)
原來係一個旅行裝......

以下是我家的包包的用後感....
包:包裝好得喎....果醬:你講下點得法....
包:唔女人攞.....你知啦，響街攞出黎用好外眼架麻....
黑色襯綠色幾靚，我好鍾意....
果醬: ok ok 明白晒....

果醬:我地依家試下洗面乳先，你覺得味道ok嗎?
包: 好ok喎....
(加水起泡)
包: 依要加多d水先可以起泡，泡泡好滑，好似cream(包近日愛上整蛋糕)，搽上面，初時冇乜特別，慢慢有冰凍感覺，夏天用一流....
洗完不會太乾燥......有保濕效果。

洗完面就用爽膚水，
用法非常方便，倒少少響手上拍上面就可以，
包包跟住指示，拍上面，不消一陣吸收晒，
仲好清爽，好好呀.....

爽膚之後就搽保濕啫喱.....
啫喱是淺淺綠色既水水狀的...
搽上面.....需要少少時間去吸收，
但吸收左之後超級清爽....
包包好鍾意，佢話平時d cream 好笠。原來男人真係好怕笠....
依家可以保濕又清爽實在難得....

這系列東東的價錢不太貴，十分吸引....
...

咁好用，包包你記住介紹你d好同事好兄弟一齊用....

佢話如果呢個系列可以出eye gel就好喇.....
愛美的男人.......

其實呢個系列有以下既東東架，
屈臣氏男士控油潔面乳($39.9/100ml)
屈臣氏男士控油磨砂潔面膏($39.9/100ml)
屈臣氏男士控油爽膚水($59.9/125ml)
屈臣氏男士控油保濕啫喱($79.9/50g)

男孩子又多一個好東東用，
女孩子又多一個好東東買喇....
有時間去睇下啦.....