BB展收獲

好友送贈一張BB展指定日期既入場卷，

星期五放工，由於老公有節目，所以一個人走左去睇，

依.....唔多人喎，大肚婆一個人都可以輕鬆行，

行左兩個鐘，睇下我既收獲先.....



呢d全是免費既......

有紗巾仔、口水肩、手巾仔、尿片、chicco洗頭水、濕紙巾、

奶粉sample、孕媽媽書、襪仔、筆袋、小玩具、音樂碟、

筆同memo紙，真係乜都有.......

紅色果個包包打開就係呢d.........

之後行左去荷花......

見到個好靚好清既口水肩........

買..........

仲買左兩件衫仔...........

買左托腹帶俾自己............

hehe........看來我應該冇產婦公主病，

以上呢d野我一個人搬晒番屋企...........勁.........

BB叫我起身........^^

今日星期日放假天，
瞓晏左，瞓到八點幾都未起身，
個肚突然震震震，BB踢腳仔.........
可能平時我六點幾已經起身，
日日起身都會叫BB起身，同佢講早晨，
媽媽要去番工喇.......

佢都習慣左早起，今朝佢見我晏左都未起身就踢我，叫我起身......
BB你真係好醒呀......
mama 錫晒你呀...........^^

惠氏BB會入會禮物

有左BB不忘入下BB會,

入左惠氏BB會,

送左入會禮物俾BB,

係mustela既洗髮沖涼二合一,

好方便呀,係一支貨既size,價值$80.....

BB你又有好東西用喇..........

出門三寶........

流感真係好強勁,

睇下我既出門三寶啦.......

分別係口罩,消毒搓手液同消毒濕紙巾,

要好好保護自己同BB呀.........

雖然帶口罩有時真係幾焗,

但係我真係唔想病呀,

只好忍耐一下.......

一年一聚@菜茶

好姐妹屋企每年都一定會整菜茶,

上年第一次食,真係好好味,

今年佢屋企又整左,邀請我一家上去食,

真係好好味呀,

我食左工碗幾,老公食左五碗........

伯母好好人叫我去年帶BB上去一齊食........

真係感激好姐妹一家.....

過兩日係好姐妹的老公(他是我老公的朋友仔)生日,
所以老公專登整左個生日蛋糕俾佢,
佢好感動呀....^^

我的安胎茶

我老豆教我整安胎茶.......

材料只係蓮子,提子同雞蛋,

簡單就整好,甜甜地幾好味,

一星期一次......

熊本Q版甜薯

呢日放左工,悶悶地.....

去左一田行街街,

一田正進行最後一天既熊本縣祭,我又去八下先得........

買左包熊本Q版甜薯......$19.9

趁星期六日,多時間響屋企可以整黎食下,

要食多d 唔同顏色既野食,

加上高纖維,好健康呀..........

不過因為已經係最後一日,

所以什麼熊本珍珠車厘茄同熊本露之水滴(即係士多啤梨)都冇晒喇，

下次要早d........

Mustela防紋膏

懷孕三個月就要幫肚肚搽防紋膏,
市面上真係好多選擇,
所以都揀左好耐先決定用Mustela

因為呢個牌子已經有六十年歷史，通過測試，成份天然，安全可靠，

(呢個牌子話一知道有左BB就可以用架喇.....)

適合母乳餵哺期間使用....

老公好鐘意錫BB，佢食左都唔怕.....

佢既氣味好清香，

我次次搽完，老公都話BB好香.........(明明係我好香.......)

一次買左兩支($300/支)，個姐姐好好人送左兩包產後收身gel俾我，

我仲入左會呀(邊個姐妹要買野，出聲呀，我有折呀....)

Mustela除左妊娠護理系列，

仲有嬰兒系列、嬰兒皮膚問題系列同防曬系列，

有興趣可以去佢專門店睇下，佢地d sale姐姐好好人架。

Mama破產記...第一篇

BB既衫仔真係好靚，

忍到今時今日終於忍唔住要買d野........

買左張好靚既隔尿墊......

係日本disney架.........

再買左一件衫仔，可以俾BB當睡袋，

BB應該同我一樣好怕凍，冬天可以包住瞓，

一定可以暖Lovelove........
老公見到都話好靚.........

最開心係......只係半價咋.........

好抵既BB soft moisturising milk

又買到好野，

BB用既野唔敢亂買，俾我響網上找到團購，

係Chicco 既Soft Moisturising Milk 200ml

原本要$118依家只需要$68就買到，

由於係響Chicco專門店取貨，

所以唔洗擔心係假貨，質素有保證。

今次連老公都讚我叻呀.........

情人節蛋糕....

情人節是一個大出血既日子.....

自從有了自己的小屋之後所有大日子都會留在家中,

一來以免出外同人迫,二來不怕被砍一頸血.......

今年更加不會外出,

留在家中用餐,

餐後,老公攞左個蛋糕出黎.........

(我放工時又買左一個小小蛋糕仔......)

個蛋糕係佢整架.........

切開睇下.......

哇.........朱古力蛋糕.......

自己焗架.........超強勁呀.......

好好味呀.........

我俾100分.........

我真係不用什麼名牌名貴的禮物,

只要你有心,我什麼都開心.........

又平又抵的東西...

今日情人節，祝大家日日都甜甜蜜蜜......


我真是一個不折不扣的師奶仔，

最鐘意就係四出找D又平又抵既好東西回家，

你知啦，搵錢唔容易架，

(美麗的回憶........

仲記得同老公兩個人做五份工既日子，第一份工放工，第二份工又開工，

我老公比我勁可以三日三夜唔瞓覺，

我可以一個月唔放假，番晒三十一日工，每朝由06:00番工番到23:59，

放工番屋企沖完涼就瞓，瞓醒又番工，

我地成日笑說自己好似賣血咁，

屋企人都覺得我地好勁，邊有人可以日日番工架，

哈哈，就係果段日子儲左好多，因為日日番工根本冇時間用錢..........)



咬開每個都有血有汗架，

依家有左BB就更加要小心用錢，應洗則洗，應慳則慳，

慳得一蚊得一蚊，積少成多呀.......

(我地層樓就係一齊咁樣慳番黎架......
因為我地唔係出身響大富大貴既家庭，冇人會幫你買層樓，
所以好細個已經知道及明白，一定要靠自己努力，
直到遇到你，估唔到世界上有一個同我目標咁一致既人.......
果個就係我老公...可算是上天安排好吧.......
知足常樂，平淡是福....)



今日同大家分享我呢排買左既抵野........

早排靚太去買左支大大支既BB水($220)，

LUNCH TIME路過卓悅，居然見到有，即刻入留支，

原本諗住只係自己用都好啦，

後來DAIDAI同我講原來BB都用得，咁又好喎，

BB用就要睇下個EXPIRED DATE,響瓶底印住2013年，

兩個一齊用2013年一定用得完啦.....正.....

行過卓悅又左睇睇右睇睇.........

咁靚架.........

清清地.......減左價依家只係$69.......

買一支先..........

中獎.......

好啦，同大家分享番我過去三個多月既日子喇.......
仲記得當日，老公參加左毅行者，
我果日一早起左身同佢講左個電話，
之後又未瞓得番，
諗下.........不如check下.......
(女人的第六感......好準確.......)
嘩...........中左...........
(果一刻係呆左............試左一個月就中........六合彩又唔中.........)
心諗係咪真架...........
(雖然知道早上的尿液係最準既.........但係..........)
都係瞓多陣，起身先再check 一次啦........

安心地瞓..........
瞓醒........再check 一次............係真架喎.........
專登唔講俾老公知，只係話有份佢好鍾意既禮物俾佢，
等佢行完番黎，即時同佢講........
佢都呆左一下...........
先講出.........係咪我就黎做papa喇............^^

往後我就過住公主一般既生活喇..........^^

16 wk喇......

已經16 wk喇，

老公問我遲d洗唔洗影大肚相.........

我諗過，唔洗.........

因為我唔想只係記底八九個月既相，

我想久唔久就影，等BB大個可以俾佢睇番.......

早排買左個新鏡頭，同我出街都會帶相鏡，久唔久就影影影......

呢日係年初一(15wk)，響屋企又影影影

大肚婆行年宵........

大肚婆成日響屋企其實好悶架，
明明住年唔係好鐘意行既年宵，
今年好想去行下趁下熱鬧..........
老公為左開心下，年廿八都決定帶我去行下，
去左沙田年宵市場，以為一定好多人，
點知............人都唔多個.........
檔都唔多.........
所以大肚婆可以安心慢慢行，
老公可以放心慢慢影相............

好靚既桔仔呀...........
好清香水仙花呀...........

大肚婆行左一個鐘都唔洗就已經行完.........

呢張相好似去左魚市場咁.............

老公整既芋頭糕

老公年年都會整糕，
今年我唔可以食蘿蔔糕(老公都整左俾我媽)，
專登整左芋頭糕俾我......
個樣好得喎.......
煎少少黎試下先.....
好得喎，唔咸....仲好多材料.........
正呀.........
下年我要再來一個呀.........
今年，我將執屋既重任交左俾老公，
(我只係執左自己個好似黑洞既衣櫃only.....)
老公好好，一日執一d，
到年三十晚我放工黎到屋企，
一打開門.........
真係哇左一聲出黎，
成間屋好整齊好乾淨，
我真係讚佢呀..........

新年快樂!!!

農曆新年對中國人來說是一個好重要既日子........
上年第一年有自己既家，專登買左一個好靚既存盒.......
以後每年都來用，希望去到我地七老八十既時候都可以用.....
有意思......
今年只係第二年，已經儲左好多不同款既利是封........
今年準備既利是........

花花同大家拜年....

看我家的花花，開得多燦爛，大大朵，

花比葉還要多..................

新一年祝大家花開富貴，事事順利，心想事成......

最重要身體健康........

小朋友快高長大.....

恭喜恭喜..........

利事封

舊年第一年派利事，所以專登去買靚靚利事封，

今年原本都想去買架，可惜力不從心，

根本冇力行去買........

但係都有靚靚利事封用........

係是幾日響一田買野時候換架.........

都幾靚.........

仲有麥當當既利事封.........

但好搞笑.......

一包利事封只得兩大個.........

真係多到呢.........

睇到O晒咀............

.........今年我決定用匯豐既利事封.........

阿媽話..........匯豐利事封先係好野，

你無一百萬響佢度，佢都唔俾利事封你呀...........^^

是但啦，我無力出去買喇........><